ROMAN HEHNÂNG POLMA RAANGWAH SITI 15:8 - NIEMNYAN Naga NT (BSI)

⁸ Chenrãngma ngako, ngama nenâng thôkoh eka, Krista ma ate roandôngpa haa rãngrãng danglahma Jews heh khoakhêmrãng katwah, erepa Joban ma thin te awa heh demnâng toamsem tah pa linlin lâdang katha ngama khesokrãng moatwah,

ROMAN HEHNÂNG POLMA RAANGWAH SITI 15:8 Iomraidhean Croise

MATHIU 15:24

Ephumma Jisu ma dânthâng wah, “Nga a amahkhôamte saak rãngrãng Isrial mihnyan mahhâm eka heh tânâng loloba chienkat ehang”

MATHIU 20:28

Mihnyan Chha pemin mihnyan hehma atenâng khoakhêm rãng katwah dangmah, atema mihnâng khoakhêm rãng ngale ate roandông pa kohlahma ajahthem mihnyan heh pêsietrãng katwah.”

JON MA RAANGWAH NGINKONGSEN 1:11

Atea ate dede diakko katwah, rohkomin ate mihnyan hehma ate kepmah.

JON MA RAANGWAH NGINKONGSEN 10:16

Are saak chhangko ledangte ngasaak ahan nângmin tonga. Ngama erehehmin metkep siethokmin; thinmemin nga kahra tatlahma saaksokte wanthe khennâng khuthe dângtumin.

MOATLEM 13:46

Rohkomin Pol le Barnabas niima lechei thangma jêngjah jâhthô thôkoh wah: “Khebeng thôanko Joban jabkhab pa nenâng bengthôkoh pa alemthôan dângwah. Rohkomin nema erepa lekep dâng phumma, ngale roantang roanjêng roandông lehun dâng phumma, nima nenâng lethôkoh thangma Jews ledangte hehnâng thôhûkoh eki.

ROMAN HEHNÂNG POLMA RAANGWAH SITI 11:22

Are junko nãngma Joban pa nyahrãng mînchênte ngale nyahrãng rinkhahchaan ngama khe eki. Atea achhih nâng jâritte heh demnâng nyahrãng rinkhah lahma kheki, rohkomin nenâng mînchen ehèn - roantangma ate mînchen demkojû metong enko. Rohkomin ate mînchen demko ledang medang enko, nemin echhihjâ en.

ROMAN HEHNÂNG POLMA RAANGWAH SITI 11:30

Ne Jews ledangte hehma khemako Joban ngin lekepwah; rohkomin athângheh nema Joban wah mînchen lâchohtet, chenrãngma ngako Jews hehma Joban ngin kepmah.

ROMAN HEHNÂNG POLMA RAANGWAH SITI 15:16

erepa Jews ledangte heh demnâng moatrãng nga a Jisu Krista haarãng dangthuk ehang. Ngale ngama soam aroakte rãngrãng danglekma Joban wah Nginkongsen pa phoangthô ekang, erepa Jews ledangte hehmin Joban rinmeli joapsoap wah rãngrãng chendanga, ngale Asâthôanju junma Joban moatlem nâng lolo chenkepwak a ngama moekang.

ROMAN HEHNÂNG POLMA RAANGWAH SITI 3:3

Rohkomin khakama toangtangma leputedâlem rãngma chenni dângmin a? Erejunko Joban ma toamhoan tahpa toangtang ledangmin ne?

ROMAN HEHNÂNG POLMA RAANGWAH SITI 4:16

Ngale erohwah putedâlem junko Joban wah toamsem pa choheki, ngale arepa chentô Abraham chhuchha hehma Joban wah thaho hînhô rãngrãng choheki - ngale arepa Niemarang kepte hehnâng lolo ledang, Abraham ma putedâlemtah rãngrãng putedâlemte hehnângmin koheka. Chenrãngma ngako, chentô mihnyan rãngma Abraham pa Ju ngenâng wa;

1 KORINT 1:12

Ngama thôkohtan a: Nekhu anga ngama mâmâ ngingin thôeken. Wathema, “Ngama Pol dijun ekang”; ahan wathema, “Ngama Apolo dijun ekang”; ngale ahan wathema, “Ngama Piter dijun ekang”; ngale ahan wathe memin, “Ngama Krista dijun ekang” ngaeken.

1 KORINT 10:19

Ngama moangachaang ba moangachaang nâng koheka phhekchhah pa chenni komin asen lenga ekanga?

1 KORINT 10:29

erepa nangma thônghun junko dangmah, rohkomin mihhan pumma thonghun eka junko nekchhah. Eroh medang ako, khakama tachhien thêm a, “Ngama thonghun ekangpa mihhan junma chenroh jiendângmin a?

1 KORINT 15:50

Ngalemruchha heh, ngama ngaekang pa dangeka, hei angem junma Joban Hahsông pa leta chohmin, ngale amahritthin phoang pumma lemah riithin phoangpa tachohmah.

2 KORINT 1:20

Chenrãngma Joban ma chentô toamsem eka ereheh nâng atema “Danga” ngama tuta ngaeka. Erohwah Jisu Krista junma Joban mîndôngrãng nãngma “Amen” ngaeki.

IFISIEN 2:12

Ere sanpoatko nea Krista demnâng ledangwah. Nea mihdiak mihnyan rãngrãng dângwah, ngale Joban ma ren eka mihnyan heh demnâng ledang dângwah. Joban ma ate mihnyan hehnâng toamsem lahma kahkhetmin tahko nea lejohroam dângwah, ngale nea are hahtokkhoh ko dâlem thinmin aho ngale Joban min aho songtong letma dângwah.