ROMAN HEHNÂNG POLMA RAANGWAH SITI 12:3 - NIEMNYAN Naga NT (BSI)

³ Ngale Joban ma nganâng mînchenchaan kohjunko ngama nekhu anga nganâng thôkoh eka: Ne chentô thenga erekowah nededema ajah nekbâm dong thonghunrii en. Erenoma, sâpoangpoang thonghun en, ngale Joban ma nenâng putedâlem pa chentô koh ehèn a erejunko nedede thonghunrii en.

ROMAN HEHNÂNG POLMA RAANGWAH SITI 12:3 Iomraidhean Croise

LUK MA RAANGWAH NGINKONGSEN 18:11

Farasi pumma ataangnâng ate araangraang cheplahma rangsoam wah, ‘Joban, ngama dangkoh a ngaeki, chenrãngma ngako mihnyan ahan heh rãngrãng nga chhahnyoak dangmek, mothô khoanglepmin dangmek, ba mih tangnyu demnâng kaamchhih moatte min dangmek. Ngama nangnâng dangkoh a ngaeki chenrãngma ngako are thãkho thâte rãngrãngmin dangmek.

JON MA RAANGWAH NGINKONGSEN 3:34

Henpa Joban ma chienkat era erepumma Joban ngin thôeka, chenrãngma ngako atenâng Joban ma ate Jupa mênchong koheka.

ROMAN HEHNÂNG POLMA RAANGWAH SITI 1:5

Ate junma Joban ma nga Jisu Krista moattat chhoante dangthuk ehang, erepa chentô diak akan wah mihnyan heh Jisu Krista nâng putedâlemte ngale ate ngin kepte dângthukrãng ren ehang.

ROMAN HEHNÂNG POLMA RAANGWAH SITI 11:20

Arepa toangtang. Thinma lepute dâlemdi phakjâeka, ngale nemin putedâlem junkoba ere bãngko choatkhhek ehèn. Rohkomin ererãngma nekngamrii en; erenoma Joban ranchei letma tongen.

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

ROMAN HEHNÂNG POLMA RAANGWAH SITI 12:16

Anga nga demnâng asen tuta dangen. Ngam poapoa nekdangen, noapnene dangen. Ngale nedede jet ajien ngama nekthong hunrii en.

1 KORINT 15:10

Rohkomin nga a athângheh chenroh dangekanga erepa Joban mînchenchaan junma tadang ekang, ngale atema nganâng mînchenchaan kohthangpa mahto nâng dangmah. Erohwah, ngama moattat chhoante ahanheh noma ajah bâmchaan moekang, rohkomin erepa ngadede chaanma lolomoat dangmek, Joban mînchenchaan pa nganâng tonglahma johmo ehang.

1 KORINT 3:10

Joban ma nganâng humhôan thakwa dângthuk junko, nga a thakwa rãngrãng danglekma humhôan bângchep ekang, ngale ere mãnko mihhanma hôaneka. Rohkomin nekhu chentôma erepa chenroh hôanmin a ngama senthemthem thonghun letma hôanmin.

1 KORINT 7:17

Nekhu anga nga Joban ma hennâng chenroh songtongthuk ehèn a eroh songtongen, ngale Joban ma chenroh sôngtôngrãng roothen a erohjô songtongen. Are niemarang pa ngama chentô Asâthem hehnâng phoangthôkoh ekang.

2 KORINT 10:13

Rohkomin nikhu dangeki, khupliet nâng rângthô riimih; Joban ma moatlempa ninâng chentô mothuk ehia ereto jôba rângthôeki, ngale ere moatlem demko nikhu nedemnâng moeki moatlem pemin weih eki.

2 KORINT 12:13

Ngama nenâng ahan Asâthem heh noma achhih lehoan lejoantah a, ngama nenâng ngun akem letha thangma loloba methientah a? Erepa chhihmoatthã nganâng map mamkohha!

2 KORINT 12:7

Rohkomin ngama chentô athakthôli chohhkhetek a ereheh junko nga lengamrii thangma dângrãngma, ngaphoang nâng nyahrãng chet akhup achhih hokwah, erepa joak ngintatte hehma nganâng watwah, ngale erejunko lerângthôrii dângwah.

GALATIEN 6:3

Henma komin atea sekhota mihnyan danglahma, ngamin wathe alemli mihnyan jôba ngama thonghunrii eka, erepumma ate dedeba diapchhahrii eka.

IFISIEN 3:2

Joban ma ate mînchenchaan junma are moatlempa nekhurãng sênrãngma nganâng mothuk ehang, ngama nekhuma linlin lâchoh tattet.

IFISIEN 3:4

ngale ngama chenni raang ekanga erepa nema meweih enko, ngama Krista junma chenni jet ekanga erepa nema ejet en.)

IFISIEN 4:16

Ate khenko nãngphoang kowah chentô jat pa roapeka, ngale chentô rokchi rãchî chohmîn eka junko nãngphoang phangtang roapsiet eka. Erohwah chenthu nãngphoang wah hehma mâmâ moatlempa memoako, nãng phoangpa phangtang edonga, ngale erepa hun achetmîn junma edonga.

FILIPIEN 2:13

chenrãngma ngako, nekhennâng Joban ma roantangma mo ehèn, ngale ate nginkepkep dangletma ate rinmeli moatlem chenmo en ngama Joban ma chohsû ehèn.

KOLOSIEN 1:29

Are moatlempa tâmoatrãng, Krista ma chohkoh ehang achaanthôan chaanpa ngasek khenko moatjunko ngama ere chaanpa keplekma latrii moekang.

KOLOSIEN 2:13

Nemin sanpoat poattheko Junâng riiletma dângwah, chenrãngma ngako, erepa nepap ngale nea Joban Niemarang aho thangma Jews ledangte jat dângwah. Rohkomin, ade phumma Krista junma Joban ma roandông lâkephû kohthen. Joban ma nãngpap chentô heh map lâkohthi;

1 TIMOTHI 1:14

Ngale nãng Teso ma ate ngewah ajahthem mînchenchaan pa Nga khohnâng kohkat ehang, ngale Jisu Krista ngewah nãngkhu putedâlem ngale hun achet pemin kohkat ehang.

1 TIMOTHI 2:15

Rohkomin dihiak hehma naachhat junma khope chohmin, ngale dihiak pumma melatrii moako putedâlem, hun achet, sâpoangpoang, ngale senthemthem mesong metong ako khope chohmin.

1 TIMOTHI 2:9

Ngale dihiaknyu hehma khetpa senthemthem ngale tiembengbeng chenkep a ngama hun ekang; kho heh ajatjat phoanghôanrii, kem, ngale lit awen, ngale thãchaanjat khet heh nekchen menchhang kepwak eka ngama hun ekang,

TITAS 2:12

Ere mînchenchaan pumma Joban lejet thangma sôngtông ngale hei ngem hung arin heh pherãng hethôehi, ngale mâmâ dede hungmông sietrii, toangtang, ngale hahtokkhoh ko Joban jetlihma sôngtôngrãng hethôehi,

TITAS 2:2

Phannang hehnâng numnene, hungchit rinchhem, ngale mâmâ dede hung tâmông sietritrãng rîn akhah o; ngale putedâlem, hun achetmîn nângmin asen chendangwak a, erediko atâdômin chenrewak a.

TITAS 2:4

ngale thinma roandông poat dihiaknyu hehnâng mâmâ tangwa ngale chhuchha hehnâng hun rãngma chen hethô wak a,

TITAS 2:6

Ererãngrãngjô dela warõngpoat hehnângmin mâmâ dede hung tâmông sietritrãng hethôo.

JEMS 4:6

Rohkomin Joban ma nãngnâng ate mînchenchaan koh ehipa ere nomemin achaan. Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dângte mihnyan hehnâng ate mînchenchaan koheka.”

1 PITER 1:13

Erohwah, nehung nerin ma moatrãng chepen. Ngale jetletma tongen, erediko Jisu Krista hôngkat jâko nema Joban mînchenchaan chohminko senthemthem dâlem letma tongen.

1 PITER 4:11

Henhenma ngin phoangthô eka ereheh memin Joban nginkongsen pa chenphoang thôa; ngale mihnâng chohsokte hehmemin Joban ma kohthen chaan junma chohsû en, eroh medang enkoba Jisu Krista junma chentô ngema Joban mîn edonga, chenrãngma ngako, ate jôba mîndông chohte ngale roantang roangjêng rãng chaan ahang demnâng tongeka. Amen.

1 PITER 4:7

Chentô pejô athôan sanpoat pa lâhûtha. Erohwah nedede min hungmông rinmông, ngale jetletma dangen, eroh metong enkoba nema rang ejiensoam en.

1 PITER 5:5

Ererãngrãng leta lechhih hehmin ne khhepho phannang heh khenko thin nginkepkep dangen. Ngale wathema wathe nâng jienchohsok mînrãng nekhu anga nga numnene tuta dangen; chenrãngma ngako Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dangte mihnyan hehnângba senchoh eka.”

1 PITER 5:8

Jetletma tongen, ngale sûletma tongen! Neran, juchhih pa sahdong hinhoo rãngrãng huklahma, hen akomin chohphhek angle ngama lemsû lahma phoangkhoam eka.

3 JON 1:9

Ngama Asâthem hehnâng siti athoanchha raangtek; rohkomin thin lemsênte khhepho phannang dânghunte Diotrephes ma Nga nginko nâletha edanga.