ROMAN HEHNÂNG POLMA RAANGWAH SITI 6:12 - NIEMNYAN Naga NT (BSI)

¹² Ne hei angem phoangpa papnâng nekpênthuk en, eroh medang ako nema ne hei angem hungma huneka nginpa kep eken.

ROMAN HEHNÂNG POLMA RAANGWAH SITI 6:12 Iomraidhean Croise

ROMAN HEHNÂNG POLMA RAANGWAH SITI 13:14

Rohkomin Teso Jisu Krista ranlông chhahkhem heh kep e, ngale ne hei angem rinme thukrãng nehung pumma kaamchhih moat huneka hehwah jekre en.

ROMAN HEHNÂNG POLMA RAANGWAH SITI 2:8

Khaka mihnyan hehma moatlem chhih dijunrãng chhahnyoak dangeka ngale toangtangpa kepmah; ereheh khohnâng Joban ma ate nyahrãng rinkhah chaanpa elên a.

ROMAN HEHNÂNG POLMA RAANGWAH SITI 5:21

Erohwah, pap junko rit pumma nãngkhoh ko pêntah rãngrãng, toangtang pumma Joban mînchenchaan pa nãngkhohko pên ehi, erohwah nãng Teso Jisu Krista junma nãngma roantang roanjêng ahîn roangdong pa choheki.

ROMAN HEHNÂNG POLMA RAANGWAH SITI 6:14

Papnâng ne roandôngpa nekpênthuk en; chengrãngma ngako nea niemarang khennâng dangmet, Joban mînchenchaan khennâng songtong eken.

ROMAN HEHNÂNG POLMA RAANGWAH SITI 6:16

Linlinjô nemajet, chenthu nemin mihnyan wathe nginkep letma ate haa rãngrãng medang tetko, linlinjô nema hen nginkep eken a erehaa lâdangtet - pap ngin mekep enko rit rêmin, ngale Joban ngin mekep enko ate demnâng toangtang dângmin.

ROMAN HEHNÂNG POLMA RAANGWAH SITI 8:11

Jisu Krista ritwah ngakhînsiette Joban Jupa nehung khennâng metong hènko, ere Jisu Krista ritwah ngakhînsiette pumma ate Ju nedemnâng johtong lahma ne hei angem phoang komin roandông ekoh a.

ROMAN HEHNÂNG POLMA RAANGWAH SITI 8:13

Ne hei angem hung arinma chenroh huneka eroh medang enko, nea rit rêmin; rohkomin Ju junma ne phoangwah pap moatlempa meritphe enko, ne ehin en.

2 KORINT 4:11

Ni roandông dôngtang Jisu mînko riinemnemjû tongeki, eroh junkoba ni hei angem roandông komin ate roandông pa ekhehi.

2 KORINT 5:4

Nãng are hahtokkhoh wah humko sông poatko, nãngma chêmchei chohjunko joang alin reki; rohkomin nima erepa are hei angem phoangpa chianga ngat dangmih, rohkomin rangkhethung wah humpa nikhohko chenpoh kohhi ngama huneki, erohkoba are aritte phoangpa leriite roandông pumma elitsiet a.

GALATIEN 5:16

Ngama jabekang pa dangeka: Ne roandôngpa Ju junko dongen, ngale erohkoba nema mihnyan nyuchha hei angem ma hun ekapa lemo etadangen.

GALATIEN 5:24

Ngale henhen Jisu Krista demnâng johdang eka erehehma mihnyan nyuchha hei angem jat apat, ngale atema huneka chentô heh ritphe rêmin.

IFISIEN 2:3

Linlinko nãngkhumin phangtang thin rãngrãngjô nãng mihnyan nyuchha hei angem hung arinma chenni huneka erejunko songtong lihma dângwah, nãngphoang ngale hung arinma chenni huneka erejunko molihma dângwah. Nãngmin, hei angem junko aphoak mejô mihhan heh rãngrãng Joban rinkhah khenko chêmchohte dângwah.

IFISIEN 4:22

Erohwah ne amako chenroh dangtet a ererãngrãng nekdangtu en, amako nang chenroh sôngtông hun eko eroh songtong lohma dângwah - amakowah apãpa hungngek rinngek pumma lâchhihsiet tah.

1 THISALONIKA 4:5

Joban lejette papi mihnyan heh rãngrãng nekphoang phetwân en.

2 TIMOTHI 2:22

Janchhô paangmih hehma moat huneka kaamchhih hehwah ataangreo, ngale henhenma hungsâ rinsâ danglahma Teso nâng chohsokrãng rosep eka ere mihnyan heh demnâng toangtang, putedâlem sen, hun achet, mêmoma tôngrãng latriio.

TITAS 2:12

Ere mînchenchaan pumma Joban lejet thangma sôngtông ngale hei ngem hung arin heh pherãng hethôehi, ngale mâmâ dede hungmông sietrii, toangtang, ngale hahtokkhoh ko Joban jetlihma sôngtôngrãng hethôehi,

TITAS 3:3

Chenrãngma ngako nãngkhumin poattheko aba, nginlekep, ngale athe dângwah. Ngale nãng hungma rongrup achhih ngale hei angem nâng rinmehun pumma haarãng kepwah. Nãngkhu roandôngpa mihnâng mitchek phetwân lihma dângwah; mihma nãngnâng chhihchoh ngale nãngma thinnâng chhihchoh relihma dângwah.

1 PITER 1:14

Joban nginkepkep dangen, ngale nea aba dângpoatko ne hungma chenroh huntet a ereko ne roandông pa nekdang thuktu en.

1 PITER 2:11

Ngalemruchha heh, Nga a are hahtokkhoh ko mihwun ngale hum ahah ahote rãngrãng danglekma nenâng rosep eka! Hei angem phoangma huneka junko nekdangen, ereheh roantangma nangju demnâng ran rãngrãng danglahma loatmîn eka.

JUD MA RAANGWAH SITI 1:16

Are mihnyan heh roantang mejû joang alîn ngale mihhan heh phoang chhihthôte; ngale thinma thindede hung arinwah achhih heh junko moeka; ngale thinma thindede rângthôrii eka, erediko thinma chenni huneka erepa jienchohrãng thinma mihan hehnâng phoang johchhah eka.

JUD MA RAANGWAH SITI 1:18

Thinma nenâng ngatwah, “Chenthu athôan sanpoat pa mehû theko, nenâng dûmmek jôjêmte mihnyan heh ehonga, ngale ere mihnyan hehma Joban lejet thangma thinhung sisiko edanga.”