ROMAN HEHNÂNG POLMA RAANGWAH SITI 14:4 - NIEMNYAN Naga NT (BSI)

⁴ Mihhaa hehnâng athe loatte nea hen a? Thinma tawak ekale tawakmah a ere sokte pa thin Tângtewa etonga. Ngale thinma etawak a, chenrãngma ngako Teso ma thinnâng chohsû lahma etathukwak a.

ROMAN HEHNÂNG POLMA RAANGWAH SITI 14:4 Iomraidhean Croise

MOATLEM 11:17

Nãngma Teso Jisu Krista nâng putedâlem ko chohtih rãngrãng jôba Jews ledangte hehnângmin Joban ma hînhô koheka; phumma Joban nâng jektangte nga hen a!”

ROMAN HEHNÂNG POLMA RAANGWAH SITI 11:23

Ngale Jews hehma leputedâlem dangeka pa mejek ako, thin chenre theko dângtah a eretheko ethe tongthuk a; chenrãngma ngako Joban ma ere pemin tamoa.

ROMAN HEHNÂNG POLMA RAANGWAH SITI 14:3

Rongrup tâphhek tâchhahte mihnyan hehma chenjô lephhek lechhahte komin achhih lengamin; ngale pharu wahra lolo phhekchhahte pummemin rongrup phhekchhate komin athe lengamin; chenrãngma ngako Joban ma ere mihnyan pemin kepeka.

ROMAN HEHNÂNG POLMA RAANGWAH SITI 16:25

Joban mîn dongthuk e! Ngama nenâng Jisu Krista junma Nginkongsen thôkotah junko, ngale ama thuma ajahthem rangpâ rãng toangtang ngin huhriem tahpa loatkhesok junko, atema ne putedâlem pa rongtêngtêng eta dangthuk hèn.

ROMAN HEHNÂNG POLMA RAANGWAH SITI 9:20

Rohkomin, ngalemruchha heh, nema Joban nâng aroh ngakdânthang rãng nea hen a? Hahtit pumma ate hôante ko, “Nangma nga chenrãngma aroh hôan ehanga ngama chenthumin ngamah?”

HIBRU 7:25

Ngale erohwah henhen ate junma Joban tânâng hûeka ereheh atema athâng hehmin ngale roantangma eta pesiet a, chenrãngma ngako atema Joban nâng thinrãngma roatsep kohrãng roantang roangjêng rãng hin eka.

1 PITER 1:5

Ereheh nekhurãng, nekhu putedâlem junko athôan sanpoatko khope chohrãng Joban chaanma pepâng lahma thien ehèn.

JUD MA RAANGWAH SITI 1:24

Nekhu papnâng jâritwah tâpesiette, ngale ate tânâng sâpoangpoang tâsiet wênte, erediko ate aphiakthôan mathahko nekhu lethe thangma khuhah nâhah tâdângthukte Joban nâng-