ROMAN HEHNÂNG POLMA RAANGWAH SITI 7:7 - NIEMNYAN Naga NT (BSI)

⁷ Eroh medang ako nãngma Niemarang pa pap lengaea? Pap dangmah! Rohkomin pappa chennia erepa nganâng Niemarang pumma jetthukwah. Niemarang pumma, “Mihthiak nâng nekphetwan,” lenga nomako, Ngama aphetwan pa lejetmin wah.

ROMAN HEHNÂNG POLMA RAANGWAH SITI 7:7 Iomraidhean Croise

MATHIU 5:28

Rohkomin athângheh ngama thôkoh eka: Henma komin dihiaknyu nâng phetwan jebjeb sûeka, ate hungnâng ere dihiaknyu demko kaamchhih lâmotah.

LUK MA RAANGWAH NGINKONGSEN 12:15

Ngale erediko Jisu ma mihnyan heh phangtang nâng thôkoh wah, “Jetletma dangen, ngale chhahnyoak nekdangen; chenrãngma ngako nea chentô chhu alujô medang enkomin, ne roandôngpa nema kep alo eken chhahkhem wanlem junko hîn ajô dangmet.”

LUK MA RAANGWAH NGINKONGSEN 20:16

“Ate kalahma ere mihnyan heh phangtang eritpheka a, ngale angurthongpa mihhan demnâng eroam motûa.” Mihnyan hehma erengin pa tatlahma, “Aroh chenthumin dangmah!,” ngama ngatwah.

MOATLEM 20:33

Ngama henwahmin ngun akem ngale khet akhu hunmah.

ROMAN HEHNÂNG POLMA RAANGWAH SITI 13:9

Niemarang pumma aroh ngaeka, “Dihiak dela kaamchhih nekmo en; mih nekritphe en; ahuh nekre en; mihthiak nâng nekphetwân en” - areheh phangtang, ngale ereheh leko ahan hehmin, chentôpa niem wanthe khenko tongeka, ere niem pa, “Nangtok nangkhung wah mihnyan hehnâng, nangdede ko hunriieko rãngrãng hun o.”

ROMAN HEHNÂNG POLMA RAANGWAH SITI 3:20

Chenrãng-ma ngako Niemarang pumma chenni ngaeka ereheh molihma henmin Joban mitsokko toangtang tadangmih; Niemarang pumma nãngma papkaam lâmotih ngama khesok rãngba moeka.

ROMAN HEHNÂNG POLMA RAANGWAH SITI 3:5

Phumma nãngma kaamchhih molihma Joban ma kaamsen moeka pa senthemthem mekhesok eko chenroh dângmin a? Joban ma nãngnâng kaamchhih moatthã mechêmthuk hiko, Joban ma kaamchhih moeka ngama tanga ea? (Khaka mihnyan hehma aroh eta thôngpha them a.)

ROMAN HEHNÂNG POLMA RAANGWAH SITI 4:1

Eroh medang ako nãngte nãngwa Abraham nâng chenroh ngaea? Atea chenroh dângwah a?

ROMAN HEHNÂNG POLMA RAANGWAH SITI 4:15

Niemarang pumma Joban rinkhah ba kephûera; Phumma chenko niemarang aho dangeka, ereko niemarang chhihsiet thinmin aho.

ROMAN HEHNÂNG POLMA RAANGWAH SITI 5:20

Niemarang pa mihnyan nyuchha hehma papkaam jahmoat rãngmaba hongeka; rohkomin papkaam pa jahmoat phumma, Joban wah mînchenchaan pemin erenoma ajah bâmhong eka.

ROMAN HEHNÂNG POLMA RAANGWAH SITI 6:15

Eroh medang ako chennire min a? Nãngma pap moea, chenrãngma ngako nãnga niemarang khennâng dangmih, Joban mînchenchaan khennâng songeki? Erohmin jienmo mih!

ROMAN HEHNÂNG POLMA RAANGWAH SITI 7:11

Pap pumma hôkum pa keplahma nga basiet ehang, ngale ritphe re ehang.

ROMAN HEHNÂNG POLMA RAANGWAH SITI 7:13

Phumma chenrepa asen ngaekia erepumma nãngnâng rit kephukoh ehia? Erohmin dangmah! Rohkomin chenrepa asen a erepa keplahma nganâng pap pumma rit pa kephukoh ehang, ngale erepa linlin pappa jienkherãng moeka. Ngale hôkum junko pappa nyahrãng cheili chhih ngama khesok eka.

ROMAN HEHNÂNG POLMA RAANGWAH SITI 7:5

Chenthu nãng mihnyan hei angem hung arin junko sôngtông poatko, Niemarang pumma nãnghung nãngrinko papmoatlem moatthukwah, ngale ere papmoatlem pumma nãng phoangpa pênlahma dângwah, erohwah nãng moatlem junko rit rewah.

ROMAN HEHNÂNG POLMA RAANGWAH SITI 7:8

Rohkomin ere hôkum junko pap pumma ngahung khenwah hei angem ma rongrup chhihli thônghun heh hongsiet eka. Niemarang pa aho medang ako, papmin riichoan thãthã jôba.

1 KORINT 15:56

Arit pumma mihnyan ritphe chaanpa papwah choh eka, ngale pap pumma ate chaanpa Niemarang wah choh eka.

IFISIEN 5:3

Nekhua Joban mihnyan, erohwah, nekhu chhangnâng dihiak dela kaamchhih moat, lihân achhihli heh moaka, chhahnyoak, ererãngrãng heh ledangmin. Ererãngrãng pa Joban mihnyan hehma moatli dangmah.

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).

1 THISALONIKA 4:5

Joban lejette papi mihnyan heh rãngrãng nekphoang phetwân en.

HIBRU 7:19

Chenrãngma ngako Mosa Niemarang pumma chenjô senmomah. Ngale ade phumma dâlemthin asen kohehi, erejunko nãng Joban tânâng namhueki.