ROMAN HEHNÂNG POLMA RAANGWAH SITI 7:5 - NIEMNYAN Naga NT (BSI)

⁵ Chenthu nãng mihnyan hei angem hung arin junko sôngtông poatko, Niemarang pumma nãnghung nãngrinko papmoatlem moatthukwah, ngale ere papmoatlem pumma nãng phoangpa pênlahma dângwah, erohwah nãng moatlem junko rit rewah.

ROMAN HEHNÂNG POLMA RAANGWAH SITI 7:5 Iomraidhean Croise

MATHIU 15:19

Chenrãngma ngako, ate hungkhen wah buthi mongthem chhih hongeka, erejunko atema mihritphe, mihtangnyu demnâng kaamchhih moat, ngale lirup kaamchhih moat; mihwahnyen, mothô khoanglep, erediko mihphoang chhihthô.

JON MA RAANGWAH NGINKONGSEN 3:6

Mihnyan hei angem phoangpa nyong awa ma chhaehi, rohkomin jupa Juma chhatmin.

ROMAN HEHNÂNG POLMA RAANGWAH SITI 1:26

Thinma eroh moatdi, Joban ma thin hei angem hungnâng chenroh rêsêli moat huneka eroh moatrãng thinphe eka. Erohwah dihiak hehma khô alemko ledangma dihiak rôande kaamchhih moeka.

ROMAN HEHNÂNG POLMA RAANGWAH SITI 3:20

Chenrãng-ma ngako Niemarang pumma chenni ngaeka ereheh molihma henmin Joban mitsokko toangtang tadangmih; Niemarang pumma nãngma papkaam lâmotih ngama khesok rãngba moeka.

ROMAN HEHNÂNG POLMA RAANGWAH SITI 4:15

Niemarang pumma Joban rinkhah ba kephûera; Phumma chenko niemarang aho dangeka, ereko niemarang chhihsiet thinmin aho.

ROMAN HEHNÂNG POLMA RAANGWAH SITI 5:20

Niemarang pa mihnyan nyuchha hehma papkaam jahmoat rãngmaba hongeka; rohkomin papkaam pa jahmoat phumma, Joban wah mînchenchaan pemin erenoma ajah bâmhong eka.

ROMAN HEHNÂNG POLMA RAANGWAH SITI 6:13

Ngale ne phoang kowah kaamchhih moatrãngma papnâng chhupthemin nekkoh en. Erenoma, nedede phoangpa ritwah ngakhîn thukte Joban nâng koh en, ngale kaamsen moatrãngma ne phoang phangtang atenâng koh en.

ROMAN HEHNÂNG POLMA RAANGWAH SITI 6:19

(Ne hei angem hung pumma letajet dâng phumma ngama mihnyan nyuchha ngin rãngrãng jabekang.) Poatthe nema nedede phoangpa phangtang ngek atek, chhih akhahli, erediko kaamchhih heh moatwah. Ererãngrãngjô ade phumma nededema ne phoang phangtang Asâthôan kaam moatrãng toangtang haarãng dangthuk en.

ROMAN HEHNÂNG POLMA RAANGWAH SITI 6:21

Athângheh nerêsê eken moatlem heh moletma chenni chohtet a? Ere moatlem heh moletma ritba rewah!

ROMAN HEHNÂNG POLMA RAANGWAH SITI 6:23

Chenrãngma ngako, pap dekbi thãpa - rit; rohkomin Joban ma thãhoma hînhô kohehi pa nãng Teso Jisu Krista demnâng roamlihma roantang roanjêng ahîn roandông choheki.

ROMAN HEHNÂNG POLMA RAANGWAH SITI 7:23

Rohkomin ngaphoang khenko niemhan molahma khe ekang - ere niem pumma ngahung ngarin ma asen ngama ngaeka demko mênmîn re eka. Ere pap niemarang pumma nga phoangko molahma phâtek nâng khhekritte rãngrãng hôan ehang.

1 KORINT 15:56

Arit pumma mihnyan ritphe chaanpa papwah choh eka, ngale pap pumma ate chaanpa Niemarang wah choh eka.

2 KORINT 10:3

Arepa linlin ngin, nãnga hahtokkhoh ko songtong eki, rohkomin nia hahtokkhoh hei angem hung arin junko mên ahiet mînte heh rãngrãng dangmih.

GALATIEN 3:10

Henhenma Niemarang pa keplahma Niemarang ko dâlem eka erehehma Joban wah têm athoak chohmin. Chenrãngma ngako, Joban nyapraangma ngaeka, “Henhenma Niemarang titab kowah chentô raangthien eka heh roantangma lekep medang ako erehehma Joban wah têm athoak chohmin!”

GALATIEN 5:24

Ngale henhen Jisu Krista demnâng johdang eka erehehma mihnyan nyuchha hei angem jat apat, ngale atema huneka chentô heh ritphe rêmin.

IFISIEN 2:11

Nea nyong chhachhat mejû Jews ledangte-ngale Jews hehma “khoankhen niem lehôante jat” ngama ngaehèn, phumma thindede nâng khoankhen niem hôante jat ngama ngariieka (erepa mihnyan hehma thinphoang ko niemhôan ekako ngaeka) - thatthong hun tan en, amako nea chenroh dângwah a.

IFISIEN 2:3

Linlinko nãngkhumin phangtang thin rãngrãngjô nãng mihnyan nyuchha hei angem hung arinma chenni huneka erejunko songtong lihma dângwah, nãngphoang ngale hung arinma chenni huneka erejunko molihma dângwah. Nãngmin, hei angem junko aphoak mejô mihhan heh rãngrãng Joban rinkhah khenko chêmchohte dângwah.

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.

JEMS 1:15

Erediko thinhung khenwah achhih huneka pumma pap hongchhaeka; ngale ere pappa nyahrãng mehongdong tahko, ere pumma arit pa hongchhaeka.

JEMS 4:1

Nekhu chhangnâng ran angem ngale mên ahiet pa chenwah hongeka? Ereheh nekhu hung arin khennâng roantangma khuhah nâhah chohrãng loatmîn eka junko hongeka.

1 JON 3:4

Ngale henhenma papkaam moeka erehehma Joban niemarang pa chhihsiet eka, chenrãngma ngako pap pumma Joban niemarang pa chhihsiet eka.