ROMAN HEHNÂNG POLMA RAANGWAH SITI 8:11 - NIEMNYAN Naga NT (BSI)

¹¹ Jisu Krista ritwah ngakhînsiette Joban Jupa nehung khennâng metong hènko, ere Jisu Krista ritwah ngakhînsiette pumma ate Ju nedemnâng johtong lahma ne hei angem phoang komin roandông ekoh a.

ROMAN HEHNÂNG POLMA RAANGWAH SITI 8:11 Iomraidhean Croise

JON MA RAANGWAH NGINKONGSEN 14:17

Atea Ju, ngale atema Joban toangtang pa eloatsiet katra. Hahtokkhoh wah hehma ate kepmah, chenrãngma ngako thinma ate khemah ngale ajetmin jetmah. Rohkomin nema ate jet eken, chenrãngma ngako atea nedemnâng johtong ehèn ngale ne khennâng tong ehèn.

JON MA RAANGWAH NGINKONGSEN 5:21

Wama chenroh ritwah ngakhinsiet lahma roandôngkoh eka ererãngrãng, Chha memin atema henhen nâng huneka ereheh nâng roandông ekoh a.

MOATLEM 2:24

Rohkomin Joban ma ritwah ngakhinsiettah, ngale ritchaan kowah loatsiettah, chenrãngma ngako ritchaan pumma atea phâtek nâng khhekritte rãngrãng leta khhekthien min.

ROMAN HEHNÂNG POLMA RAANGWAH SITI 16:10

Apele nângmin salem matkat erang, ngale atema Krista nginkepkep danglahma senthemthem soamtô ekapa jeteka. Ngale Aristobulu hehtang humte heh phangtang nângmin matkat erang.

ROMAN HEHNÂNG POLMA RAANGWAH SITI 16:3

Nga demnâng Jisu Krista moatlem johmoatte Prisila ngale Akuila nii nângmin ngama salem matkat erâng;

ROMAN HEHNÂNG POLMA RAANGWAH SITI 16:7

Andronika ngale Junia nii nângmin matkat erang, ngale ngademko phâtek nâng johtongte ngalemru Jews hehnângmin matkat erang; thin a moattat chhoante hehma senthemthem jet a, ngale thin a nganoma Kristan khema kepwah.

ROMAN HEHNÂNG POLMA RAANGWAH SITI 16:9

Nãng demnâng Krista moatlem johmoatte Urbanas nângmin salem matkat erang, ngale ngalemruchha Steka nângmin matkat erang.

ROMAN HEHNÂNG POLMA RAANGWAH SITI 6:12

Ne hei angem phoangpa papnâng nekpênthuk en, eroh medang ako nema ne hei angem hungma huneka nginpa kep eken.

ROMAN HEHNÂNG POLMA RAANGWAH SITI 8:1

Erohwah, ade phumma hen Jisu Krista demnâng dangeka ereheh nâng achhih lenga tumin.

ROMAN HEHNÂNG POLMA RAANGWAH SITI 8:12

Erohwah ngalemruchha heh, nãngma moatlem moatthin tonga, rohkomin erepa nãng hei angem hung arinma chenroh huneka eroh lemomin.

ROMAN HEHNÂNG POLMA RAANGWAH SITI 8:2

Chenrãngma ngako Jisu Krista demnâng roamlahma nãngnâng roandông kephok kohte Ju niemarang, pumma nga pap ngale rit niemarang kowah lâpesiet thang.

ROMAN HEHNÂNG POLMA RAANGWAH SITI 8:9

Rohkomin nea ne hei angem hung arinma thôkoh ehèn junko nekdangen; erenoma, Juma chenroh thôkoh ehèn a eroh dangen - eroh medang enko Joban Ju nehung khennâng linlin etonghèn. Henhen nâng Jisu Krista Ju aho dangeka ereheh Krista rãng tadangmah.

1 KORINT 15:16

Chenrãngma ngako riichoante heh lengakhin medang ako, Krista min ngakhinho.

1 KORINT 6:14

Joban ma Teso ritwah ngakhînsiet wah, ngale ate chaan pumma nãngmin ritwah engakhinsiet hi.

2 KORINT 4:11

Ni roandông dôngtang Jisu mînko riinemnemjû tongeki, eroh junkoba ni hei angem roandông komin ate roandông pa ekhehi.

2 KORINT 4:14

Nima ajet Teso Jisu Krista ritwah ngakhînsiette Joban ma, nimin Jisu demnâng ritwah johhinsiet lahma nekhu demnâng aroamma ate tânâng esietwênhi.

2 KORINT 5:4

Nãng are hahtokkhoh wah humko sông poatko, nãngma chêmchei chohjunko joang alin reki; rohkomin nima erepa are hei angem phoangpa chianga ngat dangmih, rohkomin rangkhethung wah humpa nikhohko chenpoh kohhi ngama huneki, erohkoba are aritte phoangpa leriite roandông pumma elitsiet a.

GALATIEN 6:8

Nema hei angem hung arinma huneka junko memo enko, erekowah nema roantang roangjêng rãng arit echoh en; rohkomin nema Joban Juma huneka junko memo enko, nema roantang roanjêng ahîn roandông echoh en.

IFISIEN 2:5

nãngma nginlekep dângjunma junâng riilihma dângthuko, atema Krista demko nãngnâng roandông kephû kohehi. Erepa Joban mînchenchaan junma nekhu khope eken.

FILIPIEN 3:21

Atema nãng mihnyan hei angem phoangpa atedede phoang rãngrãng elitsiet a, ngale ere chaanpa keplahma atema chentôpa epên a.

HIBRU 13:20

Joban ma nãng Teso Jisu Krista ritwah ngakhinsiettah, ngale ate hei junma atea Saaksokte Adongthôan dangeka, ngale erejunma roantang roangjêng rãng toamsem eka. Ate hung junko moatrãng mêmo kohte Joban ma chentô asenli heh chenchoh kohhi, ngale Jisu Krista junma atema nãngnângmin ate hungsênli moatlem moatrãng chenmam hôanhi. Erediko Krista mîn roantang roangjêng rãng chendonga! Amen.

1 PITER 1:21

Ate junma nekhuma ate ritwah ngakhinsiet lahma atenâng mîndongthôan kohte nâng putedâlem eken; ngale erohwah nema Joban nâng putedâlem ngale tok anâ re eken.

1 PITER 3:18

Chenrãngma ngako nepap rãngma Krista rekthe riitah pa chentô rãngma riieka, ngale nekhu Joban tânâng sietwên rãngma papi mihnyan hehrãngma mihnyansen pa riieka. Atea phoangpa loloba ritphewah, rohkomin Ju nâng ngakhîn rewah,

LOATKHESOK 1:18

Nga a ahînte pa! Nga a ritrewah, rohkomin Nga ade phumma roantang roangjêng rãng hinekang. Ngale Nganâng arit ngale hahtokkhoh wah arit amahthin heh khohnâng chaan tonghang.

LOATKHESOK 11:11

Jârem khathe diko thinkhoh nâng Joban wah roandông chohthin rek kalahma thinnâng lupkatwah, ngale ephumma thin tôanchepwah; ngale thinnâng khête heh phangtang chei rewah.