ROMAN HEHNÂNG POLMA RAANGWAH SITI 12:9 - NIEMNYAN Naga NT (BSI)

⁹ Ahun pa linlin hungwah hunmînmin. Chenrepa chhih a ereko chinnya rêmin, ngale chenrepa asen a ereko senthemthem loatmin.

ROMAN HEHNÂNG POLMA RAANGWAH SITI 12:9 Iomraidhean Croise

MATHIU 26:49

Juda Jisu tâko tintin wãng lahma, “salem hethôte”, ngama ngatwah, ngale erediko atema Jisu nâng chupwah.

JON MA RAANGWAH NGINKONGSEN 12:6

Atema arepa tangchhih hehnâng mînchen lahma ngatwah dangmah, atea ahuh dângkowah ngatwah. Atea ngun thiente dâng phumma ere ngun kowah atedede rãng chîkepwah.

MOATLEM 11:23

Chenthu ate kalahma mihnyan hehnâng Joban ma rangkoh pa kheka lahma ate nyahrãng khuhahwah, ngale Teso nâng thinhung arin phangtang kohlahma putedâlem rãng roatsep wah.

2 KORINT 6:6

Rohkomin, nia sâpoangpoang, Joban buthi mongthem, hungmông, ngale mihnâng mînchen junma, nia Joban haa ngama khesok eki - ngale Asâthôanju, erediko niwah linlin hun achet junmemin khesok eki,

2 KORINT 8:8

Ngama moatmin jôba ngama khetlomah. Rohkomin ahan hehma mihnâng chohsok atô huneka ngamaba khesok lahma, ne hun achet pemin chenroh a ngama jetrãng khesok eka.

1 THISALONIKA 2:3

Nihung nâng mõang atoang ba hungngek rinngek danglihma nenâng roatsep dangmah, ngale nima henjô diapchhahmih.

1 THISALONIKA 5:15

Henmin achhih demko achhih ngema nektoatmîn en, rohkomin chentô sanpoat roakweih wathema watherãng ngale chentô mihnyan rãngma asenli tuta moatrãng thonghun en.

1 THISALONIKA 5:21

Rohkomin athaksok re en: Phumma asen senpa kepen

1 TIMOTHI 1:5

Are chien ekangpa hungsâma hun achetmîn, hungpun rinpun, ngale linlin putedâlem pa thinnâng chenhonga ngama chien ekang.

HIBRU 1:9

Nangma chenpa toangtanga ereko hun eko, ngale chenpa achhih a ereko chinnya eko. Erohwah Joban, nang Joban ma ren eho ngale dongsiet lahma khuhahthuk ehopa nang demkowah hehnâng koheka nomemin abâmbâm dong koh eho.”

HIBRU 12:14

Chentô demnâng mêmo dângrãng thonghun en, ngale roandôngko Asâma dângrãng thonghun en, chenrãngma ngako, eroh ledang kako henmemin Teso leta chohkhemin.

JEMS 3:17

Rohkomin rangkhethung wah buthi mongthem pa khebeng thôanko hungsâ; erediko mêmo, numnene, ngale chentô demnâng lemru lemchha tuta; ngale mihnâng nyahrãng mînchen, moatlemsen tuta moeka; ereko thhensok le khoanglep aho.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 4:8

Chentô nomemin adongpa, wathema wathe nâng nyahrãng hun achhâmin en, chenrãngma ngako hun achetmîn pumma jahmõang pap heh mumsiet eka.