ROMAN HEHNÂNG POLMA RAANGWAH SITI 3:4 - NIEMNYAN Naga NT (BSI)

⁴ Eroh chenthumin dangmah! mihnyan heh phangtangjô mothô medang akomin, Joban pa toangtang. Joban nyapraangma aroh ngaeka, “Nangma jab eko jabkhab pumma nanga toangtang ngama chenkhesok a; ngale chenthu nangnâng metlo lahma mesekham hoko, erepa nangma jien o.”

ROMAN HEHNÂNG POLMA RAANGWAH SITI 3:4 Iomraidhean Croise

MATHIU 11:19

Phumma chenthu Mihnyan Chhama jokphhek chhahko, anga ngama Atenâng, ‘Are mihnyan ko sûtan en! rem awak ngale jokphhek chhahte, thãkho thate ngale papi mihnyan heh lemruchha, ngama ngaeken!’ Joban wah buthi mongthem pa moatlem pumma ekhesok wênra.”

LUK MA RAANGWAH NGINKONGSEN 20:16

“Ate kalahma ere mihnyan heh phangtang eritpheka a, ngale angurthongpa mihhan demnâng eroam motûa.” Mihnyan hehma erengin pa tatlahma, “Aroh chenthumin dangmah!,” ngama ngatwah.

JON MA RAANGWAH NGINKONGSEN 3:33

Rohkomin henhenma ate nginpa kep eka erehehma Joban pa toangtang ngama jet eka.

ROMAN HEHNÂNG POLMA RAANGWAH SITI 11:1

Erediko ngama thôngphâ wah: Joban ma ate mihnyan heh phere eka? Phemah! Ngadede min Isrial mihnyan, Abraham chhuchha, ngale Benjamin jatwah.

ROMAN HEHNÂNG POLMA RAANGWAH SITI 11:11

Erediko ngama thôngphâ ekang: Jews heh chenthu dakho thutriitah a? ngale lejien ngaksen tuli lânchhih jâroh chenthu jâriitah a? Erohmin dangmah! Jews hehma pap moatjunko, thinma chenphetwân a ngama khope pa Jews ledangte hehma choh eka.

ROMAN HEHNÂNG POLMA RAANGWAH SITI 3:31

Phumma nãngma putedâlem junko Niemarang heh chhihsiet lere ekia? Chenthumin nãngma chhihsietmih; erenoma, putedâlem junko nãngma Niemarang pa dongsiet eki.

ROMAN HEHNÂNG POLMA RAANGWAH SITI 6:15

Eroh medang ako chennire min a? Nãngma pap moea, chenrãngma ngako nãnga niemarang khennâng dangmih, Joban mînchenchaan khennâng songeki? Erohmin jienmo mih!

ROMAN HEHNÂNG POLMA RAANGWAH SITI 6:2

Eroh chenthumin dangmah! Nãnga papnâng lâriitih - phumma pap khenkojû chenroh jienthãm lektongea?

ROMAN HEHNÂNG POLMA RAANGWAH SITI 7:13

Phumma chenrepa asen ngaekia erepumma nãngnâng rit kephukoh ehia? Erohmin dangmah! Rohkomin chenrepa asen a erepa keplahma nganâng pap pumma rit pa kephukoh ehang, ngale erepa linlin pappa jienkherãng moeka. Ngale hôkum junko pappa nyahrãng cheili chhih ngama khesok eka.

ROMAN HEHNÂNG POLMA RAANGWAH SITI 7:7

Eroh medang ako nãngma Niemarang pa pap lengaea? Pap dangmah! Rohkomin pappa chennia erepa nganâng Niemarang pumma jetthukwah. Niemarang pumma, “Mihthiak nâng nekphetwan,” lenga nomako, Ngama aphetwan pa lejetmin wah.

ROMAN HEHNÂNG POLMA RAANGWAH SITI 9:14

Eroh medang ako nãngma Joban nãng thhensokte ngama lengaea? Eroh chenthumin jienngamih.

1 KORINT 6:15

Nema ajet ne phoang pemin Krista phoang demko jôba johroap eka. Phumma ngama Krista phoangpa dihiaknyu phoang sengte phoang demko ejoh roapsiet anga? Eroh chenthumin leta roapsietmin!

2 KORINT 1:18

Joban ma toangtang jabeka rãngrãng, ngama nedemnâng toamsem eka pemin “Danga” le “Dangmah a” ngama dangmah.

GALATIEN 2:17

Nãngmin Jisu Krista demnâng roamlihma Joban demnâng toangtang medang eko, nãngmin Jews ledangte hehnâng papi ngaeki rãngrãng papi jôba - eroh medang ako nãngmin Krista ma pap ledangthuk ehia? Erohmin dangthuk mahhi!

GALATIEN 2:21

Ngama Joban mînchenchaan pa choh lehun dangmek. Rohkomin Niemarang junma mihnyan pa Joban demnâng toangtang meta dangako, Krista ritpa mahto nâng mahriieka!

GALATIEN 6:14

Rohkomin, Nga dangekang, Ngama Jisu Krista bãngphak pa lolo jôba erângthô ang; chenrãngma ngako, ate bãngphak junma are hahtokkhoh pa ngarãngma riichoan rãngrãng dangeka, ngale Ngamin hahtokkhoh rãngma riichoan rãngrãng dangekang.

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

TITAS 1:2

erepa roantang roanjêng roandông chohrãngma putedâlem eki. Are roantang roanjêng roandôngpa Joban ma rangbeng hahbeng thuma nãngnâng kohrãng toamsêm wah, ngale Joban ma mothô thômah,

HIBRU 6:18

Erohwah leta litjâthin jatnii tonga, ngale ere wannii rãngma Joban memin mothô thômah. Erohwah nãngkhu henhen ate demnâng khope choh ekia, erehehma hung dongdong danglihma nãng makowah thien kohehi dâlem ko rongtêngtêng lolihma tôngmin.

1 JON 5:10

Erohwah henhenma Joban Chha nâng putedâlem eka, ereheh hungnâng are nginpa thien eka; rohkomin henhenma Joban nâng putedâlem mah a, erehehma Joban pa mothôrãng hôan eka, chenrãngma ngako Joban ma thinnâng ate Chha junma chenni thôkotah a ereko thinma putedâlem mah.

1 JON 5:20

Nãngma ajet Joban Chhapa katha ngale nãngnâng toangtang pa jetthuk ehi, erohwah nãngma linlin toangtang Joban pa jeteki. Ngale nãnga linlin Joban demnâng aroamma tongeki - ngale ate Chha Jisu Krista demnâng aroamma tongeki. Arepa linlin toangtang Joban, ngale are pejôba roantang roanjêng roandông.

LOATKHESOK 3:7

“Filadelfia wah Asâthem heh ngintatte hehnâng raangeka: “Arepa henpa Asâthôan ngale tongtanga ere ngewah raangeka. Atenâng Devit sâbipa tonga, ngale chenthu atema kâsek melaangtah ko henmemin leta sektumin, ngale chenthu atema kâsek pa mesektah ko henmemin leta laangtumin.