ROMAN HEHNÂNG POLMA RAANGWAH SITI 5:9 - NIEMNYAN Naga NT (BSI)

⁹ Ate hei pumma ade phumma nãnga Joban demnâng toangtang dangthuk ehi; erediko nãnga Joban rinkhah thunwah min Krista junma pe eki!

ROMAN HEHNÂNG POLMA RAANGWAH SITI 5:9 Iomraidhean Croise

JON MA RAANGWAH NGINKONGSEN 5:24

“Ngama nenâng toangtang thôkoh eka: Henhenma ngajab pa tatlahma nga chienkatte ko putedâlem eka erehehma roantang roanjêng roandông echoh a. Thinnâng achhih ngama lengamin, rohkomin ritwah ahîn thinnâng lâdangtah.

ROMAN HEHNÂNG POLMA RAANGWAH SITI 1:18

Joban rinkhah pa rangkhethung wah chentô mihnyan pap ngale achhih erediko mihnyan hehma moatlem chhih moatjunko toangtang pa lejetthuk thangma dangeka heh lelatnâng kaera.

ROMAN HEHNÂNG POLMA RAANGWAH SITI 5:1

Ade phumma nãng wah putedâlem junko nãnga Joban demnâng toangtang dangeki ngale Teso Jisu Krista junma Joban demnâng mêmo dangeki.

ROMAN HEHNÂNG POLMA RAANGWAH SITI 5:10

Nãnga Joban demko ran dângwah, rohkomin ate Chha ritjunma ate lemruchha rãng dangthuk ehi. Ade phumma nãnga Joban lemruchha lâdangtih, erohwah Krista ma ate roandông kohjunko nãngkhu khope eki!

ROMAN HEHNÂNG POLMA RAANGWAH SITI 8:1

Erohwah, ade phumma hen Jisu Krista demnâng dangeka ereheh nâng achhih lenga tumin.

ROMAN HEHNÂNG POLMA RAANGWAH SITI 8:30

Ngale henhen pa Joban ma araangraang reethientah a, ereheh atema rooeka; ngale henhen pa atema rooeka, ereheh ate demnâng toangtang dangthuk eka, ngale erehehnâng Joban ma ate mîndôngko johroamthuk eka.

IFISIEN 2:13

Rohkomin, ade phumma, Jisu Krista demnâng aroamma dangletma amako Joban demwah ataangnâng dangtet pa, ade phumma Krista hei junma Joban tâko lânamsiet hûthen.

IFISIEN 2:3

Linlinko nãngkhumin phangtang thin rãngrãngjô nãng mihnyan nyuchha hei angem hung arinma chenni huneka erejunko songtong lihma dângwah, nãngphoang ngale hung arinma chenni huneka erejunko molihma dângwah. Nãngmin, hei angem junko aphoak mejô mihhan heh rãngrãng Joban rinkhah khenko chêmchohte dângwah.

1 THISALONIKA 1:10

ngale nema ate Chha rangkhethung wah ngakkat bemla eken heh thô rewak eka - ate Chhapa Jisu, Joban ma ritwah ngakhînsiet wah, ngale Jisu ma nãngkhu ahokmin Joban rinkhah kowah pesiet ehi.

HIBRU 9:14

Phumma arepa toangtang medang ako, Krista hei pummajã chentôjah bâmsâsiet eka! Roantang roanjêng Ju junma atedede roandôngpa Joban nâng sâpoangpoang kohriieka. Ate hei pumma nãnghung arin heh ledangli niemarang hehwah esâsiet hi, erohkoba nãngma ahîn Joban nâng eta soamtôe.

HIBRU 9:22

Linlinjô, Niemarang junko chentôpa heima jôba sâsietwah, ngale hei hôngsiet junma jôba pap hehmin map chohwah.

1 JON 1:7

Phumma ate chenroh wenphiak nâng tongeka-ererãngrãng nãngmin wenphiak nâng eroh metong eko wathema wathe demnâng aroamma tongeki, ngale ate Chha Jisu hei pumma nãngpap chentô hehwah lâsâsietthi.