ROMAN HEHNÂNG POLMA RAANGWAH SITI 5:6 - NIEMNYAN Naga NT (BSI)

⁶ Chenrãngma ngako chenthu nãnga chohsokte aho dângpoatko, Joban ma sanpoatsen pa renlahma ere sanpoatsen ko mihnyan chhih hehrãng Krista riieka.

ROMAN HEHNÂNG POLMA RAANGWAH SITI 5:6 Iomraidhean Croise

ROMAN HEHNÂNG POLMA RAANGWAH SITI 11:26

Ngale eroh jôba Isrial heh phangtang khope min. Joban nyapraangma aroh ngaeka, “Zion wah Pângte ekara ngale Jakob chhu chha hehwah chentô achhih heh phangtang erephe koh a.

ROMAN HEHNÂNG POLMA RAANGWAH SITI 4:25

Nãngkhu pap junko Jisu ritphethuk wah, ngale nãngkhu Joban demnâng toangtang jiendângthuk rãngma Jisu ritwah ngakhînwah.

ROMAN HEHNÂNG POLMA RAANGWAH SITI 4:5

Rohkomin henhenma moatlem moatjunko ledang, putedâlem nâng lolo tok anaa eka, ngale athe pa letherãng lithôante Joban nâng putedâlem eka, ere putedâlem peba Joban ma ate demnâng toangtang dângthukrãng lemeka.

ROMAN HEHNÂNG POLMA RAANGWAH SITI 5:10

Nãnga Joban demko ran dângwah, rohkomin ate Chha ritjunma ate lemruchha rãng dangthuk ehi. Ade phumma nãnga Joban lemruchha lâdangtih, erohwah Krista ma ate roandông kohjunko nãngkhu khope eki!

ROMAN HEHNÂNG POLMA RAANGWAH SITI 5:7

Mihnyan pa toangtangjô medang akomin ate rãngma ahan wathe ritpa alat. Rohkomin toangtang mihnyan rãngma târittemin etonga.

ROMAN HEHNÂNG POLMA RAANGWAH SITI 5:8

Rohkomin Joban ma nãngnâng chentô hun ehia erepa khesok ehi - erepa nãnga papi dângwah rohkomin Krista nãngrãngma ritwah!

ROMAN HEHNÂNG POLMA RAANGWAH SITI 8:32

Linlin Joban ma atedede Chhapa tumin lebâ thangma nãngkhu anga ngarãng kohwah! Atema nãngnâng ate Chhapa koh ehi - lihân heh jãtanga atema nãngnâng phangtang lekoh minne?

ROMAN HEHNÂNG POLMA RAANGWAH SITI 8:34

Eroh medang ako ereheh nâng henma athe ngama tângatmin a? Riilahma ngakhintah Jisu Krista pumma Joban dekchahko tonglahma nãngrãngma Joban nâng rosep kohehi!

GALATIEN 2:20

erohwah athâng hehwah hin ekangpa Nga hîn dangtumek, rohkomin, arepa Krista nganâng tong ehang. Athâng hehwah, are nga roandông dong ekangpa, Ngama nganâng hunte, ngale ngarãng ate roandông kohte Joban Chha nâng putedâlem lekma tongekang.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

IFISIEN 5:2

Ne roandôngko hun achhâmin letma songtongen, chenroh Krista ma nãngnâng hunlahma ate roandôngpa Joban rinmeli tum amengli heh rângkoh arãngrãng ate roangdong pa nãngrãngma kohwah, ererãngrãng nekhumin hun achhâmin en.

KOLOSIEN 2:13

Nemin sanpoat poattheko Junâng riiletma dângwah, chenrãngma ngako, erepa nepap ngale nea Joban Niemarang aho thangma Jews ledangte jat dângwah. Rohkomin, ade phumma Krista junma Joban ma roandông lâkephû kohthen. Joban ma nãngpap chentô heh map lâkohthi;

1 THISALONIKA 5:9

Joban ma nãnga ate rinkhah thunko chêmritrãng rên dangmahhi, rohkomin nãng Teso Jisu Krista junma khope chohrãng ren ehi,

1 TIMOTHI 1:9

Rohkomin arepa thônghunmin, Niemarang pa mihnyansen hehrãng hôan dangmah, Niemarang junko ledangte mihnyan, ngoan aliak, Joban lejette, ngale papi mihnyan, Joban Niemarang junko ledangte, Joban Ju ahote, mâmâ nyong awa ritphete, ngale mihphoang ritphete,

TITAS 2:12

Ere mînchenchaan pumma Joban lejet thangma sôngtông ngale hei ngem hung arin heh pherãng hethôehi, ngale mâmâ dede hungmông sietrii, toangtang, ngale hahtokkhoh ko Joban jetlihma sôngtôngrãng hethôehi,

HIBRU 8:3

Chentô soam aroakte adong heh Joban nâng chhahkoh ngale ngem ngah ma joapsoap thukeka, ngale erohwah nãngrãngma soam aroakte adongthôan pummemin chenni akomin kohmin.

HIBRU 9:26

eroh dângngako, atemin rang ahah hôanthu mejô butbut chêmrii lahma dângmin wah. Phumma, chentô rangkuh sanha hehrangma athôan sanpoat pa namhok phumma, atema roantang roangjêng rãng rekthe lolo kalahma, atedede roandôngpa kohlahma pap heh sâsiet kakoh ehi.

1 PITER 1:20

Atea Joban ma rang ahah hôan mama rênwah, ngale are athôan sanpoatko nekhurãng sênrãngma hongeka.

2 PITER 3:7

Phumma athâng hehwah rangkhethung le hahtokkhoh pemin ere mãnthe jabkhab pumma jôba wennâng rokpherãng thieneka. Ngale rangkhethung le hahtokkhoh nii chenthu Joban lejette mihnyan heh Joban ma chhihngatjâ rangwo ko chhihsietrãng thieneka.

JUD MA RAANGWAH SITI 1:15

ngale anga nga khohnâng achhih le asen a erepa eren kara, ngale kaamchhih moatte, ngale pap mihnyan hehma Joban lelatnâng chentô chhihjab tah a ereheh junko eritphea!”

JUD MA RAANGWAH SITI 1:18

Thinma nenâng ngatwah, “Chenthu athôan sanpoat pa mehû theko, nenâng dûmmek jôjêmte mihnyan heh ehonga, ngale ere mihnyan hehma Joban lejet thangma thinhung sisiko edanga.”

JUD MA RAANGWAH SITI 1:4

Chenrãngma ngako nãngma lejet tungko nãngkhu mongnâng Joban lejette mihnyan huhluphû lahma tonga, ere mihnyan hehma Joban ngewah mînchenchaan pa thintungko dihiak dela kaamchhih moatrãng chhihsiet eka, ngale thinma nãngnâng Hethôte ngale Teso wathe lolo Jisu Krista nginmin dakwak eka. Chenthu thuma Joban nyapraangma are mihnyan chhih heh mahrit nginpa thôwah.