ROMAN HEHNÂNG POLMA RAANGWAH SITI 6:11 - NIEMNYAN Naga NT (BSI)

¹¹ Ererãngrãngjô nededema papmoatlam nâng riichoan rãngrãng thonghunrii en, rohkomin, Jisu Krista junma Joban demnâng roamletma ahînte rãngrãng dangen.

ROMAN HEHNÂNG POLMA RAANGWAH SITI 6:11 Iomraidhean Croise

JON MA RAANGWAH NGINKONGSEN 20:31

Rohkomin are raangthien eka heh nema chenmam putedâlem en ngama raangthien eka Jisu pa Joban Chha, Misaia, ngale nema atenâng putedâlem junma ba nema roandông tâchohmin.

ROMAN HEHNÂNG POLMA RAANGWAH SITI 16:27

Wanthe lolo Joban, ngale atelolo jôba chentôpa tajette Joban pa Jisu Krista junma roantang roangjêng rãng mîndong thuk e! Amen.

ROMAN HEHNÂNG POLMA RAANGWAH SITI 5:1

Ade phumma nãng wah putedâlem junko nãnga Joban demnâng toangtang dangeki ngale Teso Jisu Krista junma Joban demnâng mêmo dangeki.

ROMAN HEHNÂNG POLMA RAANGWAH SITI 6:10

Ngale erohwah, ate ritdi, papchaan ate khohko ahotu; ngale athângheh ate hin eka pemin ate roandôngpa Joban demnâng roamlahma hin eka.

ROMAN HEHNÂNG POLMA RAANGWAH SITI 6:13

Ngale ne phoang kowah kaamchhih moatrãngma papnâng chhupthemin nekkoh en. Erenoma, nedede phoangpa ritwah ngakhîn thukte Joban nâng koh en, ngale kaamsen moatrãngma ne phoang phangtang atenâng koh en.

ROMAN HEHNÂNG POLMA RAANGWAH SITI 6:2

Eroh chenthumin dangmah! Nãnga papnâng lâriitih - phumma pap khenkojû chenroh jienthãm lektongea?

ROMAN HEHNÂNG POLMA RAANGWAH SITI 6:23

Chenrãngma ngako, pap dekbi thãpa - rit; rohkomin Joban ma thãhoma hînhô kohehi pa nãng Teso Jisu Krista demnâng roamlihma roantang roanjêng ahîn roandông choheki.

ROMAN HEHNÂNG POLMA RAANGWAH SITI 7:4

Ngalemruchha heh, eroh jôba nekhu demnâng min dângmin. Niemarang junko methôeko, nemin lâriitet, chenrãngma ngako, nemin Krista phoang wah jôba; ngale ade phumma ritwah ngakhînte rãng jôba dângmin, ngale erohwah nãnga Joban moatlem nâng asen dângmin.

ROMAN HEHNÂNG POLMA RAANGWAH SITI 7:6

Ade phumma, nãnga Niemarang kowah lâpe chhoantih, ngale nãng phâtek nâng khhek wah rãngrãng khhekthienthi niemarang pãko lâriitih. Ade phumma nãngma dekma raangwah niamarang apã pa lekeptûmin, Ju ngewah niemarang nyan pa keplihma ba Joban nâng soamtô min.

ROMAN HEHNÂNG POLMA RAANGWAH SITI 8:18

Ngama jet ekang, athâng hehwah nãng chêm ekipa khediwah nãngma mîndông chohthin demko tâthakmîn thin dangmah.

1 KORINT 6:20

atema nea thãma riakwah. Erohwah ne phoangpa Joban mîndôngrãng kepen.

IFISIEN 2:7

Atema are moeka pa, ahokmin sanpoat roakweih Jisu Krista junma atema nãngnâng ate mînchenchaan ngale hun achet pa atâthakli ledang dông tonga, ngama khesokrãng moeka.

FILIPIEN 1:11

Ngale nekhu roandôngko Jisu Krista ngewah asenli moatlem heh echoh en, ngale nema eroh moletma Joban mînpa sensiet letma edongthuk en.

FILIPIEN 4:7

Ngale mihnyan nyuchha ma lelep thonghunli Joban wah mêmo pumma nehung nerin ngale ne kheri heh Jisu Krista demnâng asen ethienhèn.

KOLOSIEN 2:20

Nea Krista demnâng lâjohriitet, ngale are hahtokkhoh pênteju hehwah lâpetet. Eroh medang enko, chenrãngma nea are hahtokkhoh mihnyan heh rãngrãng dangeken a? Nema arerãngrãng niemarang heh chenrãngma kep eken a

KOLOSIEN 3:17

Erohwah, nema chentô moeken a ngale jab aja eken a ereheh Joban nâng Jisu Krista mînko dangkoh a ngat nungma mo en.

1 PITER 2:24

Krista ma atedede phoangko nãngpap heh bãngphak khohko hènphetah, erohwah nãngma pap moatpa jeklihma toangtang danglihma sôngtôngmin. Ngale ate phoang wah mâmãn junko nekhu khoanchet sen eken.

1 PITER 2:5

Ahîn long heh rãngrãng dangletma hunren, ngale nea Joban rangsoamhum hôanthin longrãng chenkep hèn, ngale ere humko soam aroakte Asâthôan dangletma nema Jisu Krista junma Joban nâng atema nyoakkepli joapsoap en.

1 PITER 4:11

Henhenma ngin phoangthô eka ereheh memin Joban nginkongsen pa chenphoang thôa; ngale mihnâng chohsokte hehmemin Joban ma kohthen chaan junma chohsû en, eroh medang enkoba Jisu Krista junma chentô ngema Joban mîn edonga, chenrãngma ngako, ate jôba mîndông chohte ngale roantang roangjêng rãng chaan ahang demnâng tongeka. Amen.