ROMAN HEHNÂNG POLMA RAANGWAH SITI 6:3 - NIEMNYAN Naga NT (BSI)

³ Chenrãngma ngako nema senthemthem ajet, chenthu Jisu Krista demnâng roam lihma baptijem keptih a, ereko nãng ate ritko roam lihma baptijem kepeki.

ROMAN HEHNÂNG POLMA RAANGWAH SITI 6:3 Iomraidhean Croise

MATHIU 28:19

Erohwah chentô mihnyan nyuchha, ngale chentô thenâng chhoan en, ngale ngadijunte rãng dangthukwak en: Ngale Wa mînko, Chha mînko, erediko Asâthôanju mînko baptijem koh en,

MOATLEM 19:5

Chenthu thinma erengin pa tatphumma Teso Jisu mînko baptijem kepwah.

MOATLEM 2:38

Piter ma thinnâng ngatwah, “Nekhu phangtang mâmâ papmoatlem heh thinphe letma Jisu Krista mînko baptijem kepen, erohkoba nepap heh map tâchohmin; ngale erediko nema Joban wah Asâthôanju hînhô echoh en.

MOATLEM 8:16

Chenrãngma ngako thinnâng hennâng min Asâthôanju maka dângwah; thinma Teso Jisu mînko lolo baptijem bengkep dângwah.

ROMAN HEHNÂNG POLMA RAANGWAH SITI 6:16

Linlinjô nemajet, chenthu nemin mihnyan wathe nginkep letma ate haa rãngrãng medang tetko, linlinjô nema hen nginkep eken a erehaa lâdangtet - pap ngin mekep enko rit rêmin, ngale Joban ngin mekep enko ate demnâng toangtang dângmin.

ROMAN HEHNÂNG POLMA RAANGWAH SITI 6:8

Nãnga Krista demnâng johritdi, ate demnângjô johngakhîn min ngama putedâlem eki.

ROMAN HEHNÂNG POLMA RAANGWAH SITI 7:1

Ngalemruchha heh, ngama chenni ngatrãng ngaekãnga erepa nema linlin ejet en, chenrãngma ngako nekhu phangtangma niemarang pa ajet. Mihnyan pa chentô lekhin eka eretôko jôba niemarang pumma ate khohko etapên a.

1 KORINT 10:2

Phoam-buk ngale Josi ko thin chentôpa Mosa dijunte rãng ngama baptijem kepwah.

1 KORINT 12:13

Ererãngrãng, nãngkhu anga ngamin, Jews dangkolih, Jews ledangte heh dangkolih, mihhu mihhaa dangkolah, ngale mihhu mihhaa ledangte dangkolah, mãnthe Ju pumma wanthe phoang mînko baptijem kohehi, ngale nãngkhu anga nganâng Ju wanthejo kowah jokthuk ehi.

1 KORINT 15:29

Ade dangeka, riichoante hehrãngma baptijem kepkohte mihnyan heh chenroh dângmin a? Thinma riichoante hehrãngma chenni tamokoh e ngama dâlem eka? Arepa linlin medang ako, Khuka hehma ngaeka rãngrãng, riichoante heh lengakhin min medang ako, ere mihnyan hehma chenrãngma riichoante hehrãng baptijem kepkoh eka?

1 KORINT 3:16

Linlin nemajet, nea Joban rangsoamhum ngale Joban Jupa nekhen nâng tongeka!

1 KORINT 5:6

Nekhu ngamrit nekre en! Nema are nginthakthô pa jet en, “Wichhi phathe pumma pheban phangtang rângbietjâ thuk a.”

1 KORINT 6:19

Nema ne phoangpa Asâthôanju rangsoamhum ngama jetmetne, ere Asâthôanju pa nesekkhen ko tongeka, ngale erepa Joban ma nenâng kohwah? Ne phoangpa nedede rãng dangmah, erepa Joban rãng;

1 KORINT 6:9

Linlin nemajet, Mihnyan chhih hehma chenthumin Joban Hahsông pa leta chohmin. Nedede nekbasietrii en; lapien, moangachaang nâng soam, mihdihiak dela kaamchhih moatte, ngale dela dede kaamchhih moatte

1 KORINT 9:13

Nema linlin jet en, Rangsoamhum nâng moatte mihnyan hehma thin phhekchhah pa Rangsoamhum wah choh eka, ngale henma soam aroak re eka hehma thinma soam aroak eka kowah chohmin.

1 KORINT 9:24

Linlinjô nemajet, toatchhoan mînte heh jahmõang rângtoat chhoanmîn a, rohkomin khekhothôan thãpa wathelolo meba rângchoh a. Erohwah, khekhothôan thãpa tâchoh rãng chhoan en.

2 KORINT 13:5

Nedede thaksûrii tan en, ngale thatjetrii tan en, ngale nea putedâlem junko songtong eken le songtong met a ngamemin thatsûrii tan en. Nema linlinjô Krista pa nikhen nâng tonghi ngama jetrii ekenle? phumma linlinjô Krista nekhen nâng aho medang hènko nea mahto lâdangtet.

GALATIEN 3:27

Nea Krista demnâng roamletma baptijem kep eken, ngale ade phumma Krista roandông pumma nekhu nâng khet kepwah rãngrãng lâdangthen.

JEMS 4:4

Joban nâng lepute dâlemte mihnyan heh! Nema jetmetne, hahtokkhoh demnâng lemruchha dangkenpa Joban demnâng ran dangeki ngama? Nema hahtokkhoh demnâng lemruchha dâng mehun enko, nema nedede a Joban ranrãng hôanrii eken.

1 PITER 3:21

Erepa dangeka, athâng hehwah ne pesietrãng baptijem kep eken thiakpa dângwah. Ngale erepa phoangwah ngek atek heh sâsôan dangmah, rohkomin hungsen rinsen danglihma Joban demnâng toamsem eki. Erepa Jisu Krista ritwah ngakhîn junma nekhu pepâng ehèn,