ROMAN HEHNÂNG POLMA RAANGWAH SITI 7:4 - NIEMNYAN Naga NT (BSI)

⁴ Ngalemruchha heh, eroh jôba nekhu demnâng min dângmin. Niemarang junko methôeko, nemin lâriitet, chenrãngma ngako, nemin Krista phoang wah jôba; ngale ade phumma ritwah ngakhînte rãng jôba dângmin, ngale erohwah nãnga Joban moatlem nâng asen dângmin.

ROMAN HEHNÂNG POLMA RAANGWAH SITI 7:4 Iomraidhean Croise

MATHIU 26:26

Thin phhekchhah chhahthuko, Jisu ma bankên chhupthe toanlahma Joban nâng dangkoh a ngat rangsoam lahma chhupsiet lahma ate dijunte hehnâng kohwah. Atema ngatwah; “Thaha ngale phhek en,” “arepa ngaphoang.”

MAK MA RAANGWAH NGINKONGSEN 4:20

Rohkomin ahan mihnyan heh hahsen nâng chatjâte chhah rãngrãng. Thinma Joban nginpa chohtat lahma keplahma chhahri hoangri eka: Wawathe ma roakrem hongrieka, wawathe ma roak erok, ngale khaka ma châthe hongrieka.”

JON MA RAANGWAH NGINKONGSEN 15:8

Ngawa mîndông pa nema penri ajah rijunko ekhesok a; ngale erohkoba nemin ngadijunte eta dangen.

JON MA RAANGWAH NGINKONGSEN 3:29

Nemnyanwa pa nemnyannyu rãng; rohkomin nemnyanwa tâwah cheplahma atenâng jetat eka ate lemruchha pa, nemnyanwa kahra tatko khuhah eka. Ererãngrãng ngamin khuhah ekang.

JON MA RAANGWAH NGINKONGSEN 6:51

Nga rangkhethung wah katte ahin roandông phhekchhah. Henma komin are phhekchhah kowah chhah eka erepa roantang roangjêng rãng hînmin. Ngama atenâng kohmin phhekchhah pa nga phoangpa, ngama erekoh ekangpa hahtokkhoh wah mihnyan heh ahînma tongrãngkoh ekang.”

ROMAN HEHNÂNG POLMA RAANGWAH SITI 6:11

Ererãngrãngjô nededema papmoatlam nâng riichoan rãngrãng thonghunrii en, rohkomin, Jisu Krista junma Joban demnâng roamletma ahînte rãngrãng dangen.

ROMAN HEHNÂNG POLMA RAANGWAH SITI 6:14

Papnâng ne roandôngpa nekpênthuk en; chengrãngma ngako nea niemarang khennâng dangmet, Joban mînchenchaan khennâng songtong eken.

ROMAN HEHNÂNG POLMA RAANGWAH SITI 6:2

Eroh chenthumin dangmah! Nãnga papnâng lâriitih - phumma pap khenkojû chenroh jienthãm lektongea?

ROMAN HEHNÂNG POLMA RAANGWAH SITI 6:22

Rohkomin ade phumma nea papwah lâpesietthen ngale Joban haa lâdangtet. Ngale ne roandôngpa phangtang Joban nâng lâkohtet, ngale erohwah roantang roanjêng lethôan roandông choh eken.

ROMAN HEHNÂNG POLMA RAANGWAH SITI 7:3

Erohwah, ate tangwa pa ahîn thuko dela ahan demnâng merôamsong ako, atenâng, mihdela demnâng kaamchhih moatte dihiaknyu ngama ngatmin; rohkomin ate tangwa pa rit mereako, atea niemarang junko dihiak lãn atâ lâdangtah, ngale dela ahan demnâng methe ngakkepmîn ako atea mihdela demnâng kaamchhih moat dangmah.

ROMAN HEHNÂNG POLMA RAANGWAH SITI 7:6

Ade phumma, nãnga Niemarang kowah lâpe chhoantih, ngale nãng phâtek nâng khhek wah rãngrãng khhekthienthi niemarang pãko lâriitih. Ade phumma nãngma dekma raangwah niamarang apã pa lekeptûmin, Ju ngewah niemarang nyan pa keplihma ba Joban nâng soamtô min.

ROMAN HEHNÂNG POLMA RAANGWAH SITI 8:2

Chenrãngma ngako Jisu Krista demnâng roamlahma nãngnâng roandông kephok kohte Ju niemarang, pumma nga pap ngale rit niemarang kowah lâpesiet thang.

1 KORINT 10:16

Nãngma Teso phhekchhah Niemko rângkep e bâti, ngale ere bâti rãngma nãngma Joban nâng dangkoh a rângngae: Chenthu nãngma ere bâti kowah jokko, nãnga Krista heiko johroam eki. Ngale nãngma bankên chhupsiet ekipa: Chenthu nãngma ere bankên kowah phhekko, nãngmin Krista phoang demko johroam eki.

2 KORINT 11:2

Joban ma nenâng chenroh phetwân ehèn a, ererãngrãng ngamemin nenâng phetwân eka; Nea paangmih demnâng kaamchhih mathah mote janchhôsâ rãngrãng, ngama ne dela wathelolo demnâng kepmîn thukrãng kahkhetmîn koheka, ere delawapa Krista.

GALATIEN 3:13

Rohkomin, Niemarang pumma têm athoak kephû erako, Krista ma nãngkhu litko tem athoakrii lahma nãngkhu pesiet ehi; Chenrãngma ngako Joban nyapraangma ngaeka, “Hen akomin bãngphak khoko rittek eka, erepumma Joban wah têm athoak choh eka.”

GALATIEN 5:18

Phumma nea Juma mesen hènko, Niemarang khennâng dangmet.

IFISIEN 2:15

Mihnyan jatnii kowah ate demko mihnyan anyan watherãng hôanrãng atema Jews heh Niemarang ngale hôkum heh rephe koheka, atema eroh molahma mêmo dangthuk eka.

FILIPIEN 1:11

Ngale nekhu roandôngko Jisu Krista ngewah asenli moatlem heh echoh en, ngale nema eroh moletma Joban mînpa sensiet letma edongthuk en.

FILIPIEN 4:17

Erepa Ngama nekhuwah hînhô chohhun junko dangmek; rohkomin nekhuma koh amien junko rang chenkep en ngama huneka.

KOLOSIEN 1:10

Erediko ba Teso ma chenroh huneka eroh eta songtongen, ngale ate rinmeli etamo en. Ngale ne roandôngko rongrup moatlemsen heh etamo en, ngale nema Joban jetletma ejien songtongen.

KOLOSIEN 1:22

Rohkomin ade phumma, ate Chhama roandông kohlahma ritjunma, Joban ma nekhumin ate tânâng Sâpoangpoang, khinbaangbaang, ngale chenjô lethe thangma siethokrãng nea ate lemruchha rãng hôan ehèn.

KOLOSIEN 1:6

Nginkongsen junko hahtokkhoh ma rangkep eka, ngale phangtangma khêmtat eka, ererãngrãng nekhu demnâng min dangeka, nema Joban mînchenchaan nginpa khebengrãng bengchohtattet jâma erepa linlin ngama jet eken.

KOLOSIEN 2:14

ngale nãngma Joban ngin lekep thangma kaamchhih moatthã nãng lelatnâng chentô thãpê raangthien tahheh, erediko niemarang heh atema lâmahsiettah, ngale erepa atema bãngphak khoko sema lânamtektah.

KOLOSIEN 2:20

Nea Krista demnâng lâjohriitet, ngale are hahtokkhoh pênteju hehwah lâpetet. Eroh medang enko, chenrãngma nea are hahtokkhoh mihnyan heh rãngrãng dangeken a? Nema arerãngrãng niemarang heh chenrãngma kep eken a

HIBRU 10:10

Chenrãngma ngako, Joban ma chenni huneka erepa Jisu Krista ma moeka, ngale Jisu Krista ma ate phoangpa roantang roanjêng rãngma rekthe kohdi nãngwah chentô pap heh phangtang sâsiet ehi.

1 PITER 2:24

Krista ma atedede phoangko nãngpap heh bãngphak khohko hènphetah, erohwah nãngma pap moatpa jeklihma toangtang danglihma sôngtôngmin. Ngale ate phoang wah mâmãn junko nekhu khoanchet sen eken.

LOATKHESOK 19:7

Nãngkhu khuhah nâhah ngale rinroan bahsa dange; Nãngkhuma ate adongthôanpa rôe! Chenrãngma ngako Saakchha nemnyansiet sanpoat pa lâhûtha, ngale ate rãngma ate nemnyannyu ma atedede khoakhemrii eka.

LOATKHESOK 21:9

Wanengit ngintatte hehma wanengit titko athôan wah khoanchet heh chongchong sêmte hehwah Ngatânâng wathe kalahma ngatwah, “Wãngro, Ngama nangnâng Sakchha tangnyu nemnyannyu pa khesok e.”