ROMAN HEHNÂNG POLMA RAANGWAH SITI 6:10 - NIEMNYAN Naga NT (BSI)

¹⁰ Ngale erohwah, ate ritdi, papchaan ate khohko ahotu; ngale athângheh ate hin eka pemin ate roandôngpa Joban demnâng roamlahma hin eka.

ROMAN HEHNÂNG POLMA RAANGWAH SITI 6:10 Iomraidhean Croise

LUK MA RAANGWAH NGINKONGSEN 20:38

Atea ahînte heh Joban, aritte heh Joban dangmah, ate demnâng dângte heh phangtang ahînte.”

ROMAN HEHNÂNG POLMA RAANGWAH SITI 6:11

Ererãngrãngjô nededema papmoatlam nâng riichoan rãngrãng thonghunrii en, rohkomin, Jisu Krista junma Joban demnâng roamletma ahînte rãngrãng dangen.

ROMAN HEHNÂNG POLMA RAANGWAH SITI 6:9

Chenrãngma ngako nãngma ajet, Krista ritwah ngakhintah, ngale chenthumin letherii tumin - rit pumma chenthumin ate khohko leta pêntumin.

ROMAN HEHNÂNG POLMA RAANGWAH SITI 8:3

Mihnyan hei angem pumma Niemarang pa boansiet lahma Niemarang pumma letamo dâng phumma, Joban ma moeka. Joban ma ate Chhapa mihnyan hei angem phoang rãngrãng litdangthuk lahma, hahtokkhoh wah pap heh repherãng chienkat era.

2 KORINT 5:15

Atea anga nga rãngma ritwah, erohwah ahînte hehmin henjô mâmâ dede rãngma lehinmin, rohkomin thinrãngma hen riilahma ngakhintah a ere rãng loloba hînmin.

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

1 PITER 3:18

Chenrãngma ngako nepap rãngma Krista rekthe riitah pa chentô rãngma riieka, ngale nekhu Joban tânâng sietwên rãngma papi mihnyan hehrãngma mihnyansen pa riieka. Atea phoangpa loloba ritphewah, rohkomin Ju nâng ngakhîn rewah,

1 PITER 4:6

Erohwah Nginkongsen pa riichoante hehnângmin thôkoh wah, chenrãngma ngako thinma ahîn poatko chenroh motah a erejunko rên dikoba, thin Jupa Joban junko ehinwak a.