ROMAN HEHNÂNG POLMA RAANGWAH SITI 13:1 - NIEMNYAN Naga NT (BSI)

¹ Anga ngama nok atang thôte jabte heh ngin kepmin, chenrãngma ngako Joban ma ledangthuk medang ako henmin thôte jabterãng leta dângmin, ngale athâng hehwah thôte jabte dangeka hehmin Joban ma jôba dangthuk eka.

ROMAN HEHNÂNG POLMA RAANGWAH SITI 13:1 Iomraidhean Croise

MATHIU 6:13

Achhih nâng hung nektoanthuk hi, Juchhih wah pânghi.’

JON MA RAANGWAH NGINKONGSEN 19:11

Jisu ma dânthâng wah, “Joban ma nangnâng koh diba ngakhohko nangnâng chaantong eho. Erohwah henma nang tânâng Nga siethu ehanga erepumma papchhihthôan moeka.”

MOATLEM 2:41

Jahmõang mihnyan hehma ate nginko putedâlem lahma baptijem kepwah, ngale ere jâko hahjatrem mihnyan ma baptijem keplahma thin demnâng johdângwah

ROMAN HEHNÂNG POLMA RAANGWAH SITI 12:21

Achhih nâng nekjienrii en; erenoma, chhih pa asenma jien en.

ROMAN HEHNÂNG POLMA RAANGWAH SITI 13:2

Henhen athâng hehwah thôte jabte heh lelatnâng dangeka, ereheh Joban moatlem lelatnâng dangeka; ngale henma akomin eroh memo ako ereheh thindedema chêmsietrii eka.

IFISIEN 5:21

Krista ranchei letma wathema wathe ngin kepmîn en.

1 TIMOTHI 2:2

erepa Lowang hehrãng, erediko chentô thôte jabte hehrãng soam kohmin, erohkoba nãngkhu kihrumrum ngale mêmoma chohsõng lihma Joban ranchei nungma atenâng senthemthem eta soamtôe.

TITAS 3:1

Mihnyan hehnâng thôkoh o, thin pênte le thôte jabte heh nginkepkep chendangwak a, ngale rongrup ngema asenli tuta chenmowak a.

JUD MA RAANGWAH SITI 1:8

Ererãngrãngjô, are mihnyan chhih hehma thindede phoangrãng pap dêngli moeka; thinma Joban hôkum min kepmah, ngale rangkhethung wah achoangthôan wah Joban ngintatte hehnângmin jõjêm eka.

LOATKHESOK 1:5

ngale Jisu Krista, putedâlemli thôan hâkhi hôante, ritwah khebeng thôan ngaksatte, ngale hahtokkhoh wah lowang heh khoko pênte. Atema nãngnâng hun ehi, ngale atema roandông kohlahma pap khenwah pepâng ehi

LOATKHESOK 17:14

Thin Saakchha demnâng eloatmîn a; rohkomin Saakchha pumma atema aren reka mihnyan, ngale senthemthem putedâlem lahma ate dijunte mihnyan heh demnâng roamlahma thinma ejien a, chenrãngma ngako, atea teso hehwahmin Teso dongthôan, ngale lowang hehwah min Lowang dongthôan.”

LOATKHESOK 19:16

Ate khetko ngale ate da komin raanglahma dângwah: Ere mînpa “Lowang kowah Lowangdong thôan, ngale Teso kowah Teso dongthôan.” Ngama raangwah.