ROMAN HEHNÂNG POLMA RAANGWAH SITI 5:1 - NIEMNYAN Naga NT (BSI)

¹ Ade phumma nãng wah putedâlem junko nãnga Joban demnâng toangtang dangeki ngale Teso Jisu Krista junma Joban demnâng mêmo dangeki.

ROMAN HEHNÂNG POLMA RAANGWAH SITI 5:1 Iomraidhean Croise

LUK MA RAANGWAH NGINKONGSEN 19:38

“Teso mînko hokte lowang ko Joban ma rangkoh eka! Rangkhethung nâng mêmo dangeka ngale Joban mîn dongthuk eka!”

LUK MA RAANGWAH NGINKONGSEN 19:42

Atema ngatwah, “Thejâ nema chenroh mêmo jiendângmin a erepa jetngako chentôsên dângmin wah a! rohkomin athângheh erepa khemet!

LUK MA RAANGWAH NGINKONGSEN 2:14

“Rangkhethung choangthôan nâng Joban mîndong thukeka, ngale hahtokkhoh ko hendemnâng ate rinme eka ereheh mêmo chendanga!”

JON MA RAANGWAH NGINKONGSEN 14:27

“Mêmo pa ngama nenâng phethien koheka; erepa ngadede ngewah mêmo koheka. Ngama erepa hahtokkhoh ma koheka rãngrãng koh dangmek. Nekpatrii sekmah en; ngale acheimin nekchei en.

JON MA RAANGWAH NGINKONGSEN 16:33

Ngama nenâng areheh thôkoh ekapa nga demnâng dangletma mêmo chenchoh en ngama thôkoh eka. Hahtokkhoh ma nenâng echêmthuk hèn. Rohkomin hung dongdong dangen! Ngama hahtokkhoh pa lâjientek!”

JON MA RAANGWAH NGINKONGSEN 20:31

Rohkomin are raangthien eka heh nema chenmam putedâlem en ngama raangthien eka Jisu pa Joban Chha, Misaia, ngale nema atenâng putedâlem junma ba nema roandông tâchohmin.

JON MA RAANGWAH NGINKONGSEN 5:24

“Ngama nenâng toangtang thôkoh eka: Henhenma ngajab pa tatlahma nga chienkatte ko putedâlem eka erehehma roantang roanjêng roandông echoh a. Thinnâng achhih ngama lengamin, rohkomin ritwah ahîn thinnâng lâdangtah.

MOATLEM 10:36

Atema Isrial mihnyan hehnâng ngin matchhoantah pa nemajet en, erepa Jisu Krista junma mêmo Nginkongsen phoangthô chhoanwah, atea chentôrãng Teso.

ROMAN HEHNÂNG POLMA RAANGWAH SITI 1:17

Joban ma mihnyan heh ate demnâng chenroh toangtang dangthuk eka erepa Nginkongsen pumma khesok eka: erepa abengma athôan kotuk putedâlem junma dângmin. Joban nyapraangma ngaeka, “Hen Joban demnâng toangtang dangeka ereheh Putedâlem junma hînmin.”

ROMAN HEHNÂNG POLMA RAANGWAH SITI 1:7

Ngale erohwah Ngama Rom wah sôngte nekhu chentô nâng raangeka, nekhu nâng Joban ma hun ehèn ngale atedede mihnyan dângrãng rooehèn: Nãng Wa Joban ngale nãng Teso Jisu Krista ma nenâng mînchenchaan ngale mêmo chenkohhèn.

ROMAN HEHNÂNG POLMA RAANGWAH SITI 10:10

Chenrãngma ngako, nãngma putedâlem junma Joban demnâng toangtang dangthuk ehi; ngale nãng thunma hôngjab junma khope eki.

ROMAN HEHNÂNG POLMA RAANGWAH SITI 10:15

Ngale nginpa chenroh jienphoang thôkohmin a nginmatte pa lechienchhoan medang ako? Joban nyapraangma ngaeka, “Nginkongsen keplahma nãngnâng thôkoh rãng nginmatte hokpa chentôsên a!”

ROMAN HEHNÂNG POLMA RAANGWAH SITI 14:17

Chenrãngma ngako Joban Hahsông pa jokphhek chhah rãnglolo dangmah, rohkomin, toangtang, mêmo, ngale khuhah nâhah loloba, ngale erepa Asâthôanju ma koheka.

ROMAN HEHNÂNG POLMA RAANGWAH SITI 15:13

Dâlem kohte Joban pumma khuhah nâhah chendangthuk hen ngale nema atenâng putedâlem junko mêmo chendangthuk hèn, erohkoba nema thonghun letma dâlem ekenpa Asâthôanju chaanma jêngdong dongwãng erea.

ROMAN HEHNÂNG POLMA RAANGWAH SITI 15:33

Nãngnâng mêmo kohte Joban pa nekhu phangtang demnâng chentonghèn. Amen.

ROMAN HEHNÂNG POLMA RAANGWAH SITI 3:22

Mihnyan hehma Jisu Krista nâng putedâlem junko Joban ma ate demnâng toangtang dangthuk eka. Joban ma arepa henhenma Krista nâng putedâlem eka ereheh toangtang dangthuk eka, chenrãngma ngako chentô mihnyan nyuchha pa khoakthe tuta:

ROMAN HEHNÂNG POLMA RAANGWAH SITI 3:30

Joban pa wathe jôba, ngale Joban ma Jews heh thin putedâlem junko ate demnâng toangtang edangthuk a, ngale Jews ledangte hehmin thin putedâlem junko jôba Joban ma ate demnâng toangtang edangthuk a.

ROMAN HEHNÂNG POLMA RAANGWAH SITI 4:5

Rohkomin henhenma moatlem moatjunko ledang, putedâlem nâng lolo tok anaa eka, ngale athe pa letherãng lithôante Joban nâng putedâlem eka, ere putedâlem peba Joban ma ate demnâng toangtang dângthukrãng lemeka.

ROMAN HEHNÂNG POLMA RAANGWAH SITI 5:11

Phumma nãngkhu khope lanlan dangmah; khumin hah eki, chenrãngma ngako, nãng Teso Jisu Krista junma Joban ma nãng ade phumma ate lemruchha rãng dangthuk ehi.

ROMAN HEHNÂNG POLMA RAANGWAH SITI 5:18

Erohwah wathe pap junma chentô mihnyan nyuchha ma chêmchoh eki rãngrãng, wathema toangtang moatdi Joban ma chentô mihnyan nyuchha heh toangtang dangthuk eka, ngale roandông koh eka.

ROMAN HEHNÂNG POLMA RAANGWAH SITI 6:23

Chenrãngma ngako, pap dekbi thãpa - rit; rohkomin Joban ma thãhoma hînhô kohehi pa nãng Teso Jisu Krista demnâng roamlihma roantang roanjêng ahîn roandông choheki.

ROMAN HEHNÂNG POLMA RAANGWAH SITI 9:30

Erohwah nima arepa ngaeki, Joban demnâng toangtang dâng lehunte Jews ledangte heh, putedâlem junma Joban demnâng toangtang dangeka;

GALATIEN 2:16

Nãngma ajet mihnyan pa Jisu Krista nâng putedâlem junko lolo jôba Joban demnâng toangtang tadang eki, Niemarang ma chenni huneka erepa moatjunma toangtang tadangmih. Nimemin Jisu Krista junma Joban demnâng toangtang tâdângrãng Jisu Krista nâng putedâlem eki, ngale Niemarang ma chenni huneka erejunma toangtang dâng dangmih. Chenrãngma ngako Niemarang ma chenni huneka erepa molahma henmin Joban demnâng toangtang tadangmah.

GALATIEN 3:25

Ade phumma putedâlem sanpoat pa lâhûtha, nãngkhua Niemarang khennâng dangtumih.

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

IFISIEN 2:7

Atema are moeka pa, ahokmin sanpoat roakweih Jisu Krista junma atema nãngnâng ate mînchenchaan ngale hun achet pa atâthakli ledang dông tonga, ngama khesokrãng moeka.

FILIPIEN 3:9

ngale ate demnâng senthemthem johroam ekang. Ngale Ngama Niemarang kep junko Nga toangtang dangmek. Ngama athângheh Jisu Krista nâng putedâlem junko toangtang dangekang, erepa Joban ma putedâlem junko koheka.

KOLOSIEN 1:20

Erohwah, Chha junma Joban ma hahtokkhoh phangtang ate tânâng ngaksiet hokrãng thonghun eka. Joban ma ate Chha hei junma nome thukeka ngale hahtokkhoh wah hehmin erediko rangkhethung wah hehmin chentôpa ate tânâng ngaksiet hûeka.

KOLOSIEN 3:15

Nehung nerin khenwah thonghun eken pemin Krista ma koheka mêmo junko chendanga; chenrãngma ngako, are mêmo junko Joban ma nekhu phoangthe ko dângrãngma rooehèn. Ngale roantangma Joban nâng dangkoh a nga en.

1 THISALONIKA 5:23

Nãngnâng mêmo kohte Joban pumma nekhumin chentô nâng sâpoangpoang chendang thukhèn, ngale nãng Teso Jisu Krista ngakkat jâko nekhu - Ju amoang, hung arin, ngale phoang aroang heh phangtang - chennijô ngek atek ngale theabe aho chendang thukhèn.

2 THISALONIKA 3:16

Nãngkhunâng mêmo kohte Teso ate dedema nekhu nâng chentô lemkhôma sanpoat roakweih mêmo chenkohhèn. Nekhu chentô demnâng Teso chenjoh tonghèn.

HIBRU 13:20

Joban ma nãng Teso Jisu Krista ritwah ngakhinsiettah, ngale ate hei junma atea Saaksokte Adongthôan dangeka, ngale erejunma roantang roangjêng rãng toamsem eka. Ate hung junko moatrãng mêmo kohte Joban ma chentô asenli heh chenchoh kohhi, ngale Jisu Krista junma atema nãngnângmin ate hungsênli moatlem moatrãng chenmam hôanhi. Erediko Krista mîn roantang roangjêng rãng chendonga! Amen.