ROMAN HEHNÂNG POLMA RAANGWAH SITI 2:16 - NIEMNYAN Naga NT (BSI)

¹⁶ Ngale, Ngama thôekãng Nginkongsen junko, chenthu Jisu Krista junma Joban ma mihnyan hungkhen nâng huhthonghun eka heh rênjâ Rangwo ko eroh dângmin.

ROMAN HEHNÂNG POLMA RAANGWAH SITI 2:16 Iomraidhean Croise

MATHIU 16:27

Chen-rãngma ngako, Mihnyan Chhapa ate Wa chaan keplahma rangkhethung wah ngintatte heh demnâng ekara, ngale erediko anga nganâng mâmâ moatlem junko atema thã ekoh a.

LUK MA RAANGWAH NGINKONGSEN 8:17

“Chenni komin huhriem rekapa loatsiet rêmin, ngale chenni komin huhriem lahma thien ekapa rangwo nâng loatsietmin.

JON MA RAANGWAH NGINKONGSEN 12:48

Henhenma nganâng lepute dâlemte ngale nga nginlekep dangeka ereheh nâng achhih ngate tonga. Ngama jabekang jabkhab pumma athôan jâko thinnâng achhih engawak a!

MOATLEM 10:42

Ngale atema ninâng nginkongsen pa mihnyan hehnâng phoangthô chhoankoh en ngama chien ehi ngale Joban ma atenâng ahînte ngale aritte heh rênrãng thieneka ngama thôchhoan kohrãng chien ehi.

MOATLEM 17:31

Ade phumma atema renlahma thieneka mihnyan pumma hahtokkhoh pa toangtangma rênrãngma rangwo kahtok lahma thieneka. Are nginpa linlin ngama chentô nâng jetthuk rãng atema ere mihnyan pa ritwah ngakhinthuk lahma khesok eka!”

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

ROMAN HEHNÂNG POLMA RAANGWAH SITI 2:5

Rohkomin nehung pa nyahrãng hungcheh, erohwah nema Joban rinkhah ngale toangtangma ren Rangwo hongkat jâko nema chohmin nechêm pa jêngjah jahsiet reken.

ROMAN HEHNÂNG POLMA RAANGWAH SITI 3:6

Eroh jiendangmah! Joban pa toangtang ledang kako, atema hahtokkhoh pa chenroh jienrênmin a?

1 KORINT 15:1

Ngalemruchha heh, ade dangeka, ngama nenâng Nginkongsen thôko tahpa nema kepletma ere khohko ne putedâlem pa rongtêngtêng dangeken junma chhêmthôkoh huneka.

1 KORINT 4:5

Erohwah nekhu memin sanpoat pa mahûhûko hennâng min athe neknga en. Alinlin athe ngama loatrãng Teso katpa bemlâ mêngmin; rangnyek khennâng huhthientah heh khohko atema wenphiak pumma ephiakthuk a, ngale mihnyan heh hung khennâng huhthem awa tahheh atema eloatsiet a. Ngale erediko anga ngama Joban wah chenroh rô chohthin a erepa echohwak a.

2 KORINT 5:10

Chenrãngma ngako nãngkhu phangtang Krista mathahko atema rênrãngma chepmin. Nãng hei angem roandông poatko henma chenroh motih a erejunko chohmin, asen medang akomin, achhih medang akomin, erejunko anga ngama chohmin.

GALATIEN 1:11

Ngalemruchha heh, Ngama nenâng are Nginkongsen thôkoh ekapa mihnyan nyuchha ma hôanwah dangmah.

1 TIMOTHI 1:11

Are hethôehi nginpa Joban ma Nganâng thôthukthang nginkongsen kowah choheki, are adongthôan Nginkongsen pa rangkohte Joban ma kohehi.

2 TIMOTHI 2:8

Aritwah ngakhînte Jisu Krista nâng thonghun o, atea Devit chha dângwah, ngale are nginpa Ngama Phoangthôkoh ekang Nginkongsen ko hethô ekang.

2 TIMOTHI 4:1

Ahînte mihnyan ngale riichoante heh rênte Joban ngale Jisu Krista mathahko Ngama nangnâng chien eki, chenrãngma ngako atema Lowang danglahma pênrãng kaera

2 TIMOTHI 4:8

Ngale ade phumma Ngarãngma ajienthã khaphok pa thienko lahma tonga, erepa Nga a Joban demnâng toangtang dângdi echoh ang, ngale erepa Teso ma mihnyan heh toangtangma rênjâ rangwo ko Nganâng ekohhang - ngale Nganâng lolo ledang, ate ngakkat pa nyahrãng hunlahma bemlâte chentô nângmin ekoh a.

HIBRU 9:27

Anga nga metkep rekru rit rêmin, ngale erediko Joban ma achhih asen pa erenhi.

1 PITER 4:5

Rohkomin ahînthu mihnyan ngale riichoante mihnyan heh rênte Joban nâng thinmemin thindede moatlem chenroh motah a erepa ekhesok a.

2 PITER 2:9

Ngale mihnyansen heh chêmchoh eka kowah chenroh pesietmin a ere pemin Joban ma ajet, ngale mihnyan chhih hehma thin Rên Rangwojâ bêmlâ poatko chenroh chêmthukmin a ere pemin ajet,