ROMAN HEHNÂNG POLMA RAANGWAH SITI 4:1 - NIEMNYAN Naga NT (BSI)

¹ Eroh medang ako nãngte nãngwa Abraham nâng chenroh ngaea? Atea chenroh dângwah a?

ROMAN HEHNÂNG POLMA RAANGWAH SITI 4:1 Iomraidhean Croise

MATHIU 3:9

Abraham pa nite niwa dângwah ngama ngatko Joban rinkhah thunwah tape e ngama nekthonghun en. Ngama nenâng thôkoh eka, Joban ma are long hehwahmin Abraham chhuchha rãng tahôan a!

LUK MA RAANGWAH NGINKONGSEN 3:8

Nepap moatlem wah hunglittah ngama kheli moatlem mo en. Ngale Abraham pa nete newa dângwah ngama nededema nekthonghun riitu en. Ngama nenâng thôkoh eka, Joban ma are long heh wahmin Abraham chhuchharãng tahôan a!

JON MA RAANGWAH NGINKONGSEN 8:33

Thinma ngatwah, “Nia Abraham chhuchha” “ngale nia henhu ahaamin mathat dangeki. ‘Ne elaang phehèn’ ngama nangma chenni ngatthiak jab eko?”

JON MA RAANGWAH NGINKONGSEN 8:53

Niwa Abraham riitah; Nanga Abraham, nomemin adong thonghunrii ekoa? Ngale mõng hehmin erohjô riitah. Nanga hen ngama thonghunrii ekoa?”

JON MA RAANGWAH NGINKONGSEN 8:56

Newa Abraham ma ngakat sanpoat pa khelek mele ngama thonghun lahma khuhah nâhah dângwah; Erepa atema khelahma khuhahwah.”

MOATLEM 13:26

“Ngapho anaa Isrial mihnyan heh, Abraham chhuchha heh, ngale chentô Jews ledangte Joban nâng soam atôte heh: Are khope nginsen pa nãngkhu nâng thôhok kohwah!

ROMAN HEHNÂNG POLMA RAANGWAH SITI 1:3

Arepa ate Chha, nãng Teso Jisu Krista junma hôanwah: atea phoangpa mihnyan nyuchha rãngrãng, Devit pôali wah hôngchhatwah;

ROMAN HEHNÂNG POLMA RAANGWAH SITI 3:5

Phumma nãngma kaamchhih molihma Joban ma kaamsen moeka pa senthemthem mekhesok eko chenroh dângmin a? Joban ma nãngnâng kaamchhih moatthã mechêmthuk hiko, Joban ma kaamchhih moeka ngama tanga ea? (Khaka mihnyan hehma aroh eta thôngpha them a.)

ROMAN HEHNÂNG POLMA RAANGWAH SITI 4:16

Ngale erohwah putedâlem junko Joban wah toamsem pa choheki, ngale arepa chentô Abraham chhuchha hehma Joban wah thaho hînhô rãngrãng choheki - ngale arepa Niemarang kepte hehnâng lolo ledang, Abraham ma putedâlemtah rãngrãng putedâlemte hehnângmin koheka. Chenrãngma ngako, chentô mihnyan rãngma Abraham pa Ju ngenâng wa;

ROMAN HEHNÂNG POLMA RAANGWAH SITI 6:1

Eroh medang ako nãngma chenni ngaea? Joban wah mînchenchaan pa ajah chenchoh e ngama papkaam molihmejû tongea?

ROMAN HEHNÂNG POLMA RAANGWAH SITI 7:7

Eroh medang ako nãngma Niemarang pa pap lengaea? Pap dangmah! Rohkomin pappa chennia erepa nganâng Niemarang pumma jetthukwah. Niemarang pumma, “Mihthiak nâng nekphetwan,” lenga nomako, Ngama aphetwan pa lejetmin wah.

ROMAN HEHNÂNG POLMA RAANGWAH SITI 8:31

Ephumma areheh junma nãngma chenni ngatmin a? Joban pa nãngrãng medang ako, nãng lelatnâng hen tâdângmin a?

2 KORINT 11:22

Thin a Hibru jat ne? Ngamin Hibru jat jôba. Thin a Isrial jat ne? Ngamin Isrial jat jôba. Thin a Abraham chhuchha ne? Ngamin Abraham chhuchha jôba.

HIBRU 12:9

Nãng mihnyan nyuchha hei angem wa memin nãngnâng phheksiet nâsiet hôan ehi, ngale nãngma thin ngin kepeki. Eroh medang ako, nãngju rãngma Wa ranjã chentô bâmcheimin a!