ROMAN HEHNÂNG POLMA RAANGWAH SITI 2:13 - NIEMNYAN Naga NT (BSI)

¹³ Chenrãngma ngako Niemarang pa atatlolo tatrãngma mihnyan pa Joban demnâng toangtang jiendangmah, Niemarang pumma chenroh ngaeka ererãngrãng moatte peba toangtang tâdângmin.

ROMAN HEHNÂNG POLMA RAANGWAH SITI 2:13 Iomraidhean Croise

LUK MA RAANGWAH NGINKONGSEN 18:14

Jisu ma ngatwah, “Ngama nenâng thôkoh eka, Farasi noma thãkho thâte pa Joban wah rangkep lahma ate humnâng ngakchhoanwah. Chenrãngma ngako henhen atedede dong sietrii eka erepa arînsiet rêmin, ngale henhen atedede arin dangrii eka erepa dôngsiet rêmin.”

LUK MA RAANGWAH NGINKONGSEN 8:21

Jisu ma thinkhunâng ngatwah, “Henhenma Joban jabkhab tatlahma senthemthem kep eka ereheh ba nga nyong ngale nganaa.”

JON MA RAANGWAH NGINKONGSEN 13:17

Athângheh nema are toangtang pa lâjettet, phumma nema ererãngrãng memo enko chentôsên dângmin a!

ROMAN HEHNÂNG POLMA RAANGWAH SITI 10:5

Mosa ma Niemarang pa keplihma Joban demnâng toangtang dângmin ngama raangwah: “Henhenma Niemarang hôkum pa kepeka ereheh hînmin.”

ROMAN HEHNÂNG POLMA RAANGWAH SITI 2:25

Nema Niemarang pa mekep enko, khoankhen niem hôan ekenpa mahto ledangmin; rohkomin nema Niemarang pa lekep medang enko, nea chenthujô khoankhen niem mathat hôanwah rãngrãng jôba edangen.

ROMAN HEHNÂNG POLMA RAANGWAH SITI 3:20

Chenrãng-ma ngako Niemarang pumma chenni ngaeka ereheh molihma henmin Joban mitsokko toangtang tadangmih; Niemarang pumma nãngma papkaam lâmotih ngama khesok rãngba moeka.

ROMAN HEHNÂNG POLMA RAANGWAH SITI 3:23

anga nga papi tuta, ngale erohwah hennâng min Joban wah khope chaanpa aho.

ROMAN HEHNÂNG POLMA RAANGWAH SITI 3:30

Joban pa wathe jôba, ngale Joban ma Jews heh thin putedâlem junko ate demnâng toangtang edangthuk a, ngale Jews ledangte hehmin thin putedâlem junko jôba Joban ma ate demnâng toangtang edangthuk a.

1 KORINT 4:4

Ngahung ngarin pa sâpoangpoang, rohkomin erejunko nga a linlinjô chenni nângjô themek tangamek. Teso meba nganâng athe ngama tanga hang.

GALATIEN 2:16

Nãngma ajet mihnyan pa Jisu Krista nâng putedâlem junko lolo jôba Joban demnâng toangtang tadang eki, Niemarang ma chenni huneka erepa moatjunma toangtang tadangmih. Nimemin Jisu Krista junma Joban demnâng toangtang tâdângrãng Jisu Krista nâng putedâlem eki, ngale Niemarang ma chenni huneka erejunma toangtang dâng dangmih. Chenrãngma ngako Niemarang ma chenni huneka erepa molahma henmin Joban demnâng toangtang tadangmah.

GALATIEN 5:4

Nekhuwah henhenma Niemarang pa kepletma Joban demnâng toangtang tâdâng hun eken a, ereheh Krista demwah taangmin eka. Ngale nekhua Joban mînchenchaan khennâng dangmet.

JEMS 1:27

Joban Wama Asâ ngale Alinlin Joban nâng soam atôte pa are hehnângba ngaeka: janthoichha hehnâng sok arête ngale janthoinyu heh chêmcheiko chohsokte, ngale are hahtokkhoh wah achhih hehnâng lechhihsietrii tôngte hehnângba ngaeka.

1 JON 2:29

Nema Krista pa toangtang ngama ajet; ngale nema are pemin jet en, henma akomin kaamsen moeka atea Joban chha.

1 JON 3:7

Ngachhu Ngachha heh, nekhu hennângjô nekdiap chhahrii en! Henhenma kaamsen moeka ereheh Krista rãngrãng thinmin toangtang mihnyan.