ROMAN HEHNÂNG POLMA RAANGWAH SITI 13:12 - NIEMNYAN Naga NT (BSI)

¹² Rangnyek pa lâlien eka, ngale rangwopa lânam hûtha. Erohwah rangnyek nâng moatthin moatlem moatpa jekre e, ngale rangwo nâng loatmînko kepthin ranlông chhahkhem heh kep e.

ROMAN HEHNÂNG POLMA RAANGWAH SITI 13:12 Iomraidhean Croise

ROMAN HEHNÂNG POLMA RAANGWAH SITI 13:14

Rohkomin Teso Jisu Krista ranlông chhahkhem heh kep e, ngale ne hei angem rinme thukrãng nehung pumma kaamchhih moat huneka hehwah jekre en.

1 KORINT 10:11

Are chentô thinseknâng dangtah heh ahan hehma jetrãng dângwah, ngale ereheh nãngnâng jetthukrãng raangthienwah. Chenrãngma ngako nãnga athôan sanpoat pa hokthângko nyan eki.

1 KORINT 7:29

Ngalemruchha heh, ngama ngaekang pa are junmeba ngaekang: Sanpoat pa ajah ahotu, ngale ade phumma tangsông sôngte mihnyan hehmin, tang masongte mihnyan heh rãngrãng edanga;

2 KORINT 10:4

Nima ranloatmînko kepki chhahkhempa hahtokkhoh wah ranlông chhahkhempa dangmah, erepa Joban ngewah ranlông chhahkhem achaanthôan pa kepki, erepumma ran huhtôngthin thechehthôan pa chhihsiet rãng kepeki. Ngale nima ledangli nâng chhiakmîn heh chhihsiet eki;

2 KORINT 6:7

ngale nima toangtang ngin thôeki junko, ngale Joban chaan junma khesok eki. Ninâng toangtang pa ranloat chhahkhem rãngrãng tonghi, erepa nima ranlông rãngmin, ngale nidede khope rãngmin kepeki.

IFISIEN 4:22

Erohwah ne amako chenroh dangtet a ererãngrãng nekdangtu en, amako nang chenroh sôngtông hun eko eroh songtong lohma dângwah - amakowah apãpa hungngek rinngek pumma lâchhihsiet tah.

IFISIEN 5:11

Rangnyek khenwah tôngte mihnyan hehma moeka moatlempa nema nekmo en. Ereheh molihma chenmin asenli chohmih. Erenoma thinmin wenphiak nâng loatsiet katwak en.

IFISIEN 5:8

Nekhu dedemin rangnyek khenâng dângwah, rohkomin nekhua Teso mihnyan rãng dâng phumma, nea wenphiak nâng lâdang tutet. Erohwah nekhumin wenphiak nâng sôngtôngte mihnyan rãngrãng dangletma songtongen,

HIBRU 10:25

Wanwanthe mihhan heh jek eka rãngrãng nãngkhu chohmîn nekjek eki. Erenoma, wathema wathe nâng ajah jahba hungdong sietmîn e, chenrãngma ngako, nemajet, Teso ngakkat Rangwo pa lânam hûtha.

HIBRU 12:1

Nãngkhu rãngma putedâlem ngenâng nãng tumlitko hâkhi hôante mihnyan jahmõang tonga. Erohwah, nãnglem kowah tengbeng thukthin chentôpa rephe e, ngale nãng lephongthuk thangma tângsiette pap hehmin rephe e, ngale nãngma wah nãngrãng thienkoh ehi toatchhoan mîn pa nyahrãng hung arin kohlihma toatchhoan mîn e.

JEMS 1:21

Eroh-wah chentô jatchhih patkhah ngale chentô kaamchhih hehwah ajekre en. Ngale numnene dangletma nehung nâng Joban ma ate jabkhab khietkoh ehènpa kepen, ere jabkhab pumma nekho eta pesiet hèn.

JEMS 5:8

Ererãngrãng nemin hung arin môngmông tongen. Ne dâlem pa senthemthem dangen, chenrãngma ngako Teso ngakkat rangwopa lânamtha.

1 PITER 2:1

Erohwah, nededema chentô achhih hehwah taangen; mothô khoanglep, mihphetwân, erediko mihnâng dûmmek jabkhab heh nekjabtu en.

1 PITER 4:7

Chentô pejô athôan sanpoat pa lâhûtha. Erohwah nedede min hungmông rinmông, ngale jetletma dangen, eroh metong enkoba nema rang ejiensoam en.

2 PITER 3:11

Phumma are chentô heh aroh mechhihsiet ako, nea chenrãngrãng mihnyan dângmin a? Ne roandôngpa Asâthôan dângmin, ngale Joban nâng koh en,

2 PITER 3:9

Wanwanthe ma thonghun eka rãngrãng, atema moatrãng toamsem tah pa Teso ma lemoma lekthien dangmah. Erenoma, ate hungpa nedemnâng môngsiet lahma tongeka, chenrãngma ngako atema henjô chhihsiet hunmah, anga nga papwah hunglit lahma chenngak hûra ngama huneka.

1 JON 2:18

Ngachhu Ngachha heh, athôan sanpoat pa lânam hûtha! Nenâng Krista Ran ehûra ngama thôkotah; ngale athângheh mejô Krista ran ajahthem lâhongtah, ngale erohwah nãngma athôan sanpoat pa lânamtha ngama jeteka.

LOATKHESOK 1:3

Are titab weihte hehma rangkepmin, ngale henhenma are profisi jabkhab pa tatlahma are titab kowah raangeka nginpa kepte hehma rangkepmin! Chenrãngma ngako areheh phangtang hôngdâng wângrãng sanpoat pa lânam hûtha.

LOATKHESOK 22:10

Ngale atema Nganâng ngatwah, “Are titab kowah mõngheh jabkhab pa nek huh thien, chenrãngma ngako, are chentôpa linlin dângwâng rãng sanpoat pa lânam hûtha.