ROMAN HEHNÂNG POLMA RAANGWAH SITI 3:5 - NIEMNYAN Naga NT (BSI)

⁵ Phumma nãngma kaamchhih molihma Joban ma kaamsen moeka pa senthemthem mekhesok eko chenroh dângmin a? Joban ma nãngnâng kaamchhih moatthã mechêmthuk hiko, Joban ma kaamchhih moeka ngama tanga ea? (Khaka mihnyan hehma aroh eta thôngpha them a.)

ROMAN HEHNÂNG POLMA RAANGWAH SITI 3:5 Iomraidhean Croise

ROMAN HEHNÂNG POLMA RAANGWAH SITI 12:19

Ngalemruchha heh, mihnâng phuh neklit en, erepa Joban ma ate rinkhah poatko moatrãng liet en. Chenrãngma ngako, Joban nyapraang nâng Teso ma aroh ngaeka, “Phuh pa ngama elit ang, Ngama engakkoh ang.”

ROMAN HEHNÂNG POLMA RAANGWAH SITI 2:5

Rohkomin nehung pa nyahrãng hungcheh, erohwah nema Joban rinkhah ngale toangtangma ren Rangwo hongkat jâko nema chohmin nechêm pa jêngjah jahsiet reken.

ROMAN HEHNÂNG POLMA RAANGWAH SITI 3:19

Nãngma ajet, Niemarang kowah chentôpa Niemarang khenko sôngte hehrãngma raangeka, ngale Niemarang pumma mihnyan heh phangtang kihtong thuk eka ngale hahtokkhoh mihnyan phangtang Joban ma eren a.

ROMAN HEHNÂNG POLMA RAANGWAH SITI 3:7

Phumma nga mothô khôanglep junko Joban mîn dongthuk lekma ate toangtangpa senthemthem mekhesok angko, nganâng chenrãngma papi ngama thamlek chhihngat min a?

ROMAN HEHNÂNG POLMA RAANGWAH SITI 4:1

Eroh medang ako nãngte nãngwa Abraham nâng chenroh ngaea? Atea chenroh dângwah a?

ROMAN HEHNÂNG POLMA RAANGWAH SITI 5:8

Rohkomin Joban ma nãngnâng chentô hun ehia erepa khesok ehi - erepa nãnga papi dângwah rohkomin Krista nãngrãngma ritwah!

ROMAN HEHNÂNG POLMA RAANGWAH SITI 6:1

Eroh medang ako nãngma chenni ngaea? Joban wah mînchenchaan pa ajah chenchoh e ngama papkaam molihmejû tongea?

ROMAN HEHNÂNG POLMA RAANGWAH SITI 6:19

(Ne hei angem hung pumma letajet dâng phumma ngama mihnyan nyuchha ngin rãngrãng jabekang.) Poatthe nema nedede phoangpa phangtang ngek atek, chhih akhahli, erediko kaamchhih heh moatwah. Ererãngrãngjô ade phumma nededema ne phoang phangtang Asâthôan kaam moatrãng toangtang haarãng dangthuk en.

ROMAN HEHNÂNG POLMA RAANGWAH SITI 7:7

Eroh medang ako nãngma Niemarang pa pap lengaea? Pap dangmah! Rohkomin pappa chennia erepa nganâng Niemarang pumma jetthukwah. Niemarang pumma, “Mihthiak nâng nekphetwan,” lenga nomako, Ngama aphetwan pa lejetmin wah.

ROMAN HEHNÂNG POLMA RAANGWAH SITI 8:31

Ephumma areheh junma nãngma chenni ngatmin a? Joban pa nãngrãng medang ako, nãng lelatnâng hen tâdângmin a?

ROMAN HEHNÂNG POLMA RAANGWAH SITI 9:30

Erohwah nima arepa ngaeki, Joban demnâng toangtang dâng lehunte Jews ledangte heh, putedâlem junma Joban demnâng toangtang dangeka;

1 KORINT 15:32

Mihnyan nyuchha hung arin junma lolo ngama Ifisus wah “Wunngem” demnâng meloatmîn angko, ngama chenni chohmin a? Rohkomin ritte heh lengakhin medang ako, are nginthakthô pumma ngaeka rãngrãng, “Jokphhek chhah e, chenrãngma ngako nènep nãng rit retumin.”

1 KORINT 9:8

Ngama arepa jengrewah sôngtông ngin heh demnâng thakmîn dangmek, chenrãngma ngako, Niemarang memin eroh jôba ngaeka.

2 KORINT 6:4

Erohwah, nima chenjô memo ekomin, rongrup lemma nia Joban haa ngama khesokrãng chêmchei, patrit sekmah, ngale boanrit nâchhâ komin hungmong sietrii lihma thaeki.

2 KORINT 7:11

Sûtan en, Joban ma huneka junko nehung chhihdi Joban ma chenni moeka: ere junko ne nyahrãng sâthâng huneken, ngale papwah nyahrãng sârit huneken! rinmin khah eken, acheimin re eken, nyahrãng hungkoh letma moathun eken, ngale kaamchhih moatte hehnâng phheksiet nâsiet hôanmin huneken! nema are chento moeken pa achhihmoat dangmih ngama jetthuk ehèn.

GALATIEN 2:18

Ngama chhihsiettek Niemarang pa ngamejô methe ngaksensiet angko, nga a athe ngama khesok ekang.

GALATIEN 3:15

Ngalemruchha heh, Ngama jengre wah nginthakthô demnâng thôkoh a: Chenthu mihnyan wanii nginthunjut lahma chenni rãng akomin sûhi mehôan ako, erepa henmemin leta jeksietmin, ngale ereko henmemin leta lêboatmin.

LOATKHESOK 15:3

ngale thinma Mosa sêpase, Joban haa sêpase ngale Saakchha sêpase rewakwah: “Teso Joban Adongthôan, nangma motoh moatlem heh chentô dônga ngale chentôsên a! diak akan wah Lowang hehma, nang lemkhô pa chentô apun ngale toangtang lemkhôa ngama ngawak eka!

LOATKHESOK 18:20

Rangkhethung wah heh ate mahjâ pa kheletma khuhah nâhah dangen! Joban mihnyan heh ngale moattat chhoante erediko mõngheh khuhah nâhah dangen! Chenrãngma ngako atema nenâng chêmsietdi Joban ma atenâng chêmsiettah!