ROMAN HEHNÂNG POLMA RAANGWAH SITI 2:4 - NIEMNYAN Naga NT (BSI)

⁴ Ba nema atewah adongthôan mînchen, atâdô, ngale hungmông heh lekep dangthem eken. Linlinko nema Joban mînchenchhan pa jetmin, chenrãngma ngako atema nehung litthuk hun ehèn.

ROMAN HEHNÂNG POLMA RAANGWAH SITI 2:4 Iomraidhean Croise

ROMAN HEHNÂNG POLMA RAANGWAH SITI 10:12

Arepa chentô rãngma ngaeka, chenrãngma ngako, Jews ngale Jews ledangte heh phangtang mãnthe; Joban pa anga ngarãng Teso tuta ngale henhenma atenâng rooeka ereheh phangtang nâng atema ajahthem rangkoh eka.

ROMAN HEHNÂNG POLMA RAANGWAH SITI 11:22

Are junko nãngma Joban pa nyahrãng mînchênte ngale nyahrãng rinkhahchaan ngama khe eki. Atea achhih nâng jâritte heh demnâng nyahrãng rinkhah lahma kheki, rohkomin nenâng mînchen ehèn - roantangma ate mînchen demkojû metong enko. Rohkomin ate mînchen demko ledang medang enko, nemin echhihjâ en.

ROMAN HEHNÂNG POLMA RAANGWAH SITI 11:33

Joban pa chentô techhua! Ate buthi mongthem ngale jet ajien pa chentôlûa! Joban ma themawa ekapa henma tâjienthômin a? Ngale ate lempa henma tâjetloat min a?

ROMAN HEHNÂNG POLMA RAANGWAH SITI 3:25

Joban ma Jisu Krista ritphe thukwah, erohwah ate hei junko ngale mihnyan hehma atenâng putedâlem junko mihnyan heh pap map choh eka. Joban ma aroh moeka pa atea toangtang ngama khesok rãng moeka. Amako atema hungmông sietrii lahma mihnyan hehnâng thinpap junko lechêmthuk dângwah; phumma athângheh sanpoat komin Joban ma ate toangtangpa jienkhesok rãngma thinpap heh mapkoh eka. Aroh Joban ma ate toangtang pa khesok eka, rohkomin henhenma Jisu nâng putedâlem eka heh loloba toangtang dangthuk eka.

ROMAN HEHNÂNG POLMA RAANGWAH SITI 6:1

Eroh medang ako nãngma chenni ngaea? Joban wah mînchenchaan pa ajah chenchoh e ngama papkaam molihmejû tongea?

ROMAN HEHNÂNG POLMA RAANGWAH SITI 6:15

Eroh medang ako chennire min a? Nãngma pap moea, chenrãngma ngako nãnga niemarang khennâng dangmih, Joban mînchenchaan khennâng songeki? Erohmin jienmo mih!

2 KORINT 8:2

Thin khohnâng nyahrãng chêmchhih hûlahma thinhung thattôan wah. Rohkomin thin a nyahrãng tangchhihjô medang akomin, thin a nyahrãng khuhah nâhah dângwah, ngale thin a nyahrãng chhahme dângwah.

IFISIEN 1:18

Nema Joban wenphiak pa jienchoh kherãng nekhu hungrin chenlaang kohhèn ngama Joban nâng rosep ekang, erohkoba nema chenni nâng dâlemrãng atema rooehèn a erepa nema etajet en. Joban ma atenâng putedâlemte mihnyan hehnâng rangkohmin ngama toamsem tahpa chentô chhu a ngale chentôsên a,

IFISIEN 1:7

Chenrãngma ngako Krista hei junma nãngpap khenwah loatsiet ehi, ngale nãngpap heh mapkoh ehi. Joban mînchenchaan pa chentô dônga,

IFISIEN 2:4

Rohkomin Joban mînchen pa ajah, ngale ate hun achet pa adong,

IFISIEN 2:7

Atema are moeka pa, ahokmin sanpoat roakweih Jisu Krista junma atema nãngnâng ate mînchenchaan ngale hun achet pa atâthakli ledang dông tonga, ngama khesokrãng moeka.

IFISIEN 3:16

Ngama Joban ngewah thaekang, ate ngewah leta thôanli mîndong eka Juchaan junma ne Ju nângmin chaan chenkohhèn,

IFISIEN 3:8

Chentô Joban mihnyan khuchhang wah rinthôan nomemin nga jôba rinthôan; rohkomin Jews ledangte hehnâng leta thôanli Krista Nginkongsen pa thôchhoan kohrãng nganâng koh ehang,

FILIPIEN 4:19

Ngale Jisu Krista junma atea techhu danglahma Nga Joban ma nekhu nâng nema chentô lemeken a ereheh phangtang ekohhèn.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

KOLOSIEN 2:2

Ngama arepa thin hungdong rindong danglahma hun achetmîn chenrewak a ngama moekang, erohkoba thinma toangtangma jetlahma senthemthem eta putedâlem wak a. Eroh koba thinma Joban wah patritli nginpa eta jet a, ere patritli nginpa Krista ngin.

1 TIMOTHI 1:16

Rohkomin Joban ma Nganâng nyahrãng mînchen ehang, erepa Nga a papi thôanjô medang angkomin Krista ma ate hung pa nyahrãng môngsiet lahma Nganâng mînchen pa khesok ehang, erepa khedi wah atenâng putedâlem lahma roantang roanjêng roandông chohte mihnyan hehma jetrãngma khesok eka.

1 TIMOTHI 6:17

Are hahtokkhoh roandông kowah ngun akem ngale chhahkhem ngenâng techhu dângte hehnâng lengamrii rãng thôkoh, ngale thin ngun akem le chhû alû hehnâng nekchen dâlem wakeka, rohkomin nyahrãng chhahme danglahma nãngnâng khuhah nâhah tongrãng chentôpa chohkohte Joban nânglolo chen dâlem wak a.

1 PITER 3:20

Are Ju heh dangeka, Noa ma khôankho tâhôan pa Joban ma hungmôngmông danglahma bêmpoatko Joban nginlekep dangtah ju heh. Khôankho ko mihnyan amãnchha - chentô tungko waeset lolo dângwah - ereheh ba jodôngma lûmko leritphe bâwah,

2 PITER 1:11

Eroh koba nenâng nãng Teso ngale Pângte jisu Krista roantang roanjêng Hahsông thenâng tâwâng rãng chaan ekohhèn.

2 PITER 3:15

Arepa nehung nâng thien en, nãng Teso ma ate hung môngsiet lahma tongeka pa nãngkhu kho chenmam pe e ngama môngtong eka. Are nginpa nãngma nyahrãng ahun nãng lemruchha Pol nâng Joban ma buthi mongthemsen heh kohjunko atema nenâng siti nâng raangthen.

2 PITER 3:3

Khebeng thôanko nema arepa jet en, athôan rangkuh sanhako mihnyan hehma thindede hung arinma chenni huneka ereheh lolo emowak a. Ngale thinma nenângmin dûmmek jôjêm erehèn

2 PITER 3:9

Wanwanthe ma thonghun eka rãngrãng, atema moatrãng toamsem tah pa Teso ma lemoma lekthien dangmah. Erenoma, ate hungpa nedemnâng môngsiet lahma tongeka, chenrãngma ngako atema henjô chhihsiet hunmah, anga nga papwah hunglit lahma chenngak hûra ngama huneka.

LOATKHESOK 2:21

Ngama atenâng ate pap wah hung ngaklitrãng sanpoat kohtek, rohkomin atema kaamchhih moatwah jekpa hunmah.

LOATKHESOK 3:20

Tattan en! Nga kâsekthong ko cheplekma kâsekko rahkong ekang; henma komin Ngaroat tatlahma kâsekpa melaang ako, Nga thinhum khennâng wãnglekma thin demnâng ejoh phhekchhah wãngang, ngale thinmin Nga demnâng ejoh phhekchhah hang.