ROMAN HEHNÂNG POLMA RAANGWAH SITI 8:1 - NIEMNYAN Naga NT (BSI)

¹ Erohwah, ade phumma hen Jisu Krista demnâng dangeka ereheh nâng achhih lenga tumin.

ROMAN HEHNÂNG POLMA RAANGWAH SITI 8:1 Iomraidhean Croise

JON MA RAANGWAH NGINKONGSEN 14:20

Chenthu ere rangwo pa mehû theko, nema nga a Ewa demnâng ngale nea nga demnâng, erediko Ngamin nedemnâng dangekang pa ejet en.

JON MA RAANGWAH NGINKONGSEN 15:4

Nga demnângjû dangen, ngale ngamin ne demnângjû danglekma etongang. Bãngphak pumma ate dedema penri jienhong rimah; bãng demkojû danglahma metong ekoba penri jienhong rimin. Ererãngrãng nemin nga demnângjû dangletma letong kenko nema penri jienrimet.

JON MA RAANGWAH NGINKONGSEN 5:24

“Ngama nenâng toangtang thôkoh eka: Henhenma ngajab pa tatlahma nga chienkatte ko putedâlem eka erehehma roantang roanjêng roandông echoh a. Thinnâng achhih ngama lengamin, rohkomin ritwah ahîn thinnâng lâdangtah.

ROMAN HEHNÂNG POLMA RAANGWAH SITI 16:3

Nga demnâng Jisu Krista moatlem johmoatte Prisila ngale Akuila nii nângmin ngama salem matkat erâng;

ROMAN HEHNÂNG POLMA RAANGWAH SITI 16:7

Andronika ngale Junia nii nângmin matkat erang, ngale ngademko phâtek nâng johtongte ngalemru Jews hehnângmin matkat erang; thin a moattat chhoante hehma senthemthem jet a, ngale thin a nganoma Kristan khema kepwah.

ROMAN HEHNÂNG POLMA RAANGWAH SITI 5:1

Ade phumma nãng wah putedâlem junko nãnga Joban demnâng toangtang dangeki ngale Teso Jisu Krista junma Joban demnâng mêmo dangeki.

ROMAN HEHNÂNG POLMA RAANGWAH SITI 5:16

Joban wah hînhô ngale mihnyan wathema pap moeka pa khoakthe dangmah. Wanthe pap moatdiko, “Athe” ngama ngaehi; rohkomin ajahthem pap moatdiko Joban wah hînhô pa nãngnâng, “Themet!” ngama kohehi.

ROMAN HEHNÂNG POLMA RAANGWAH SITI 7:17

Ngale linlinko areheh moattepa nga dangmek; erepa ngasekkhen wah tongeka pap pumma moeka.

ROMAN HEHNÂNG POLMA RAANGWAH SITI 7:20

Ngama chenpa moat lehun dangekanga erepa memo angko, ere moatlem moatte pa nga dangmek; erenoma erepa nga sekkhen wah tongeka pap pumma moeka.

ROMAN HEHNÂNG POLMA RAANGWAH SITI 8:11

Jisu Krista ritwah ngakhînsiette Joban Jupa nehung khennâng metong hènko, ere Jisu Krista ritwah ngakhînsiette pumma ate Ju nedemnâng johtong lahma ne hei angem phoang komin roandông ekoh a.

ROMAN HEHNÂNG POLMA RAANGWAH SITI 8:14

Ngale henhen Joban Juma seneka ereheh Joban chha.

ROMAN HEHNÂNG POLMA RAANGWAH SITI 8:2

Chenrãngma ngako Jisu Krista demnâng roamlahma nãngnâng roandông kephok kohte Ju niemarang, pumma nga pap ngale rit niemarang kowah lâpesiet thang.

ROMAN HEHNÂNG POLMA RAANGWAH SITI 8:34

Eroh medang ako ereheh nâng henma athe ngama tângatmin a? Riilahma ngakhintah Jisu Krista pumma Joban dekchahko tonglahma nãngrãngma Joban nâng rosep kohehi!

ROMAN HEHNÂNG POLMA RAANGWAH SITI 8:39

rangkho ngewah memin, ngale hahkhenwah memin - Joban ma tem atiektah hehmemin chenni mejô nãng Teso Jisu Krista junma Joban ma nãngnâng hun ehi kowah taphansiet mahhi.

ROMAN HEHNÂNG POLMA RAANGWAH SITI 8:4

Joban ma are moeka pa mihnyan hei angem junko ledang Ju junko songtong lihma Niemarang junko toangtang tâdângrãng moeka.

ROMAN HEHNÂNG POLMA RAANGWAH SITI 8:9

Rohkomin nea ne hei angem hung arinma thôkoh ehèn junko nekdangen; erenoma, Juma chenroh thôkoh ehèn a eroh dangen - eroh medang enko Joban Ju nehung khennâng linlin etonghèn. Henhen nâng Jisu Krista Ju aho dangeka ereheh Krista rãng tadangmah.

1 KORINT 1:30

Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

1 KORINT 15:22

Chenroh Adam demnâng johroamdi chentô mihnyan pa riieki rãngrãng, Krista demnâng johroamdi chentô mihnyan hehmin ngakhînmin.

2 KORINT 12:2

Ngama Kristan mihnyan wathe echhi pabelii mako rangkhethung choangthôan ko toansietwên lahma jet ang (Arepa atema athânkhe retah ale linlinjô dangtah a erepa ngama jetmek - Joban ma loloba ejet a).

2 KORINT 5:17

Hen akomin Krista demnâng dangeka atea anyan lâdangtah; apã pa chhoantah, anyan pa lâhûtha.

GALATIEN 3:13

Rohkomin, Niemarang pumma têm athoak kephû erako, Krista ma nãngkhu litko tem athoakrii lahma nãngkhu pesiet ehi; Chenrãngma ngako Joban nyapraangma ngaeka, “Hen akomin bãngphak khoko rittek eka, erepumma Joban wah têm athoak choh eka.”

GALATIEN 3:26

Putedâlem junma Krista demnâng roamletma nekhu phangtang Joban Chharãng dangeken.

GALATIEN 3:28

Erohwah Jews le Jews ledangte hehnâng mâmâ jatjat ahotu, haa le haa ledangte heh tungnângmin mâmâ jatjat ahotu, dihiak dela tungnângmin ahotu; nekhu phangtang Jisu Krista demnâng roamletma wathe lâdangtet.

GALATIEN 5:16

Ngama jabekang pa dangeka: Ne roandôngpa Ju junko dongen, ngale erohkoba nema mihnyan nyuchha hei angem ma hun ekapa lemo etadangen.

GALATIEN 5:25

Ju pumma nãngnâng roandông kohehi; erohwah atema jôba nãng roangdông pa pênmin.

IFISIEN 1:1

Joban hungsi junko Jisu Krista moattat chhoante Pol ngewah- Ifisus wah Joban nâng putedâlemte, ngale Jisu Krista demnâng aroamma danglahma thin roandôngko toangtangma dângte hehnâng raangeka:

FILIPIEN 3:9

ngale ate demnâng senthemthem johroam ekang. Ngale Ngama Niemarang kep junko Nga toangtang dangmek. Ngama athângheh Jisu Krista nâng putedâlem junko toangtang dangekang, erepa Joban ma putedâlem junko koheka.