ROMAN HEHNÂNG POLMA RAANGWAH SITI 8:2 - NIEMNYAN Naga NT (BSI)

² Chenrãngma ngako Jisu Krista demnâng roamlahma nãngnâng roandông kephok kohte Ju niemarang, pumma nga pap ngale rit niemarang kowah lâpesiet thang.

ROMAN HEHNÂNG POLMA RAANGWAH SITI 8:2 Iomraidhean Croise

JON MA RAANGWAH NGINKONGSEN 4:10

Jisu ma dânthâng wah, “Nangma Joban ma chenni koheka erepa jetlohmeko, ngale nangwah jo thâjoktepa hen a erepa jetlohmeko, nangma atewah chenthajoktoh, ngale atema nangnâng roandông kohthinjo chenjok thuktho.”

JON MA RAANGWAH NGINKONGSEN 4:14

Rohkomin henhenma ngama koh ekang jokowah jok eka ereheh chenthumin jolân lengak riimin. Ngama thinnâng koh ekang jopa, thinhung khennâng thinnâng roandông kohte jokhôrãng edanga, ngale thinnâng roantang roanjêng roandông ekoh a.”

JON MA RAANGWAH NGINKONGSEN 6:63

Roandông pa Joban Juma kohehi; hei angem phoangpa chennijô dangmah. Nga nedemnâng jabmîn eka jabkhab pumma Joban ngewah roandông chohthin Ju kephûkoh ehèn.

JON MA RAANGWAH NGINKONGSEN 8:32

Nema toangtang pa ejet en, ngale toangtang pumma ne elaang phehèn.”

JON MA RAANGWAH NGINKONGSEN 8:36

Chha pumma ne melaang phehèn koba, nea linlinrãng laangphe ehèn.

ROMAN HEHNÂNG POLMA RAANGWAH SITI 16:3

Nga demnâng Jisu Krista moatlem johmoatte Prisila ngale Akuila nii nângmin ngama salem matkat erâng;

ROMAN HEHNÂNG POLMA RAANGWAH SITI 3:27

Eroh medang ako nãng dedema chenni rângthôrit thin etonga? Chenni rângthôrit thinjô aho! Ngale erepa chenni junma dangeka? Erepa nangma Niemarang pa kep junko dangeka? Erejunko dangmah, nãngma putedâlem junko dangeka.

ROMAN HEHNÂNG POLMA RAANGWAH SITI 5:21

Erohwah, pap junko rit pumma nãngkhoh ko pêntah rãngrãng, toangtang pumma Joban mînchenchaan pa nãngkhohko pên ehi, erohwah nãng Teso Jisu Krista junma nãngma roantang roanjêng ahîn roangdong pa choheki.

ROMAN HEHNÂNG POLMA RAANGWAH SITI 6:14

Papnâng ne roandôngpa nekpênthuk en; chengrãngma ngako nea niemarang khennâng dangmet, Joban mînchenchaan khennâng songtong eken.

ROMAN HEHNÂNG POLMA RAANGWAH SITI 6:18

Nea papwah lâpesietthen ngale toangtang haa lâdangtet.

ROMAN HEHNÂNG POLMA RAANGWAH SITI 6:22

Rohkomin ade phumma nea papwah lâpesietthen ngale Joban haa lâdangtet. Ngale ne roandôngpa phangtang Joban nâng lâkohtet, ngale erohwah roantang roanjêng lethôan roandông choh eken.

ROMAN HEHNÂNG POLMA RAANGWAH SITI 7:21

Erohwah ngama are niemarang pumma moatlem molahma khe ekang: Chenthu ngama asenlipa moat mehun angko, chenre pa chhih a erepa ngama chiren moekang.

ROMAN HEHNÂNG POLMA RAANGWAH SITI 7:23

Rohkomin ngaphoang khenko niemhan molahma khe ekang - ere niem pumma ngahung ngarin ma asen ngama ngaeka demko mênmîn re eka. Ere pap niemarang pumma nga phoangko molahma phâtek nâng khhekritte rãngrãng hôan ehang.

ROMAN HEHNÂNG POLMA RAANGWAH SITI 7:4

Ngalemruchha heh, eroh jôba nekhu demnâng min dângmin. Niemarang junko methôeko, nemin lâriitet, chenrãngma ngako, nemin Krista phoang wah jôba; ngale ade phumma ritwah ngakhînte rãng jôba dângmin, ngale erohwah nãnga Joban moatlem nâng asen dângmin.

ROMAN HEHNÂNG POLMA RAANGWAH SITI 8:1

Erohwah, ade phumma hen Jisu Krista demnâng dangeka ereheh nâng achhih lenga tumin.

1 KORINT 15:45

Chenrãngma ngako Joban nyapraangma ngaeka, “Khebengthôan mihnyan, Adam, pa ahînte mihnyan rãng hôanwah”; rohkomin khediwah Adam pa roandông kohte Jurãng hôaneka.

2 KORINT 3:17

“Teso” pa Ju; ngale chenko Teso Ju tongeka, ereko Ju junma Joban nâng soamtô eki.

2 KORINT 3:6

Atema jôba dekma raangwah ledang, Juma raangwah toamsem nyan haa tâdângrãng ninâng chaankoh ehi. Dekma raangwah niemarang pumma arit kephûera, rohkomin Juma roandông kohehi.

GALATIEN 2:19

Niemarang nâng methakthô eko, nga riichoanthã - Niemarang pummejô ritphe ehang - erohwah nga ade phumma Joban rãngma hintu ekang. Nga Krista demnâng bãngphak khoko lâjoh ritphethang,

GALATIEN 5:1

Nãnga mihhaa dângwah jek ekipa - Krista ma loatsiet ehi! Erohwah, mihhu mihaa ledangte rãngrãng dangen, ngale nededema mihhaa rãng nekhôanrii en.

GALATIEN 6:2

Wathema wathe chêmchei ko chohsûmîn en, ngale erohko jôba nema Krista niemarang pa kep eken.

JEMS 1:25

Rohkomin nema mihnyan papwah pesiette Joban Niemarang Asenko namnam sûletma, atatlolo ledang, ere Niemarang pumma chenroh ngaeka ererãngrãng memo enko - nema chenjô memo enkomin ere kohko Joban ma rang ekohhèn.

LOATKHESOK 11:11

Jârem khathe diko thinkhoh nâng Joban wah roandông chohthin rek kalahma thinnâng lupkatwah, ngale ephumma thin tôanchepwah; ngale thinnâng khête heh phangtang chei rewah.

LOATKHESOK 22:1

Ngintatte pumma Nganâng roandông jokhôpa sîsa khenwah rãngrãng khînriri Joban ngale Saakchha tôngthin kowah hongjenka lahma khesokwah