ROMAN HEHNÂNG POLMA RAANGWAH SITI 14:1 - NIEMNYAN Naga NT (BSI)

¹ Henhen putedâlem nâng ane dangeka ere mihnyan hehmin asenma roo en, ngale thin demnâng thinma chenni thonghun eka erejunko nekchhiakmîn en.

ROMAN HEHNÂNG POLMA RAANGWAH SITI 14:1 Iomraidhean Croise

MATHIU 12:20

Atea boan anaa heh demnâng min noapnene, ngale wentitdô rãngrãng dôeka wenpa lemut thukmin. Toangtang pumma mata tajien atema letôanmin,

MATHIU 14:31

Lemlienma Jisu Piter tâko hûka lahma Atenâng lolahma ngatwah, “Nangnâng dâlem pa atôrîn ne! chenrãngma rinsamtoh a?”

MATHIU 18:10

“Jetletma dangen, nema are arinchha thôan hehnângmin thã nekjõ en. Ngama nenâng thôkoh eka, thin nângmin rangkhethung nâng thin ngintatte tonga, ereheh rangkhethung wah nga Wa Joban demko roantangma johtong eka.

MAK MA RAANGWAH NGINKONGSEN 7:19

Chenrãngma ngako erepa nehung khennâng kat dangmah, erepa wokkhen nâng kalahma ngakloatchhoan eka.” (Jisu ma, are ngaeka pa, chentô phhekchhah pa tâphhek tâchhahmin, ngama ngaeka.)

LUK MA RAANGWAH NGINKONGSEN 17:2

Are chentô noma arinthôan mihnyan hehwah wathe pap dângthuk noma ate bohko longdong khhek lahma josiko mejâtoakka akoba ate rãngma asen edanga.

JON MA RAANGWAH NGINKONGSEN 13:20

Ngama toangtang thôkoh eka: Henma komin ngama chienchhoan ekang mihnyan pa metãngroo ako erepa nga tãngroo ehang; ngale henhenma nga tãngroo ehanga erepa ngachien katte pemin tãngroo eka.”

MOATLEM 28:2

Ere hahwah mihnyan heh nidemnâng nyahrãng asen dângwah. Phumma rangpat hongpat lahma rangchhông dângwah, erohwah thinma wenthhek lahma ninâng wenko tôngrãng roowah.

ROMAN HEHNÂNG POLMA RAANGWAH SITI 11:15

Chenrãngma ngako chenthu Joban ma thin thînphe phumma, mihnyan ahan heh phangtang Joban demnâng ran rãngrãng dangtahpa Joban lemruchha rãng litdangtu eka. Eroh medang ako, chenthu Joban ma thin mengak keptahko chenroh dângmin a? Eroh medang ako mihnyan hehma rit dikomin roandông echoh a!

ROMAN HEHNÂNG POLMA RAANGWAH SITI 14:2

Wawathe mihnyan hehnâng thin putedâlem junko chentôpa phhekchhah eka, rohkomin henhen pa putedâlem nâng ane a erehehma pharu wahra lolo phhek eka.

ROMAN HEHNÂNG POLMA RAANGWAH SITI 14:21

Apunthôan pa ngem lephhek, khem lejok, ngale Joban nâng putedâlemte mihnyan heh chhih nâng jâritli moatlem heh chenjô lemo medang eko asenthôan dângmin.

ROMAN HEHNÂNG POLMA RAANGWAH SITI 14:3

Rongrup tâphhek tâchhahte mihnyan hehma chenjô lephhek lechhahte komin achhih lengamin; ngale pharu wahra lolo phhekchhahte pummemin rongrup phhekchhate komin athe lengamin; chenrãngma ngako Joban ma ere mihnyan pemin kepeka.

ROMAN HEHNÂNG POLMA RAANGWAH SITI 15:1

Nãngkhuwah henpa putedâlem nâng rongtêngtêng dangekia, erehehma putedâlem nâng anete hehwah hênlih pa chohhênmin. Nãngma nãngdede lolo rinme lethonghun min.

ROMAN HEHNÂNG POLMA RAANGWAH SITI 15:7

Jisu Krista ma nenâng chenroh hun ehèn a ererãngrãng, nekhumin Joban mîndông rãngma, wathema wathe nâng hun achhâmin en.

ROMAN HEHNÂNG POLMA RAANGWAH SITI 4:19

Ere sanpoatko ate châthe rangpâ dangnemnem dângwah; rohkomin ate sekko thakritko riichoan thãthãjô medang akomin, ngale linlin Sara min chhaho jatjô medang akomin ereheh thonghun lahma atewah putedâlem pa mahho.

1 KORINT 9:22

Putedâlem nâng arinte heh demnâng moatpoatko, thin tâsiethok rãngma ngamin thin rãngrãngjô johdang ekang. Erohwah, ngama chenni lemkhô mekomin thinkho tâpesiet rãng ngama nga chentô mihnyan heh demnâng thinrãngrãng tutajô johdang ekang.

FILIPIEN 2:29

Erohwah, Teso nâng putedâlemte rãngrãng ate khuhah nâhah tãngroo en. Ngale ate rãngrãng mihnyan heh chentô nâng eroh hun achhâ en,

1 THISALONIKA 5:14

Lemruchha heh, nima nekhu nâng rosep eka, ajõ hehnâng ritngat re en, chephoat heh hung dongsiet en, aboan anaa hehnâng chohsû en, ngale chentô demnâng hungmông sietletma tongen.

HIBRU 5:14

Phumma phhekchhah cheh akâng heh dangeka phannang hehma phhekchhah eka, ngale erehehma chenpa chhih a ngale chenpa asen a erepemin jienjetlo wakeka.

2 JON 1:10

Erohwah, hen akomin netânâng are ngin heh lekep thangma mehûreko, ere mihnyan heh ne humnâng nekhûthuk en; ngale, “arânjô nekrânjab en.”