ROMAN HEHNÂNG POLMA RAANGWAH SITI 5:8 - NIEMNYAN Naga NT (BSI)

⁸ Rohkomin Joban ma nãngnâng chentô hun ehia erepa khesok ehi - erepa nãnga papi dângwah rohkomin Krista nãngrãngma ritwah!

ROMAN HEHNÂNG POLMA RAANGWAH SITI 5:8 Iomraidhean Croise

JON MA RAANGWAH NGINKONGSEN 15:13

Nema ne lemruchha nâng hun achet kowah adongthôanpa thinrãngma ne roandông kohpa.

JON MA RAANGWAH NGINKONGSEN 3:16

Joban ma are hahtokkhoh ko nyahrãng hunlahma ate Chha wathelolo pemin koheka, erohwah henhenma atenâng putedâlem eka ereheh leriimin rohkomin thinma roantang roanjêng roandông echoh a.

ROMAN HEHNÂNG POLMA RAANGWAH SITI 3:5

Phumma nãngma kaamchhih molihma Joban ma kaamsen moeka pa senthemthem mekhesok eko chenroh dângmin a? Joban ma nãngnâng kaamchhih moatthã mechêmthuk hiko, Joban ma kaamchhih moeka ngama tanga ea? (Khaka mihnyan hehma aroh eta thôngpha them a.)

ROMAN HEHNÂNG POLMA RAANGWAH SITI 4:25

Nãngkhu pap junko Jisu ritphethuk wah, ngale nãngkhu Joban demnâng toangtang jiendângthuk rãngma Jisu ritwah ngakhînwah.

ROMAN HEHNÂNG POLMA RAANGWAH SITI 5:20

Niemarang pa mihnyan nyuchha hehma papkaam jahmoat rãngmaba hongeka; rohkomin papkaam pa jahmoat phumma, Joban wah mînchenchaan pemin erenoma ajah bâmhong eka.

ROMAN HEHNÂNG POLMA RAANGWAH SITI 5:6

Chenrãngma ngako chenthu nãnga chohsokte aho dângpoatko, Joban ma sanpoatsen pa renlahma ere sanpoatsen ko mihnyan chhih hehrãng Krista riieka.

ROMAN HEHNÂNG POLMA RAANGWAH SITI 5:7

Mihnyan pa toangtangjô medang akomin ate rãngma ahan wathe ritpa alat. Rohkomin toangtang mihnyan rãngma târittemin etonga.

ROMAN HEHNÂNG POLMA RAANGWAH SITI 8:32

Linlin Joban ma atedede Chhapa tumin lebâ thangma nãngkhu anga ngarãng kohwah! Atema nãngnâng ate Chhapa koh ehi - lihân heh jãtanga atema nãngnâng phangtang lekoh minne?

ROMAN HEHNÂNG POLMA RAANGWAH SITI 8:39

rangkho ngewah memin, ngale hahkhenwah memin - Joban ma tem atiektah hehmemin chenni mejô nãng Teso Jisu Krista junma Joban ma nãngnâng hun ehi kowah taphansiet mahhi.

GALATIEN 2:20

erohwah athâng hehwah hin ekangpa Nga hîn dangtumek, rohkomin, arepa Krista nganâng tong ehang. Athâng hehwah, are nga roandông dong ekangpa, Ngama nganâng hunte, ngale ngarãng ate roandông kohte Joban Chha nâng putedâlem lekma tongekang.

IFISIEN 2:7

Atema are moeka pa, ahokmin sanpoat roakweih Jisu Krista junma atema nãngnâng ate mînchenchaan ngale hun achet pa atâthakli ledang dông tonga, ngama khesokrãng moeka.

IFISIEN 5:2

Ne roandôngko hun achhâmin letma songtongen, chenroh Krista ma nãngnâng hunlahma ate roandôngpa Joban rinmeli tum amengli heh rângkoh arãngrãng ate roangdong pa nãngrãngma kohwah, ererãngrãng nekhumin hun achhâmin en.

1 TIMOTHI 1:16

Rohkomin Joban ma Nganâng nyahrãng mînchen ehang, erepa Nga a papi thôanjô medang angkomin Krista ma ate hung pa nyahrãng môngsiet lahma Nganâng mînchen pa khesok ehang, erepa khedi wah atenâng putedâlem lahma roantang roanjêng roandông chohte mihnyan hehma jetrãngma khesok eka.

HIBRU 8:3

Chentô soam aroakte adong heh Joban nâng chhahkoh ngale ngem ngah ma joapsoap thukeka, ngale erohwah nãngrãngma soam aroakte adongthôan pummemin chenni akomin kohmin.

1 PITER 3:18

Chenrãngma ngako nepap rãngma Krista rekthe riitah pa chentô rãngma riieka, ngale nekhu Joban tânâng sietwên rãngma papi mihnyan hehrãngma mihnyansen pa riieka. Atea phoangpa loloba ritphewah, rohkomin Ju nâng ngakhîn rewah,

1 JON 3:16

Are junko hun achet mînpa chennia erepa nãngma jeteki: Krista ma ate roandôngpa nãngkhurãng kohwah. Erohwah, nãngkhu memin, nãng roandôngpa mihrãngma kohmin!