ROMAN HEHNÂNG POLMA RAANGWAH SITI 3:21 - NIEMNYAN Naga NT (BSI)

²¹ Rohkomin ade phumma Joban ma mihnyan heh atedede demnâng toangtang dângthuk lemkhô pa lâhõngtah. Are lemkhô pa Mosa Niemarang ngale Mõng heh mejô thôkoh wah medang hikomin, Niemarang pa kep junma dangmah.

ROMAN HEHNÂNG POLMA RAANGWAH SITI 3:21 Iomraidhean Croise

LUK MA RAANGWAH NGINKONGSEN 24:44

Erediko atema thinnâng ngatwah, “Ngama are ngin heh nga nedemnâng dângthuko thôkotah: Mosa Niemarang nâng, ngale chentô mõngama, erediko Rangsoam titab nâng ngajunma raangtah heh phangtang linlin dângwângmin ngama.”

JON MA RAANGWAH NGINKONGSEN 1:45

Philip ma Nathaniel chohmin lahma atenâng thôkoh wah, “Mosa ma Niemarang titab nâng raang tahpa nima lâchoh khetih, ngale ate junma mõng hehmemin raangtah. Atea Nazarat wah Josep chha Jisu.”

MOATLEM 10:43

Chentô mõng hehmemin ate junma jabwah, thinma ngatwah, Jisu mîn chaanko henhenma atenâng putedâlem eka erehehma map chohmin.”

MOATLEM 15:11

Eroh dangmah! Teso Jisu mînchenchaan ko putedâlem lihma nãng khope eki rãngrãng jôba thin khomin pe eka.”

MOATLEM 26:22

Rohkomin thejâ tôko Joban ma Nganâng chohsû ehang, ngale erohwah Ngama thejâ ako cheplekma, adong arin chentô nâng khoaktheko thôkoh eka. Ngama chenni ngaekãnga erepa Mõng hehma ngale Mosa ma jabtah pa dângwâng ngin pejôba jabekang:

MOATLEM 28:23

Ephumma thinma Pol demnâng rangwo kahtok hôanwah, ngale ere rangwo jâko Pol tongeka theko jahmõang mihnyan hokwah. Rangkhah khowah rangnyek kotuk Pol ma thinnâng Joban Hahsông nginkongpa thôkoh wah, ngale atema Mosa Niemarang ngale Mõng hehma raangwah Joban ngin hehwah thakthô lahma mihnyan hehnâng Jisu junma thôkoh wah.

ROMAN HEHNÂNG POLMA RAANGWAH SITI 1:17

Joban ma mihnyan heh ate demnâng chenroh toangtang dangthuk eka erepa Nginkongsen pumma khesok eka: erepa abengma athôan kotuk putedâlem junma dângmin. Joban nyapraangma ngaeka, “Hen Joban demnâng toangtang dangeka ereheh Putedâlem junma hînmin.”

ROMAN HEHNÂNG POLMA RAANGWAH SITI 1:2

Ngingkongsen pa Joban ma ate mõng heh junma khema thuma toamhôan wah, erepa Asâthôan Joban nyapraang nâng raangeka.

ROMAN HEHNÂNG POLMA RAANGWAH SITI 16:26

Athângheh ere toangtang pa mõng hehma raangwah junko loat eka; ngale roantang roanjêng Joban ma chien junko chentô diak akan hehnâng jetthuk eka, erohwah anga ngama putedâlem eka.

ROMAN HEHNÂNG POLMA RAANGWAH SITI 3:28

Chenrãngma ngako putedâlem junma lolo jôba mihnyan pa Joban demnâng toangtang dangeka, Niemarang ma chenni ngaeka erepa moatjunko dangmah.

ROMAN HEHNÂNG POLMA RAANGWAH SITI 5:19

Ngale wathe mihnyan ma Joban nginlekep dângdi chentô mihnyan nyuchha heh papi dangthuk eka, ererãngrãngjô wathe mihnyan erepa Jisu Krista ma Joban ngin kepdi chentô mihnyan nyuchha heh Joban demnâng toangtang dangthuk eka.

ROMAN HEHNÂNG POLMA RAANGWAH SITI 5:21

Erohwah, pap junko rit pumma nãngkhoh ko pêntah rãngrãng, toangtang pumma Joban mînchenchaan pa nãngkhohko pên ehi, erohwah nãng Teso Jisu Krista junma nãngma roantang roanjêng ahîn roangdong pa choheki.

ROMAN HEHNÂNG POLMA RAANGWAH SITI 9:30

Erohwah nima arepa ngaeki, Joban demnâng toangtang dâng lehunte Jews ledangte heh, putedâlem junma Joban demnâng toangtang dangeka;

1 KORINT 1:30

Rohkomin Joban ma Jisu Krista demnâng lâroamsiet huthen, ngale Joban ma Krista pa nãng buthi mongthem rãng hôaneka. Krista junma jôba nãnga Joban demnâng toangtang dangeki; ngale nãnga Joban nâng putedâlemte mihnyan Asâ lâdangtih ngale lâpepângthi.

2 KORINT 3:9

Nãng chhihsietrãng kephûera niemarang pa atôdong dângwah medang ako; nãngkhope sietrãng kephûera pejã tanga chentôjah bâmdôngmin a!

2 KORINT 5:21

Krista nâng pap aho dângwah, rohkomin Joban ma atea nãng pap demko johroam thukeka, erepa nãngmin ate demnâng johroam lihma Joban toangtang pa tachoh eki.

GALATIEN 3:8

Joban ma Jews ledangte heh ate demnâng putedâlem junko toangtang dângthukmin ngama Joban nyapraangma amathuma thôwah. Ngale Joban nyapraang pumma Abraham nâng Nginkongsen pa thôkoh wah: “Nang junma Joban ma chentô mihnyan nyuchha hehnâng rangkohmin ngama ngatwah.”

GALATIEN 5:5

Nãngkhuma, Joban ma ate demnâng toangtang edangthuk hi ngama khaeki; ngale nãngkhu putedâlem junma Joban Juchaan ma moat pa bemeki.

FILIPIEN 3:9

ngale ate demnâng senthemthem johroam ekang. Ngale Ngama Niemarang kep junko Nga toangtang dangmek. Ngama athângheh Jisu Krista nâng putedâlem junko toangtang dangekang, erepa Joban ma putedâlem junko koheka.

1 PITER 1:10

Are khope junma mõng hehma senthemthem lâthat lemtetah, ngale Joban ma nenâng koh ehèn hînhô hehrãng memin thinma profisi chihôantah.

2 PITER 1:1

Jisu Krista moattat chhoante ngale ate haa Simon Piter ngewah- Nãng Joban toangtang junma ngale nãng Pângte Jisu Krista junma ni rãngrãng putedâlem sen chohte hehnâng raangeka: