ROMAN HEHNÂNG POLMA RAANGWAH SITI 3:2 - NIEMNYAN Naga NT (BSI)

² Linlin ajahthem lemkhonâng Jews hehma bâmchoh letma tonga! Khebengthôan pejô Joban ma ate nginkongpa Jews hehnâng bengkohwah.

ROMAN HEHNÂNG POLMA RAANGWAH SITI 3:2 Iomraidhean Croise

JON MA RAANGWAH NGINKONGSEN 5:39

Nema Joban nyapraangpa weih eken, chenrãngma ngako nema erekowah roantang roanjêng roandông chohmin ngama putedâlem eken. Phumma are Joban nyapraang pumma ngajunma jabeka!

MOATLEM 7:38

Ate sehahkho nâng Isrial mihnyan heh khôan komin johkhôanwah; atea nãngte nãngwa heh demnâng min johdângwah, ngale Sinai Hahkong khonâng rangwah Joban ngintatte ma atenâng thôkoh poatkomin dângwah; ngale atema nãngnâng dienthôkoh rãng Joban wah ahîn nginkongpa chohthâwah.

ROMAN HEHNÂNG POLMA RAANGWAH SITI 1:2

Ngingkongsen pa Joban ma ate mõng heh junma khema thuma toamhôan wah, erepa Asâthôan Joban nyapraang nâng raangeka.

ROMAN HEHNÂNG POLMA RAANGWAH SITI 2:18

Joban ma chenni moatrãng hun ehèn a erepa nemajet, ngale asenli pa rênrãngma nema Niemarang kowah chohjettet;

ROMAN HEHNÂNG POLMA RAANGWAH SITI 3:1

Eroh medang ako, Jews hehma Jews ledangte hehwah chenni bâmchoh letma tonga? roh akole khoankhen niemhôan ko bâmsen eken a?

ROMAN HEHNÂNG POLMA RAANGWAH SITI 3:3

Rohkomin khakama toangtangma leputedâlem rãngma chenni dângmin a? Erejunko Joban ma toamhoan tahpa toangtang ledangmin ne?

ROMAN HEHNÂNG POLMA RAANGWAH SITI 9:4

Thin a Joban mihnyan; ngale Joban ma ate Chharãng hôan eka, erediko ate mîndông pa thinnâng khesok eka; Joban ma thin demnâng kahkhetmin lahma thinnâng Niemarang pa koheka; erediko toangtangma soam aroak thuk eka; ngale Joban ma toamsem tahpa thinma choh eka;

1 KORINT 9:17

Ngama nga moatlempa ngadede mejô renlekma memo angko, ngama erethã chohmin ngama edâlemthem ang; rohkomin ngama erepa metkaptô moatthin moatlem ngama moekang, chenrãngma ngako, ere moatlempa Joban ma nganâng mothuk ehang.

2 KORINT 5:19

Nima thôki nginkongpa dangeka, Joban ma chentô mihnyan nyuchha heh Krista junma ate lemruchha rãng hôanehi. Joban ma mihnyan hehnâng thin papthã sekham tumah, ngale atema thin a ate lemruchha rãng chenroh hôanehia ere nginkong peba thôkoh ehi.

GALATIEN 2:7

Erenoma, Joban ma Piter nâng Jews hehnâng nginkongsen pa phoangthôkoh rãng chientah rãngrãng, nganângmin Jews ledangte hehnâng nginkongsen pa phôangthôkoh rãng Joban ma chieneka ngama chohkhetah.

1 TIMOTHI 6:20

Timothi, nangnâng Joban ma chenni sokare rãng chienthô erepa senthemthem sûareo. Sek ho ngale aba ata ngin heh nekphoang chhiakmîn, ererãngrãng ngin heh phoangchiak mînko khaka hehma “Jet ajien” reki ngama thonghun eka.

HIBRU 5:12

Nea athângheh phumma ahethôte lândangroh dângmin wah - rohkomin nema athâng hehmin khebeng thôan Joban nginkongpa nenâng hethôte lemeken. Nema phhekchhah cheh akâng heh phhekchhah thiek pa athângheh min nyuhpoti lekjok eken.

1 PITER 4:11

Henhenma ngin phoangthô eka ereheh memin Joban nginkongsen pa chenphoang thôa; ngale mihnâng chohsokte hehmemin Joban ma kohthen chaan junma chohsû en, eroh medang enkoba Jisu Krista junma chentô ngema Joban mîn edonga, chenrãngma ngako, ate jôba mîndông chohte ngale roantang roangjêng rãng chaan ahang demnâng tongeka. Amen.

LOATKHESOK 19:10

Ngama atenâng soamtô rãng ate dathongko khupjup wah, rohkomin atema Nganâng ngatwah, “Aroh nekmo! Ngamin nang rãngrãng erediko putedâlemte mihnyan ahan, ngale Jisu ma loatsiet eka hehnâng toangtangko rongtêngtêng danglahma tôngte heh rãngrãng haa jôba. Joban nângba soamtô o!” Chenrãngma ngako, Jisu ma loatsiet eka toangtang junma Mõng heh Joban ngin phoangthô rãng chaan choh eka.

LOATKHESOK 22:6

Erediko ngintatte pumma Nganâng ngatwah, “Are jabkhab heh toangtang ngale dâlemli. Ngale Mõng hehnâng ate Ju kohte Teso Joban ma, ate ngintatte pa ate haa hehnâng sitsiak chenni dângwângmin a ereheh khesokrãng chienkatwah.”