ROMAN HEHNÂNG POLMA RAANGWAH SITI 4:6 - NIEMNYAN Naga NT (BSI)

⁶ Hen mihnyan nâng Joban ma ate moatlem junko ledangma toangtang ngama kepeka ere mihnyan khuhah junma Devit memin aroh jabwah:

ROMAN HEHNÂNG POLMA RAANGWAH SITI 4:6 Iomraidhean Croise

MATHIU 25:19

“Melâng rãngpâ diko tângtewa pa ngakhû lahma ate haaheh demnâng atema kohthientah ngunheh phensietmîn wah.

ROMAN HEHNÂNG POLMA RAANGWAH SITI 1:17

Joban ma mihnyan heh ate demnâng chenroh toangtang dangthuk eka erepa Nginkongsen pumma khesok eka: erepa abengma athôan kotuk putedâlem junma dângmin. Joban nyapraangma ngaeka, “Hen Joban demnâng toangtang dangeka ereheh Putedâlem junma hînmin.”

ROMAN HEHNÂNG POLMA RAANGWAH SITI 3:27

Eroh medang ako nãng dedema chenni rângthôrit thin etonga? Chenni rângthôrit thinjô aho! Ngale erepa chenni junma dangeka? Erepa nangma Niemarang pa kep junko dangeka? Erejunko dangmah, nãngma putedâlem junko dangeka.

ROMAN HEHNÂNG POLMA RAANGWAH SITI 4:11

Atea khedi koba khoankhen niem pa hôanwah, ngale atema khoankhen niem hôan ekapa, Abraham putedâlem junko atema khoankhen niem hôan mama Joban ma atea toangtang ngama kep ekapa khesok rãng hôanwah. Ngale erohwah, thinma khoankhen niem pa lehôan medang akomin, Joban nâng putedâlem lahma Joban ma thin a toangtang ngama kepeka mihnyan hehrãng Abraham pa Ju ngenâng thinrãngma wa.

ROMAN HEHNÂNG POLMA RAANGWAH SITI 4:24

Ere jabkhab pa nãngkhurãng memin raangeka, henhenma nãng Teso Jisu ritwah ngakhînsiette Joban nâng putedâlem junko Joban ma ate demnâng toangtang ngama kep ehia ereheh rãngmemin raangeka.

ROMAN HEHNÂNG POLMA RAANGWAH SITI 4:5

Rohkomin henhenma moatlem moatjunko ledang, putedâlem nâng lolo tok anaa eka, ngale athe pa letherãng lithôante Joban nâng putedâlem eka, ere putedâlem peba Joban ma ate demnâng toangtang dângthukrãng lemeka.

ROMAN HEHNÂNG POLMA RAANGWAH SITI 4:7

“Hennâng atema chhihmotah heh map koheka, ere mihnyan pa rangkepte, ngale hennâng ate pap heh map koheka erepa rangkepte!

ROMAN HEHNÂNG POLMA RAANGWAH SITI 4:9

Devit ma are rangkep ngin jab ekapa khoankhen niem hôante hehrãng lolo lejab eka? Erehehrãng lolo dangmah! Erepa khoankhen niem lehôante hehrãng memin danga. Chenrãngma ngako nãngma Joban nyapraangwah jeteki, “Abraham ma Joban nâng putedâlem wah, ngale ate putedâlem junko Joban ma atea toangtang ngama kepwah.”

1 KORINT 1:30

Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

GALATIEN 3:14

Krista ma are moeka pa, Joban ma Abraham nâng rangkohrãng toamsem tahpa Jisu Krista ritjunma Jews ledangte hehnâng kohrãng moatwah, erohwah, putedâlem junma nãngma Joban ma Ju kohrãng toamsem tahpa choheki.

GALATIEN 4:15

Ne nyahrãng khuhah letma dângwah! phumma athângheh ere khuhah pa chenkoa? Ngama linlin ajet, tâdângli ngako nema ne mitken pa loatletma nganâng chenkohtha.

IFISIEN 1:3

Joban ngale nãng Teso Jisu Krista Wa nâng dangkoh a ngae! Chenrãngma ngako Krista junma rangkhethung nâng atema nãngnâng rang kohehi.

FILIPIEN 3:9

ngale ate demnâng senthemthem johroam ekang. Ngale Ngama Niemarang kep junko Nga toangtang dangmek. Ngama athângheh Jisu Krista nâng putedâlem junko toangtang dangekang, erepa Joban ma putedâlem junko koheka.

2 TIMOTHI 1:9

Atema nãngkhu pepâng lahma atedede mihnyan dângrãng rooehi, erepa nangma moatlemsen moatjunma dangmah, ate dedema hunlahma ate mînchenchaan junko pepâng ehi. Rangle Hahtokkhoh hôan mama are mînchenchaan pa atema Jisu Krista junma nãngnâng kohehi.

JEMS 2:18

Phumma wanwanthe ma enga a, “Wathenâng putedâlem, ngale ahan wathe nâng moatlem tonga.” Phumma Ngama atenâng edanthang ang, “Nganâng khesok tanhang, moat akat aho thangma putedâlem pa hennâng tongeka. Ngama nenâng Nga putedâlem ngale Nga moatlem pa khesok a.”

2 PITER 1:1

Jisu Krista moattat chhoante ngale ate haa Simon Piter ngewah- Nãng Joban toangtang junma ngale nãng Pângte Jisu Krista junma ni rãngrãng putedâlem sen chohte hehnâng raangeka: