ROMAN HEHNÂNG POLMA RAANGWAH SITI 3:25 - NIEMNYAN Naga NT (BSI)

^25-26 Joban ma Jisu Krista ritphe thukwah, erohwah ate hei junko ngale mihnyan hehma atenâng putedâlem junko mihnyan heh pap map choh eka. Joban ma aroh moeka pa atea toangtang ngama khesok rãng moeka. Amako atema hungmông sietrii lahma mihnyan hehnâng thinpap junko lechêmthuk dângwah; phumma athângheh sanpoat komin Joban ma ate toangtangpa jienkhesok rãngma thinpap heh mapkoh eka. Aroh Joban ma ate toangtang pa khesok eka, rohkomin henhenma Jisu nâng putedâlem eka heh loloba toangtang dangthuk eka.

ROMAN HEHNÂNG POLMA RAANGWAH SITI 3:25 Iomraidhean Croise

JON MA RAANGWAH NGINKONGSEN 6:47

Ngama toangtang thôkoh eka: henhenma putedâlem eka ereheh nâng roantang roanjêng lethôan roandông tonga.

MOATLEM 14:16

Khemako atema chentô mihnyan hehnâng mâmâ hungsiko dângthukwah.

MOATLEM 15:18

Arepa Teso ma jabeka, ngale atema areheh khema thuma jetthukwah.’

MOATLEM 17:30

Khemako mihnyan hehma Joban lejet sanpoat wahpa Joban ma lâlien sûtah, rohkomin ade phumma chentô thewah mihnyan hehnâng thin kaamchhih hehwah hungngaklit rãng chieneka.

MOATLEM 2:23

Joban ma mongthem junko atema Jisu ne deknâng loatthukrãng khemama themawa wah; ngale papi mihnyan wathema chohsû lahma nema Jisu bãngphak khohko rittekwah.

MOATLEM 3:18

Misaia ma chêmchoh lahma ritmin ngama mõngheh junma Joban ma khemama loatjabtah; ngale erepa atema aroh toangtang dangthuk eka.

MOATLEM 4:28

Nang chaanma ngale nang hungsima aroh chendanga ngama hôantoh heh phangtang moatrãng khôanwak eka.

ROMAN HEHNÂNG POLMA RAANGWAH SITI 2:4

Ba nema atewah adongthôan mînchen, atâdô, ngale hungmông heh lekep dangthem eken. Linlinko nema Joban mînchenchhan pa jetmin, chenrãngma ngako atema nehung litthuk hun ehèn.

ROMAN HEHNÂNG POLMA RAANGWAH SITI 5:1

Ade phumma nãng wah putedâlem junko nãnga Joban demnâng toangtang dangeki ngale Teso Jisu Krista junma Joban demnâng mêmo dangeki.

ROMAN HEHNÂNG POLMA RAANGWAH SITI 5:11

Phumma nãngkhu khope lanlan dangmah; khumin hah eki, chenrãngma ngako, nãng Teso Jisu Krista junma Joban ma nãng ade phumma ate lemruchha rãng dangthuk ehi.

ROMAN HEHNÂNG POLMA RAANGWAH SITI 5:18

Erohwah wathe pap junma chentô mihnyan nyuchha ma chêmchoh eki rãngrãng, wathema toangtang moatdi Joban ma chentô mihnyan nyuchha heh toangtang dangthuk eka, ngale roandông koh eka.

ROMAN HEHNÂNG POLMA RAANGWAH SITI 5:9

Ate hei pumma ade phumma nãnga Joban demnâng toangtang dangthuk ehi; erediko nãnga Joban rinkhah thunwah min Krista junma pe eki!

1 KORINT 5:7

Wichhi apã patphewah rãngrãng newah pap pemin rephe re en, erohkoba phangtang asâ edangen. Erediko nemin wichhi aho pheban nyan rãngrãng edangen, linlinjô nea chenrãngrãnga erepa ngama lâjettah. Chenrãngma ngako, nãng Adankhoam lokuh pa lâthangtah, athângheh Adankhoam lokuh ko joatthin saakchha rãngrãng, Krista pa lâritphetah.

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

IFISIEN 1:7

Chenrãngma ngako Krista hei junma nãngpap khenwah loatsiet ehi, ngale nãngpap heh mapkoh ehi. Joban mînchenchaan pa chentô dônga,

IFISIEN 2:13

Rohkomin, ade phumma, Jisu Krista demnâng aroamma dangletma amako Joban demwah ataangnâng dangtet pa, ade phumma Krista hei junma Joban tâko lânamsiet hûthen.

1 TIMOTHI 1:15

Arepa toangtang ngale senthemthem putedâlem lihma kepthin ngin: Jisu Krista hahtokkhoh ko papi mihnyan heh pepângrãng kaera. Phumma ere khukowah Nga a papi thôan,

HIBRU 10:4

Chenrãngma ngako, mân le kien heima chenthumin pap tasâsiet mah.

HIBRU 11:14

Ere mihnyan hehma aroh loatjab junko thindede rãngma diak han lemeka ngama jeteka.

HIBRU 11:17

Chenthu Joban ma Abraham putedâlem pa jetrãng Abraham nâng nangchha Isak pa ritphe lohma Nganâng soam aroak hang ngatahko, Abraham ma putedâlem junko ate chha Isak pa ritpherãng phungwah. Abraham demnâng Joban ma toamsêm wah, rohkomin, Abraham ma ate chha wathelolo pemin ritphe lahma Joban nâng soam aroak rãng chepwah.

HIBRU 11:7

Putedâlem junma Noa ma atenâng Joban ma khedi wah dângwâng ngin thôkotah heh ate mitma lekhejô medang akomin Noa ma putedâlem wah. Atema Joban ngin keplahma Noa ma khôankho hôanwah, ere khôankhoko ate ngale ate humte tangkâ heh pewah. Phumma hahtokkhoh pa chhihsiet rewah, rohkomin, putedâlem junma Noa nâng Joban ma toangtang thôan ngatwah.

HIBRU 9:28

Ererãngrãng ajahthem mihnyan heh pap sâsiet kohrãng Krista ma atedede roandôngpa kohlahma ritwah. Phumma ate ademin rekthe engak kara, rohkomin erepa pap sâsietrãng dangmah, rohkomin ate bemlâte mihnyan heh papwah pêsietrãng engak kara.

HIBRU 9:5

Joban tonga ngama khesokrãng Bâkoat khohko Chirubim moangachaang heh raangapaang demnâng dang rewah, ngale chirubim hehma thin rangpa pap map kohthinthe khoko têmlahma dângwah. Rohkomin, athângheh chentôpa thiepthiep thôkoh sanpoat dangmah.

1 JON 1:10

Phumma nãngma papkaam momih mengaeko, nãngma Joban ba mothô rãng hôan eki, ngale ate Jabkhab pa nãngnâng aho.

1 JON 2:2

Ngale Krista junma jôba nãngpap heh mapkoh ehi, ngale nãngkhu pap heh lolo mapkoh dangmah, chentô mihnyan heh pap mapkoh eka.

1 JON 4:10

Ahun pa arerãngrãng: nãngma Joban nâng hun dangmih, rohkomin Joban ma nãngnâng hunlahma nãngpap heh mapkohrãng ate Chha chienkat era.

LOATKHESOK 1:5

ngale Jisu Krista, putedâlemli thôan hâkhi hôante, ritwah khebeng thôan ngaksatte, ngale hahtokkhoh wah lowang heh khoko pênte. Atema nãngnâng hun ehi, ngale atema roandông kohlahma pap khenwah pepâng ehi

LOATKHESOK 13:8

Hahtokkhoh wah sôngte chentô mihnyan hehma atenâng esoam a, rohkomin rang ahah hôan mama henhen mînpa ahîn titab nâng raangthientah a, ngale henhen pa ritphe retah Saakchha rãng dângtea erehehma loloba lesoam edanga.

LOATKHESOK 20:15

Henhen mînpa ahîn titab nâng leraangthien dangeka ere mihnyan heh wennâng phekatwah.

LOATKHESOK 5:9

Thinma sê nyan sêwakwah: “Nangma jôba nyapraangten pa tâtôanmin ngale nangma jôba ate pangmiem ekapa jânlohma talaango. Chenrãngma ngako nanga ritphe rewah, ngale nangma roandông kohlohma riilohma Joban rãngma chentô jat apat, jab ajâ, diak akan, ngale chentô mihnyan nyuchha heh riakkoh wah.