ROMAN HEHNÂNG POLMA RAANGWAH SITI 8:16 - NIEMNYAN Naga NT (BSI)

¹⁶ Joban Jupa ate dedema Ju demnâng roaplahma nãnga Joban Chha ngama loatjab eka.

ROMAN HEHNÂNG POLMA RAANGWAH SITI 8:16 Iomraidhean Croise

MATHIU 5:9

Mêmo dângrãngma moatlem moatte heh rangkepte dângmin; Thinnâng Joban Chha ngatmin!

LUK MA RAANGWAH NGINKONGSEN 20:36

Thin a rangkhethung wah Joban ngintatte heh rãngrãng dângmin ngale ritmin lerii tumin. Thin a Joban chharãng dângtûmin, chenrãngma ngako thin a ritwah ngakhin eka.

JON MA RAANGWAH NGINKONGSEN 1:12

Khakama atenâng putedâlem lahma kep eka; erohwah atema thinnâng Joban Chha dangthuk eka.

MOATLEM 5:32

Nima areheh mitma khelihma thôeki - ngale Joban ma ate nginkepte hehnâng hînhô rãng koheka Asâthôanju memin jeteka.”

ROMAN HEHNÂNG POLMA RAANGWAH SITI 8:14

Ngale henhen Joban Juma seneka ereheh Joban chha.

ROMAN HEHNÂNG POLMA RAANGWAH SITI 8:19

Hahtokkhoh wah chentô hînjebjeb pumma Joban ma ate chha heh chenthu khesokkatmin a ngama nyahrãng ngiaklahma bemeka.

ROMAN HEHNÂNG POLMA RAANGWAH SITI 8:23

Phumma are chêm nungma bemla ekapa Joban ma tem atiektah hehma lolo bemla dangmah; nãngkhumin Joban ma ate Jupa nãngnâng khebeng thôan hînhô rãng kohehi ereheh memin nãngdede hungkhen ko chêmlihma nãngmin Joban ma ate Chharãng hôanpa bemlaeki, ngale nãngphoang phangtang pesiet pa bemeki.

ROMAN HEHNÂNG POLMA RAANGWAH SITI 8:26

Ererãngrãng nãngma leta thangma dângpoatko Ju kalahma nãngnâng chohsû kaehi. Chenrãngma ngako nãngma chenroh rangsoam min a erepa jetmih; erohwah Juma nyahrãng chêmchoh lahma ate dedema Joban nâng nãngrãngma leta chhemhunli heh hongjab lahma rosep kohehi.

ROMAN HEHNÂNG POLMA RAANGWAH SITI 9:26

Ngale ‘Nea nga mihnyan dangmet’ ngama ngatah thekojô, thinnâng ahîn Joban Chha ngama ngatmin.”

ROMAN HEHNÂNG POLMA RAANGWAH SITI 9:8

Are ngaeka pa mihnyan hei angem junma chhaeka heh Joban Chha ngat dangmah; erenoma, Joban ma toamsêm wah junko chhatah heh ba linlin Abraham chha.

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 1:22

Ngale nãngkhua aterãng ngama jetrãngma nãngkhu nâng atemãn hôanlahma thien ehi, ngale ate thiak chentôpa nãngrãng thienkoh ehi ngama jetrãng atema nãngnâng Asâthôanju kohehi.

2 KORINT 5:5

Joban ma nãnga aroh litjârãng hôanehi, ngale ate thiak chentôpa nãngrãng khôanthienkoh ehi ngama jetrãng ate Ju nãngnâng kohehi.

2 KORINT 6:18

Nga a ne Wa rãng edangang, ngale nea echha delachha ngale dihiak chha edangen, arepa adongthôan Teso ma jabeka.”

GALATIEN 3:26

Putedâlem junma Krista demnâng roamletma nekhu phangtang Joban Chharãng dangeken.

GALATIEN 4:6

Ngale nekhua ate Chha ngama khesokrãng ma chienkatwah, Joban ma ate Chha Jupa nãnghung khennâng chienkat era, ere Ju pumma, “Wa, Ewa,” ngama raksep eka.

IFISIEN 1:13

Ngale chenthu nema khope kephok kohte linlin Nginkongsen pa chohtet a, ere phumma nemin Joban mihnyan lâdangtet. Nema Krista nâng putedâlem eken, ngale Joban pa ne Tângte ngama jetrãng atema toamsem tah Asâthôanju pa nenâng kohlahma mãnhôan ehèn.

IFISIEN 4:30

Ngale Joban Asâthôanju hung nekke thuk en; chenrãngma ngako Joban Jupa ne Tângte ngama jetrãng nenâng koh ehèn, ngale sanpoat pa methang tahko Joban ma nekhu pêsietmin ngama khesokrãng ere Jupa koh ehèn.

1 JON 3:1

Sûtan en, nãng Wa Joban ma nãngnâng chentô hun ehia! Atema nãngnâng hunpa atôdông, nãngnâng Joban chha ngama ngaehi - ngale erohwah, linlinjô nãnga Joban chha lâdangtih. Erohwah are hahtokkhoh ma nãng jetmahhi: chenrãngma ngako thinma Joban jetmah.

1 JON 3:10

Are junko nãngma henpa Joban chha a, ngale henpa Joakchha a erepa sâpoangpoang jienta jetloeki: henhen pa kaamsen lemote a ngale mihnyan hannâng lehuntea ereheh Joban Chha dangmah.

1 JON 3:2

Ngalemruchha heh, ade phumma nãnga Joban chha lâdangtih, rohkomin chenrãngrãng dângmin a erepa senthemthem majeteki. Rohkomin nãngma ajet chenthu Krista mengak kathako, nãngmin ate rãngrãng edange, chenrãngma ngako nãngma Krista linlinpa meroh a eroh echohkhe e.

1 JON 4:13

Nãngma linlin jeteki nãnga Joban demnâng aroamma songtong eki, ngale Joban min nãng demnâng aroamma tongehi, chenrãngma ngako atema nãngnâng ate Ju kohehi.

1 JON 5:10

Erohwah henhenma Joban Chha nâng putedâlem eka, ereheh hungnâng are nginpa thien eka; rohkomin henhenma Joban nâng putedâlem mah a, erehehma Joban pa mothôrãng hôan eka, chenrãngma ngako Joban ma thinnâng ate Chha junma chenni thôkotah a ereko thinma putedâlem mah.

LOATKHESOK 21:7

Henhenma tajien eka erehehma arepa Nga ngewah chohmin: Nga a thin Joban edangang, ngale thinmin Ngachhu Ngachha edangwak a.