ROMAN HEHNÂNG POLMA RAANGWAH SITI 13:11 - NIEMNYAN Naga NT (BSI)

¹¹ Nema arepa metkeptô moatmin, chenrãngma ngako nemajet nea jupwah sat sanpoat pa hûera. Chenrãngma ngako, ne khope sanpoat pa nema khebeng chohtattet nomemin anam lâhûtha.

ROMAN HEHNÂNG POLMA RAANGWAH SITI 13:11 Iomraidhean Croise

MATHIU 16:3

Ngale rangkhahko rangpa cheksoaksoak ngale rangkhu dângko, ‘rang epat a’ ngama rângnga en. Nema rangnâng sûletma rangchhih rangme pa jetlo eken, rohkomin nema athângwah sanpoat pa jienjet lomet!

LUK MA RAANGWAH NGINKONGSEN 21:28

Chenthu ererãngrãng heh medang tahko, sekmah patrit lere thangma khuhah nâhah dangletma toansûwên en, chenrãngma ngako ne khope pa namhû era.”

1 KORINT 10:11

Are chentô thinseknâng dangtah heh ahan hehma jetrãng dângwah, ngale ereheh nãngnâng jetthukrãng raangthienwah. Chenrãngma ngako nãnga athôan sanpoat pa hokthângko nyan eki.

1 KORINT 15:34

Hungpun rinpun ngakdang en ngale papmoat pa jek en. Ngama nekhu chenrêsê en ngama nekhuwah khaka hehma Joban jetmet ngama loatjab ekang.

IFISIEN 5:14

chenrãngma ngako chenpa senthemthem khe ekia erepa wenphiak nâng khe eki. Erohwah Joban nyapraang nâng aroh ngaeka, “Juplekte heh sat en, ngale ritwah ngaksat en, ngale Krista wenphiak pumma nekhoh nâng ephiak kat hèn.”

JEMS 5:8

Ererãngrãng nemin hung arin môngmông tongen. Ne dâlem pa senthemthem dangen, chenrãngma ngako Teso ngakkat rangwopa lânamtha.

1 PITER 4:7

Chentô pejô athôan sanpoat pa lâhûtha. Erohwah nedede min hungmông rinmông, ngale jetletma dangen, eroh metong enkoba nema rang ejiensoam en.

2 PITER 3:11

Phumma are chentô heh aroh mechhihsiet ako, nea chenrãngrãng mihnyan dângmin a? Ne roandôngpa Asâthôan dângmin, ngale Joban nâng koh en,

2 PITER 3:9

Wanwanthe ma thonghun eka rãngrãng, atema moatrãng toamsem tah pa Teso ma lemoma lekthien dangmah. Erenoma, ate hungpa nedemnâng môngsiet lahma tongeka, chenrãngma ngako atema henjô chhihsiet hunmah, anga nga papwah hunglit lahma chenngak hûra ngama huneka.

1 JON 2:18

Ngachhu Ngachha heh, athôan sanpoat pa lânam hûtha! Nenâng Krista Ran ehûra ngama thôkotah; ngale athângheh mejô Krista ran ajahthem lâhongtah, ngale erohwah nãngma athôan sanpoat pa lânamtha ngama jeteka.

LOATKHESOK 1:3

Are titab weihte hehma rangkepmin, ngale henhenma are profisi jabkhab pa tatlahma are titab kowah raangeka nginpa kepte hehma rangkepmin! Chenrãngma ngako areheh phangtang hôngdâng wângrãng sanpoat pa lânam hûtha.

LOATKHESOK 22:10

Ngale atema Nganâng ngatwah, “Are titab kowah mõngheh jabkhab pa nek huh thien, chenrãngma ngako, are chentôpa linlin dângwâng rãng sanpoat pa lânam hûtha.

LOATKHESOK 22:12

“Tattan en!” Jisu ma ngaeka. “Nga sitsiak lâkaerâng! atema chenni motah a erejunko kohrãng thã demnâng ekarâng.

LOATKHESOK 22:20

Anga nganâng are ngin thôkohte pumma ngaeka, “Linlin! Nga sitsiak lâkaerâng!” Amen. Karoo Teso Jisu!