ROMAN HEHNÂNG POLMA RAANGWAH SITI 13:13 - NIEMNYAN Naga NT (BSI)

¹³ Rangwo sanphiak nâng sôngte mihnyan heh rãngrãng senthemthem dange - kuhhôan lihma bôang aloam, khemjok lihma mok alek, dihiak dela kaamchhih mo, achhihli heh, mên ahiet, ngale chhahnyoak, ngale phetwanmîn heh jekre e.

ROMAN HEHNÂNG POLMA RAANGWAH SITI 13:13 Iomraidhean Croise

GALATIEN 5:21

chhahnyoak, khemmok chempa, kuhhoan lahma jokphhek chhah, ngale arerãngrãng lihân hehmin ephoang mowak a. Amawah rãngrãng ngama nenâng athâng hehmin thôkoh eka: henhenma arerãngrãng moatlem heh moeka erehehma Joban Hahsông pa leta chohmin.

IFISIEN 5:18

Khemjok letma nekmok en, erepumma ne chhihsiet ba ere hèn; erenoma Joban Ju mênchong dangletma tongen.

1 THISALONIKA 4:12

Eroh dangletma mesong metong enkoba Joban nâng lepute dâlemte mihnyan hehma nenâng edâlem hèn ngale neran echeiwak a, ngale nema chenni lemeken a ereheh rãngmemin mihnâng ledâlem etadangen.

1 JON 2:6

ngale nãngma nãnga Joban demnâng aroam mejôba dangeki mengaeko, nãngmin Jisu Krista ma chenroh motah a ererãngrãng sôngtôngmin.

IFISIEN 5:15

Erohwah jetletma songtongen. Aba rãngrãng nekdangen, chhin achhiak heh rãngrãng dangen.

1 THISALONIKA 2:12

Nima nehung dongsiet eka, ngale senthuk eka, ngale neroandôngko Joban rinmeli dangletma songtongen ngama rosep eka, chenrãngma ngako, Joban ma ate Hahsông theko ate mîndôngko johroamrãng nekhu nâng rooehèn.

LUK MA RAANGWAH NGINKONGSEN 21:34

“Jetletma dangen, ngale jokphhek chhah, erediko are hahtokkhoh roandông rãng sekmah patritjû nekdangen, eroh medang enko ere rangwo pumma lemlienma

1 THISALONIKA 5:17

Sanpoat roakweih rangsoam en,

FILIPIEN 1:27

Ngale ade dangeka, chentô noma alemli thôan pa, nekhu roandôngpa Krista nginkongsen ma chenroh huneka ererãngrãng dangen, erohkoba Nga nekhu tânâng lehûrâng komin, ba mehûrâng komin, ngama nekhu hung jutletma mãntheko rongtêngtêng putedâlem eken, erediko aroamma nginkongsen rãngma roamlatrii eken ngama etat ang.

JUD MA RAANGWAH SITI 1:23

ngale mihheh wenwah chaanma pêngletma pesiet en; ngale mînchen demko cheimin johkhesok en. Rohkomin thinpap ma ngeksiet wah khetngek hehnâng ba chinnya en.

2 JON 1:4

Wama nãngkhu nâng thôkohthi rãngrãng nekhu chhuchha heh toangtangma sôngtông pa khelekma Nga nyahrãng khuhah ekang.

JEMS 4:5

Nekthonghun en Joban nyapraangma ngaeka pa toangtang dangmah ngama, Joban nyapraangma aroh ngaeka, “Joban ma nãng khennâng thienkoh ehi Ju pumma nãngnâng nyahrãng hun ehi.”

KOLOSIEN 3:5

Erohwah nema nehung khenwah chentô achhih heh ritphe en, dihiak dela kaamchhih moat, lihân kaamchhih heh, dihiak nâng phetwân, hungnâng achhih thônghun, ngale chhahnyoak (Chhahnyoak pa moangachaang nâng soamtô nâng ngaeka).

KOLOSIEN 1:10

Erediko ba Teso ma chenroh huneka eroh eta songtongen, ngale ate rinmeli etamo en. Ngale ne roandôngko rongrup moatlemsen heh etamo en, ngale nema Joban jetletma ejien songtongen.

FILIPIEN 2:3

Chenni min mâmâ dede mînsênrãng ngama thonghun letma nekmo en, wathema wathe demnâng numnene dangen, ngale roantangma nedede noma mihhan ba asen ngama thonghun en.

IFISIEN 5:8

Nekhu dedemin rangnyek khenâng dângwah, rohkomin nekhua Teso mihnyan rãng dâng phumma, nea wenphiak nâng lâdang tutet. Erohwah nekhumin wenphiak nâng sôngtôngte mihnyan rãngrãng dangletma songtongen,

IFISIEN 4:17

Erohwah Ngama Teso mînko nekhu nâng rîn akhah eka: Joban nâng lepute dâlemte mihnyan heh rãngrãng nekdangen, thinma ledangli heh thonghun eka

IFISIEN 4:1

Erohwah, Ngama nenâng rosep eka - Ngama Teso nâng soam atôdi Nga phâtek nâng khhekthien ehang: Joban ma nea chenroh sôngtôngrãng rooehèn a eroh songtongen.

GALATIEN 5:19

Mihnyan hei angem ma chenni moeka erepa anga ngama ajet. Erepa dihiak dela kaamchhih moat, moatlem chin, ngale lapien.

MOATLEM 2:15

Nema thonghun eken rãngrãng, are mihnyan heh khemjok lahma mok dangmah, athângheh rangkhah wanekhu sanpoat bengdang.

LUK MA RAANGWAH NGINKONGSEN 16:19

“Rekthenâng techhuwa wathema nyahrãng thãchaan khet akhu heh kep ngale rangwo roakweih chenmin lethoam thangma songtong lahma dângwah.

LUK MA RAANGWAH NGINKONGSEN 1:6

Atenii wanii niijô Joban mitsokko asen dângwah, ngale Joban Niemarang ngale Hôkum hehmin senthemthem kepwah.

1 KORINT 3:3

Chenrãng-ma ngako, nea athâng hehmin are hahtokkhoh wah mihnyan heh rãngrãng tong eken. Chenthu nekhu tungko phetwânmîn, mere enko, ngale wathema wathe tungko mênmîn mere enko, erejunko nea are hahtokkhoh wah hei angem mihnyan ngale hahtokkhoh hung arin junko songtong eken ngama khesok eka.