ROMAN HEHNÂNG POLMA RAANGWAH SITI 8:7 - NIEMNYAN Naga NT (BSI)

⁷ Ngale chenthu mihnyan heh thin hei angem hung arinma mepên ako Joban demnâng ranrãngrãng dângmin; chenrãngma ngako thinma Joban Niemarang pa kepmah, ngale linlinjô thinma ere Niemarang pa takepmah.

ROMAN HEHNÂNG POLMA RAANGWAH SITI 8:7 Iomraidhean Croise

MATHIU 12:34

Pûchha heh - ne achhih dangletma jabsen chenroh ejien hongjab en a? chenrãngma ngako hungnâng mênchong danglahma ba thunma hongjab eka.

MATHIU 5:19

Erohwah, henhenma Niemarang kowah moatrãng chieneka arinthôan moatlem pa lemo thangma mihnângmin eroh lemorãng hethôeka, erepa rangkhethung nângmin arinthôanrãng hôanmin. Ngale henhenma Niemarang kowah chieneka moatlem pa phangtang molahma mihnângmin eroh moatrãng hethôeka, erepa rangkhethung nângmin adong thôanrãng hôanmin.

JON MA RAANGWAH NGINKONGSEN 7:7

Hah-tokkhoh mihnyan ma nenâng jienchhihchoh mahhèn, rohkomin nganâng chhihchoh ehang, chenrãngma ngako ngama thin moatlem pa achhih ngaekang.

ROMAN HEHNÂNG POLMA RAANGWAH SITI 1:28

Chenrãngma ngako, ere mihnyan hehma Joban toangtang nginpa thinhung nâng thien hunmah, atema ere mihnyan hehnâng achhihli thonghun thuk eka, erohwah thinma chenpa lemolia erepa moeka.

ROMAN HEHNÂNG POLMA RAANGWAH SITI 1:30

ngale thindede tungko chhihthômîn; Joban nâng chinnya, ngam apoarit, ngam poapoa, rângthôrit; thinma kaamchhih moatjû thonghun wakeka; nyong awa nginmin kepmah;

ROMAN HEHNÂNG POLMA RAANGWAH SITI 3:31

Phumma nãngma putedâlem junko Niemarang heh chhihsiet lere ekia? Chenthumin nãngma chhihsietmih; erenoma, putedâlem junko nãngma Niemarang pa dongsiet eki.

ROMAN HEHNÂNG POLMA RAANGWAH SITI 5:10

Nãnga Joban demko ran dângwah, rohkomin ate Chha ritjunma ate lemruchha rãng dangthuk ehi. Ade phumma nãnga Joban lemruchha lâdangtih, erohwah Krista ma ate roandông kohjunko nãngkhu khope eki!

ROMAN HEHNÂNG POLMA RAANGWAH SITI 7:22

Ngahung ngarin khennâng Joban niemarang demko khuhah ekang.

ROMAN HEHNÂNG POLMA RAANGWAH SITI 8:4

Joban ma are moeka pa mihnyan hei angem junko ledang Ju junko songtong lihma Niemarang junko toangtang tâdângrãng moeka.

1 KORINT 2:14

Henhen nâng Ju ahoa, erehehma Joban Ju ngewah kaera hînhô pa leta chohmin. Ererãngrãng mihnyan hehma areheh leta jetmin, ngale thinrãngma sekhota ngin rãngrãng ethonghun a, chenrãngma ngako, ere Ju chohte hehma lolo jôba tâjetmin.

1 KORINT 9:21

Ererãngrãng, Jews ledangte heh demnâng moatpoatko, ngamin Jews heh Niemarang khenko ledang thangma, Jews ledangte heh tâsiethok rãngma Jews ledangte heh rãngrãngjô songtong ekang. Are junko ngama Joban Niemarang pa kepmek ngama dangmah; Nga linlin Krista Niemarang khenko songtong ekang.

KOLOSIEN 1:21

Nema achhihli heh thonghun letma kaamchhih moatjunko sanpoat poatthe Joban demwah ataangnâng dângwah, ngale ate ran dangletma dângwah.

KOLOSIEN 2:18

Athânkhe junko adong ngama thônghunritte, ngale ahôanma diapnumritte, erediko Joban ngintatte hehnâng soamtô rãng chiente hehnâng nekmokwânrii en. Chenrãngma ngako, ererãngrãng mihnyan heh thin hei angem hung arin junma thonghun lahma chhihsietrii eka

2 TIMOTHI 3:4

thinma mihheh phoang chensãng, hen roakmin leweih, ngale ngam apoarit erewak a; thinma Joban nâng hun noma khuhah nâhah dângko lolo ehunwak a;

HIBRU 8:10

Ade phumma, Ngama are toampa Isrial mihnyan heh demnâng ahokmin sanpoatko esem ang, arepa Teso ma ngaeka: Nga Niem heh Ngama thin kheri nâng ethienkoh ang ngale thinhung khennâng eraangkoh ang. Nga a thin Joban rãng edangang, ngale thin a Nganâng putedâlemte Nga mihnyan rãng edangwak a.

JEMS 4:4

Joban nâng lepute dâlemte mihnyan heh! Nema jetmetne, hahtokkhoh demnâng lemruchha dangkenpa Joban demnâng ran dangeki ngama? Nema hahtokkhoh demnâng lemruchha dâng mehun enko, nema nedede a Joban ranrãng hôanrii eken.

2 PITER 2:14

Thinma dihiak dela kaamchhih moatrãng loloba phoanglem eka; thinma papkaam moatpa chenthumin jekmah. Ngale thinma diapphhek chhahla mihnyan heh diapphhek chhah lahma lemke nâng senphe eka. Ngale thin chhahnyoak lolo hethôeka. Erohwah thinma Joban wah chêm echohwak a!