ROMAN HEHNÂNG POLMA RAANGWAH SITI 4:15 - NIEMNYAN Naga NT (BSI)

¹⁵ Niemarang pumma Joban rinkhah ba kephûera; Phumma chenko niemarang aho dangeka, ereko niemarang chhihsiet thinmin aho.

ROMAN HEHNÂNG POLMA RAANGWAH SITI 4:15 Iomraidhean Croise

JON MA RAANGWAH NGINKONGSEN 15:22

Nga kalekma hahtokkhoh wah mihnyan hehnâng lethôkoh ngako thinnâng pap aho dângmin wah; Ade phumma thinpap heh map lekohtumin.

JON MA RAANGWAH NGINKONGSEN 3:36

Henhenma Chhako putedâlem eka erehehma roantang roanjêng roandông chohmin; Henhenma Chha nginlekep dangeka erehehma roantang roanjêng roandông lechohmin, rohkomin ereheh nâng Joban ma roantangma echêmthuk a.

ROMAN HEHNÂNG POLMA RAANGWAH SITI 1:17

Joban ma mihnyan heh ate demnâng chenroh toangtang dangthuk eka erepa Nginkongsen pumma khesok eka: erepa abengma athôan kotuk putedâlem junma dângmin. Joban nyapraangma ngaeka, “Hen Joban demnâng toangtang dangeka ereheh Putedâlem junma hînmin.”

ROMAN HEHNÂNG POLMA RAANGWAH SITI 5:13

Niemarang pa kohmako hahtokkhoh ko pap dângwah; rohkomin niemarang aho dângnomeko, pap min aho dângmin wah.

1 KORINT 15:56

Arit pumma mihnyan ritphe chaanpa papwah choh eka, ngale pap pumma ate chaanpa Niemarang wah choh eka.

GALATIEN 3:10

Henhenma Niemarang pa keplahma Niemarang ko dâlem eka erehehma Joban wah têm athoak chohmin. Chenrãngma ngako, Joban nyapraangma ngaeka, “Henhenma Niemarang titab kowah chentô raangthien eka heh roantangma lekep medang ako erehehma Joban wah têm athoak chohmin!”

GALATIEN 3:19

Eroh medang ako Niemarang pa chenrãngma kohwah a? Erepa mihnyan hehma kaamchhih moeka pa khesokrãng kohwah, ngale erepa Joban ma Abraham chhuchha rãngma toamsem tahpa kat sanpoat tôkorãng kohwah. Ere Niemarang pa rangkhethung wah Joban ngintatte hehma mihnyan nyuchha le Joban tungko ngin mêthôte mihnyan wathe keplahma chohkoh wah.

IFISIEN 5:6

Hennângjô ledangli ngin hehnâng nekdiap chhahrii en; chengrãngma ngako, ererãngrãng heh junko Joban rinkhah pa ate ngin lekepte heh khohnâng hûera.

KOLOSIEN 3:6

Chenrãngma ngako, areheh junko henma Joban nginlekep dangeka ereheh khohnâng Joban rinkhah pa elen a.

1 JON 3:4

Ngale henhenma papkaam moeka erehehma Joban niemarang pa chhihsiet eka, chenrãngma ngako pap pumma Joban niemarang pa chhihsiet eka.

LOATKHESOK 19:15

Ate thunkâ kowah deng nahmõang hôngkatwah, ere deng pumma atema chentô diak akan heh jieneka. Atema thin khohko janke semlahma epên a, ngale khemkoakthin koannâng angur khihlitwah rãngrãng Adongthôan Joban nyahrãng rinkhah thunko ekhihsiet a.