ROMAN HEHNÂNG POLMA RAANGWAH SITI 8:10 - NIEMNYAN Naga NT (BSI)

¹⁰ Phumma Krista nehung khennâng metong hènko, Jupa nerãngma roandông edanga chenrãngma ngako pap junma ne phoang pejô rit mere akomin nea Joban demnâng toangtang dangthuk ehèn.

ROMAN HEHNÂNG POLMA RAANGWAH SITI 8:10 Iomraidhean Croise

JON MA RAANGWAH NGINKONGSEN 14:23

Jisu ma atenâng dânthâng wah, “Henhenma nganâng hun ehanga erehehma ngama hethô ekang nginpa ekep a. Ngawa memin thinnâng ehun a, ngale Ewa chenii thin tânâng kalihma thin demnâng ejoh songkae.

JON MA RAANGWAH NGINKONGSEN 15:5

“Nga a angurbãng, ngale nea bãngphak. Henhen nga demnângjû danglahma tongeka, ngale ngamin hen demnângjû danglekma tongekãnga, erehehma penri ajah eria; chenrãngma ngako nga aho thangma nema chennimin leta momin.

JON MA RAANGWAH NGINKONGSEN 17:23

Nga thin hungkhen nâng, ngale nanga nga hungkhen nâng, erohkoba thin a linlin wantherãng eta danga, ngale erohkoba hahtokkhoh mihnyan hehma nga nangma chienkatwah ngama ejet a, ngale nganâng hun ehang rãngrãng thinnângmin huneko, ngama ejetwak a.

JON MA RAANGWAH NGINKONGSEN 4:14

Rohkomin henhenma ngama koh ekang jokowah jok eka ereheh chenthumin jolân lengak riimin. Ngama thinnâng koh ekang jopa, thinhung khennâng thinnâng roandông kohte jokhôrãng edanga, ngale thinnâng roantang roanjêng roandông ekoh a.”

JON MA RAANGWAH NGINKONGSEN 6:54

Henhenma ngaphoang kowah phhek eka, ngale nga hei jok eka erehehma roantang roanjêng lethôan roandông echoh a, ngale athôanjâ rangwo ko ngama engakhinsiet ang.

JON MA RAANGWAH NGINKONGSEN 6:56

Henhenma ngaphoang kowah phhek eka ngale nga hei jok eka ereheh nga demnâng dângmin, ngale ngamin thin demnâng edangang.

ROMAN HEHNÂNG POLMA RAANGWAH SITI 5:12

Hahtokkhoh ko pappa mihnyan wathe junma hûera, ngale atema pap demko rit pemin kephûera. Erohwah anga ngama pap moatdi rit pa chentô mihnyan nyuchha khohnâng hûera.

ROMAN HEHNÂNG POLMA RAANGWAH SITI 5:21

Erohwah, pap junko rit pumma nãngkhoh ko pêntah rãngrãng, toangtang pumma Joban mînchenchaan pa nãngkhohko pên ehi, erohwah nãng Teso Jisu Krista junma nãngma roantang roanjêng ahîn roangdong pa choheki.

ROMAN HEHNÂNG POLMA RAANGWAH SITI 8:11

Jisu Krista ritwah ngakhînsiette Joban Jupa nehung khennâng metong hènko, ere Jisu Krista ritwah ngakhînsiette pumma ate Ju nedemnâng johtong lahma ne hei angem phoang komin roandông ekoh a.

1 KORINT 15:45

Chenrãngma ngako Joban nyapraangma ngaeka, “Khebengthôan mihnyan, Adam, pa ahînte mihnyan rãng hôanwah”; rohkomin khediwah Adam pa roandông kohte Jurãng hôaneka.

2 KORINT 13:5

Nedede thaksûrii tan en, ngale thatjetrii tan en, ngale nea putedâlem junko songtong eken le songtong met a ngamemin thatsûrii tan en. Nema linlinjô Krista pa nikhen nâng tonghi ngama jetrii ekenle? phumma linlinjô Krista nekhen nâng aho medang hènko nea mahto lâdangtet.

2 KORINT 4:11

Ni roandông dôngtang Jisu mînko riinemnemjû tongeki, eroh junkoba ni hei angem roandông komin ate roandông pa ekhehi.

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

GALATIEN 2:20

erohwah athâng hehwah hin ekangpa Nga hîn dangtumek, rohkomin, arepa Krista nganâng tong ehang. Athâng hehwah, are nga roandông dong ekangpa, Ngama nganâng hunte, ngale ngarãng ate roandông kohte Joban Chha nâng putedâlem lekma tongekang.

IFISIEN 3:17

ngale putedâlem junma nehung khennâng Krista chentonghèn ngama rangsoam ekang. Erediko ne roandôngko hun achet mînpa rongtêngtêng chenhun chenchhâmîn en ngama soam ekang,

FILIPIEN 1:23

Nga ronghu rongkama tesiet ehang. Ngama are roandôngpa phethien lekma Krista demnâng johtong wângpa nyahrãng hun ekang, ere pejôba ajahthem asenthôan;

FILIPIEN 3:9

ngale ate demnâng senthemthem johroam ekang. Ngale Ngama Niemarang kep junko Nga toangtang dangmek. Ngama athângheh Jisu Krista nâng putedâlem junko toangtang dangekang, erepa Joban ma putedâlem junko koheka.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

1 THISALONIKA 4:16

Joban ngintatte adongthôan pumma ehongrak a, ngale Joban ngewah poakpopo pa rahmet erea, ngale rangkhethung wah Teso atedede ekara. Henhenma Krista nâng putedâlem lahma riitah a ereheh khebeng engakhin a;

HIBRU 12:23

Nea Joban rãngma khhephochha heh khuhah nâhah khôantôngthin thenâng wãngeren, ere mihnyan hehmînpa rangkhethung nâng raangthien lahma tonga. Nea chentô mihnyan nyuchha heh achhih asen rênte Joban tânâng hûeren, ngale mihnyansen heh Ju sênsiette Joban tânâng hûeren.

HIBRU 9:27

Anga nga metkep rekru rit rêmin, ngale erediko Joban ma achhih asen pa erenhi.

LOATKHESOK 14:13

Erediko Ngama rangkhethung wah jabkhab jabkat lahma tatwah, “Arepa raango: Henhen athâng hehma Teso moatlem molahma riieka ere mihnyan heh rangkepte dângmin!” “Arepa linlin!” ngama Juma dânthâng wah. “Thinma moatlem chaanmo lahma chêmtah kowah khuhah nâhah eboantong wak a, chenrãngma ngako, thinma moatlemsen motah heh thin demnâng rangkhethung nâng ejohwãnga.”