ROMAN HEHNÂNG POLMA RAANGWAH SITI 12:8 - NIEMNYAN Naga NT (BSI)

⁸ mihhung dongsiet rãng mekoh hiko, nãngma mihhung dongsietmin. Ngale hen akomin mihnâng kohthin medang ako chhahme dângmin; Hen akomin thôajabte khhepho medang ako, hungkoh lihma chaanmoatmin; hen akomin mihnâng mînchenrãng mekoh ako, hungsi rinme ma moatmin.

ROMAN HEHNÂNG POLMA RAANGWAH SITI 12:8 Iomraidhean Croise

MATHIU 25:40

Phumma Lowang pumma edânthanga, ‘Ngama nenâng thôkoh eka, chenthu nema ngadijunte arinthôan wathe nâng chohsûtet a, arepa nganâng chohsok wah!’

MOATLEM 11:23

Chenthu ate kalahma mihnyan hehnâng Joban ma rangkoh pa kheka lahma ate nyahrãng khuhahwah, ngale Teso nâng thinhung arin phangtang kohlahma putedâlem rãng roatsep wah.

MOATLEM 13:12

Phumma Govono ma erepa khelahma putedâlem wah; ngale Teso ngin hethôeka heh tatlahma nyahrãng bâritwah.

MOATLEM 13:15

Mosa Niemarang ngale mõng hehma raangwah hehwah loatweih diko, Sanagog wah Sahhabwa pumma thinnâng chhienkat thukwah: “Lemruchha heh, nememin mihnyan hehnâng chenni komin rîn akhahthin metong hènko tarîn en.”

MOATLEM 15:32

Juda le Silas niimin mõng dângwah, phumma thin demnâng nyahrãng lekjabmîn lahma rîn akhah wah.

MOATLEM 20:2

Atema ere jaa phangtang nâng phoangkhoam lahma mihnyan hehnâng phoang rîn akhah thienwah. Erediko ate Akaia nâng katwah,

MOATLEM 20:28

Erohwah nedede min jetletma tongen, ngale Asâthôanju ma nenâng sûare thuk ehèn hehmin senthemthem sûare letma tongen. Saaksokte rãngrãng Joban nâng putedâlemte Asâthem heh sûare en, Atema ate chha hei junma aterãng hôanwak eka.

MOATLEM 4:36

Ngale Sipras diaknâng chhatwah Livi wathe, ate mînpa Josep dângwah, phumma moattat chhoante hehma atenâng Barnabas ngama roowah (Are ngaeka pa, “Hungdông thukte ngaeka”),

ROMAN HEHNÂNG POLMA RAANGWAH SITI 12:13

Ne chhahkhem hehmin ne lemru Kristan tangchhih heh demnâng aroam roamma kepen, ngale mihwun hehnângmin ne humpa laangkohjû dangen.

ROMAN HEHNÂNG POLMA RAANGWAH SITI 13:6

Erohwah jôba nema thãkho koh eken, chenrãngma ngako thôte jabte hehma thin moatlem moatpoat ko Joban rãng moeka.

1 KORINT 12:28

Joban ma Asâthem hehnângmin mâmâ moatlem mothuk eka: Abengthôanko moattat chhoante, erediko mõngama, erediko hethôte; erediko patritli moatlem moatte, erediko khoanchet mesietchaan chohte, mihnâng chohsokte, moatlem jienmoatte, ngale patritli jabma jienjabte.

1 KORINT 14:3

Rohkomin henma Joban ngin phoangthô eka erehehma mihnyan hehnâng thôkoh eka ngale thinnâng chohsû eka, hung arin dongthuk eka ngale hung arinpa senthuk re eka.

2 KORINT 1:12

Nima are nginpa rângthôeki, are hahtokkhoh ko nihung nirin pa sâpoangpoang tongeki, ngale ajahthem pejô Joban ma chohsok junko nekhu demnâng khuhah nâhah ngale hungsâ rinsâ danglihma tongeki, erepa mihnyan nyuchha buthi mongthem junko ledang Joban mînchenchaan junko tongeki.

2 KORINT 11:3

Nga chei rekang, chenroh pûma buthi chhih hôanlahma Eve diapchhahtah rãngrãng, nehungmin achhih nâng kesietrii letma Krista nâng atô senthemthem hung kohletma putedâlem tetpa machhihjâ let o ngama.

2 KORINT 8:12

Nema hung arin senma mekoh enko, nema chenni cheiletma kohken a erejunko Joban ma echohtha hèn, chenni pa nenâng ahoa erejunko sûmah.

2 KORINT 9:11

Nea roantangma chhahme dângrãngma Joban ma techhu edangthuk hèn, erohkoba ni ngewah nekhu chohsê pa choh lahma melâng mihnyan ma Joban nâng dangkoh a enga a.

2 KORINT 9:13

Ngale nema are achohsok moatlem moeken junko, erediko nema Krista nginkongsen pa senthemthem kepletma thôeken junko, ngale nea chhahme dangletma thin demnâng ngale anga nga demnâng phenphen sensen kep eken juko ajahthem mihnyan hehma Joban nâng dangkoh a engawak a.

2 KORINT 9:7

Erohwah nekhu anga ngama hung arin nâng chenroh kohrãng hun eken a erohkoh en, hungkeke dangletma ngale metkep kohmin jôba ngama nekkoh en; chenrãngma ngako, Joban ma hung arin sênma hunlahma kohte nâng huneka.

IFISIEN 6:5

Haaheh ne tângtewa ran tiichei letma ate nginkepkep dangen; ngale erepa nema Krista nâng soamtô eki ngama thonghun letma hungsâ rinsâma mo en.

KOLOSIEN 3:22

Haaheh, rongrup nâng ne tângtewa nginkepkep dangen, thinma nenâng sokpoatko lolo chensenchohhi ngama nekdangen; rohkomin Teso ranchei letma nehung nerin phangtang kohletma chentôpa mo en.

1 THISALONIKA 2:3

Nihung nâng mõang atoang ba hungngek rinngek danglihma nenâng roatsep dangmah, ngale nima henjô diapchhahmih.

1 THISALONIKA 2:8

Nima nekhu nâng nyahrãng huneka! erohwah nima nekhu nâng Joban Nginkongsen pelolo thôhokkoh ledang niroandông pemin nerãng kohhunwah.

1 TIMOTHI 4:13

Nga makaka, nang sanpoat le chaan amân heh nok atang hehnâng Joban nyapraang heh weihko lohma tongo, ngale Joban ngin heh thôkoh, ngale hethô lohma tongo.

1 TIMOTHI 5:17

Khhepho phannang danglahma henma Asâthem hehrãng moatlemsen moeka ereheh nâng nyahrãng soangraangmin, ajahthem pejô henhenma nyahrãng latrii lahma Joban nginkong heh phoangthô lahma hethôeka ereheh nâng soangraangmin.

1 TIMOTHI 6:18

Moatlem sen moatrãngma thôkoh, moatlemsen ngenâng techhu rãngrãng chendangwak a, erediko chhahme ngale mihhan heh demnâng phenphen sensen chenkep wak a.

HIBRU 10:25

Wanwanthe mihhan heh jek eka rãngrãng nãngkhu chohmîn nekjek eki. Erenoma, wathema wathe nâng ajah jahba hungdong sietmîn e, chenrãngma ngako, nemajet, Teso ngakkat Rangwo pa lânam hûtha.

HIBRU 13:17

Ne khhepho phannang heh nginkep en ngale thinma chien ehèn junko dangen. Thinma leboantong thangma ne Ju amoang heh sûare ehèn, chenrãngma ngako, thinmemin thin moatlem thãpa Joban nâng khesokmin. Nema thin ngin mekep enko, thinma thin moatlem pa khuhah nâhah emowak a; eroh ledang kako, thinma hungkeke emoa, ngale nenângmin chenthujô leta chohsûmin.

HIBRU 13:22

Ngalemruchha heh, Ngama nehung dôngthukrãng rîn akhah ngin thôkoh ekako nehung môngsiet letma mamjettat en ngama rosep eka; chenrãngma ngako Ngama nenâng are sitiraang ekapa nyahrãng alo nyong dangmah.

HIBRU 13:24

Niwah salem pa ne lemsênte khhepho phannang, ngale chentô Joban mihnyan hehnângmin thôkoh en. Itali diakwah Joban nâng putedâlemte hehma thin salem matkat ehèn.

HIBRU 13:7

Amawah nenâng Joban nginkong thôkohte khhepho phannang heh thonghuntan en. Thin chenroh songtong lahma riitah a ereheh ngakthonghun tan en, ngale thin putedâlem rãngrãng dangen.