ROMAN HEHNÂNG POLMA RAANGWAH SITI 2:7 - NIEMNYAN Naga NT (BSI)

⁷ Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

ROMAN HEHNÂNG POLMA RAANGWAH SITI 2:7 Iomraidhean Croise

MATHIU 25:46

Ereheh roantang roanjêng chêmchoh thinnâng chienkatmin, phumma toangtang heh roantang roanjêng roandông chohthin nâng wângthukmin.”

LUK MA RAANGWAH NGINKONGSEN 21:19

Putedâlem nâng rõngtângtâng dangen, erohkoba nedede eta pesietrii en.

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

JON MA RAANGWAH NGINKONGSEN 4:36

Chhah khôankhente hehnâng dekbithã kohmin, ngale atema roantang roanjêng roandông rãng khôanthien eka; erohwah akhiette le khôankhente nii aroamma khuhah nâhah edanga.

JON MA RAANGWAH NGINKONGSEN 5:44

Nema wathema wathe rângthômin hun eken, rohkomin nema wanthe lolo Joban pumma rângthô pa hunmet; eroh medang enko nema nganâng chenroh ejien putedâlem ha?

ROMAN HEHNÂNG POLMA RAANGWAH SITI 2:10

Rohkomin henhenma asenli moeka erehehnâng Joban ma mîndông, choangpe, ngale mêmo ekoh a, khebengko Jews heh erediko Jews ledangte hehnâng ekoh a.

ROMAN HEHNÂNG POLMA RAANGWAH SITI 6:23

Chenrãngma ngako, pap dekbi thãpa - rit; rohkomin Joban ma thãhoma hînhô kohehi pa nãng Teso Jisu Krista demnâng roamlihma roantang roanjêng ahîn roandông choheki.

ROMAN HEHNÂNG POLMA RAANGWAH SITI 8:18

Ngama jet ekang, athâng hehwah nãng chêm ekipa khediwah nãngma mîndông chohthin demko tâthakmîn thin dangmah.

ROMAN HEHNÂNG POLMA RAANGWAH SITI 9:23

Ngale Joban ma ate mîndong pa khesok huneka, ere mîndong pa Joban ma ate ngewah mînchen chohte heh khohnâng koheka. Ngale Joban ma ere mîndong pa chohrãngma nãngkhu khoakhem ehi.

1 KORINT 15:42

Phumma chenthu ritte heh mengakhin tahko aroh dângmin. Chenthu phoangpa hahkenko binkat ekia, ere phoangpa amah sânjâ phoang binkat eki; phumma chenthu mengakhin tahko ere phoangpa lemah chhihjâ tuli phoang ngakhin eka.

1 KORINT 15:50

Ngalemruchha heh, ngama ngaekang pa dangeka, hei angem junma Joban Hahsông pa leta chohmin, ngale amahritthin phoang pumma lemah riithin phoangpa tachohmah.

1 KORINT 15:58

Erohwah, ngalemruchha heh, rongtêngtêng dangen, ngale nehung pa chenni mejô nekchen phongsiet ehèn. Roantangma Teso moatlem nâng hungkoh letma mo en, chenrãngma ngako nemajet, nema Teso moatlem moeken pa chenthumin mahto nâng dangmah.

GALATIEN 6:9

Erohwah kaamsen moatnâng nekboan eki; chenrãngma ngako nãngma lejek thangma memo eko, erethã roantang roanjêng khope choh sanpoat pa ehûra.

IFISIEN 6:24

Joban wah mînchenchaan pa henhenma nãng Teso Jisu Krista nâng leta mahli hunma huneka ereheh nâng chentonga.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

1 TIMOTHI 1:17

Roantang roanjêng Lowang, chenthumin leriite ngale mitma lekheli wathelolo Joban - atemîn lolo jôba roantang roanjêng rãngma dongsiet lihma toak asân e! Amen.

2 TIMOTHI 1:10

Rohkomin are mînchenchaan pa nãng Pângte Jisu Krista kalahma khesok ehi. Atema arit chaanpa mahsiet eka ngale nginkongsen junma chenthumin leriitu roandông loatkhesok ehi.

HIBRU 2:7

Nangma thin a rangwah Joban ngintatte heh nomemin poatthe chharãng arin hôan eko; rohkomin nangma thinmîn dongsiet lohma khoakhem ekopa khophok rãngrãng phokthuk wakeko,

HIBRU 6:12

Nima nekhua ajõ dâng hunmah, rohkomin putedâlem lahma hung tâmôngloatte dangen ngama huneka, ngale eroh moletma Joban ma toamsem tahpa choh en.

HIBRU 6:15

Abraham ma hungmongsiet lahma bemwah, erohwah Joban ma chenni toamsem tah a epa atema chohwah.

1 JON 2:25

Ngale erepa Krista ate dedema nãngnâng kohrãng toamsêm wah - erepa roantang roanjêng roandông kohrãng toamsêm wah.