ROMAN HEHNÂNG POLMA RAANGWAH SITI 12:2 - NIEMNYAN Naga NT (BSI)

² Nededema are hahtokkhoh kowah mihnyan heh rãngrãng nekdangen, rohkomin Joban ma nehung nerin phangtang khenwah chenlitsiet hèn. Erediko ba Joban ma hun ekapa nema eta jetlo en - chenrepa asen a ngale chenre pumma Joban rinme thukeka ngale chenrepa apunlia erepa etajetlo en.

ROMAN HEHNÂNG POLMA RAANGWAH SITI 12:2 Iomraidhean Croise

MATHIU 13:22

Suhbuk mongnâng chatjâte chhah rãngrãng heh dangeka, Joban nginpa chohtat lahma hei angem roandông rãng sekmah patritte mihnyan heh, thin hungko chhu alu dânghun pumma Joban nginpa tangbuk eka, erohwah thinma ari hongrimah.

MAK MA RAANGWAH NGINKONGSEN 4:19

Phumma mâmâ roandông rãng sekmah patrit, techhu dânghun, ngale lihân jatrup hungwah phôangthônghun pumma Joban nginpa tanghep eka, phumma thinma chhahri hongri mah.

JON MA RAANGWAH NGINKONGSEN 14:30

Nga nekhu demnâng ajah talek jabmîn tumah, chenrãngma ngako are hahtokkhoh pênte pa lâhûtha. Rohkomin atema nganâng chennimin tare mahhang,

JON MA RAANGWAH NGINKONGSEN 15:19

Nea hahtokkhoh rãng medang enko, hahtokkhoh ma nenâng aterãng dângdi ehunhèn. Rohkomin ngama nea are hahtokkhoh wah ren eka, ngale nea hahtokkhoh rãng dangmet; erohwah hahtokkhoh ma nenâng chhihchoh ehèn.

JON MA RAANGWAH NGINKONGSEN 17:14

Ngama thinnâng nang nginpa thôkoh ekang, phumma hahtokkhoh wah hehma thinnâng chhihchoh eka, chengrãngma ngako, Nga a are hahtokkhoh rãng ledang dangekang rãngrãng, thinmin are hahtokkhoh rãng dangmah.

JON MA RAANGWAH NGINKONGSEN 7:7

Hah-tokkhoh mihnyan ma nenâng jienchhihchoh mahhèn, rohkomin nganâng chhihchoh ehang, chenrãngma ngako ngama thin moatlem pa achhih ngaekang.

ROMAN HEHNÂNG POLMA RAANGWAH SITI 12:1

Erohwah, ngalemruchha heh, Joban ma nãngkhu nâng mînchendong tôngjunko Ngama nenâng rosep eka: Ne roandôngpa nededema Joban moatlem nâng ahîn jebjebma koh en, ate moatlem moatrãng lolo chendanga ngale ate rinmeli chendanga. Eroh kohletma soam roak eken pejôba toangtangma soam roak eken.

ROMAN HEHNÂNG POLMA RAANGWAH SITI 13:14

Rohkomin Teso Jisu Krista ranlông chhahkhem heh kep e, ngale ne hei angem rinme thukrãng nehung pumma kaamchhih moat huneka hehwah jekre en.

ROMAN HEHNÂNG POLMA RAANGWAH SITI 7:12

Rohkomin, Niemarang pa asâ, ngale hôkum pemin asâ, toangtang ngale asen.

ROMAN HEHNÂNG POLMA RAANGWAH SITI 7:14

Nãngma ajet Niemarang pa Joban ngewah; rohkomin nga dangekang ritte mihnyan, ngale papnâng haarãng seng ehang.

ROMAN HEHNÂNG POLMA RAANGWAH SITI 7:22

Ngahung ngarin khennâng Joban niemarang demko khuhah ekang.

1 KORINT 3:19

Chenrãngma ngako, are hahtokkhoh pumma chenpa buthi mongthem ngama thonghun eka erepa Joban rãngma aba ata rãngrãng dangeka. Joban nyapraangma ngaeka, “Joban ma jet ajien heh thin buthi mongthem junko benâng mânritwah rãngrãng manrii thuk eka”;

2 KORINT 4:4

Thinma chenrãngma leputedâlem rewak eka ngako, thinhung arinpa are hahtokkhoh kowah joban chhih pumma rangnyek nâng thien junko leputedâlem rewak eka. Ngale thin a joban chhih pumma linlin Joban rãngrãng dângte Krista mîndông Nginkongsen wen kowah thinkhoh nâng phiakkat ekapa khethuk mah.

2 KORINT 5:17

Hen akomin Krista demnâng dangeka atea anyan lâdangtah; apã pa chhoantah, anyan pa lâhûtha.

GALATIEN 1:4

Are nãng songeki hahtokkhoh chhih kowah nãngkhu pêpâng rãng, Krista ma nãng Joban ngale nãng Wa ngin keplahma atedede roandôngpa nãngkhu pap rãngma kohwah.

IFISIEN 1:18

Nema Joban wenphiak pa jienchoh kherãng nekhu hungrin chenlaang kohhèn ngama Joban nâng rosep ekang, erohkoba nema chenni nâng dâlemrãng atema rooehèn a erepa nema etajet en. Joban ma atenâng putedâlemte mihnyan hehnâng rangkohmin ngama toamsem tahpa chentô chhu a ngale chentôsên a,

IFISIEN 2:2

Ere sanpoatko nema are hahtokkhoh kowah achhih heh lemkhôko junkhoam letma dângwah; ngale nema hahtokkhoh pênte ju ngin kepletma dângwah, ereju pumma athângheh Joban ngin lekepte mihnyan heh pêneka.

IFISIEN 5:17

Erediko aba rãngrãng nekdangen, erenoma Teso ma nenâng chenni moatthuk hun ehèn a erepa jet en.

KOLOSIEN 1:9

Erohwah chenthu nima ne ngin chohtat tihwah roantangma rangsoam koheka. Ngale Joban ma ate hungkhen wah huneka heh nenâng chenjet thukhèn ngama rosep eki, erediko ate Juma nenâng chentô buthi mongthem heh chenkohhèn.

KOLOSIEN 3:10

ngale nea roandông nyan lâdangtet. Are roandông nyan pa Joban ma ate rãngrãng hôaneka, ngale nema ate senthemthem jienjet rãngma ate rãngrãng hôan ehèn.

KOLOSIEN 4:12

Jisu Krista haa ngale nekhu lemrujô Ipafras memin nenâng salem matkat ehèn. Atema roantangma nekhurãng nyahrãng rangsoam kohjû, ngale Joban ma nekhu rongtengtengjû, erediko hungchit phannang Kristansen, ngale Joban hungsi junkojû chendangen ngama soamkoh ehèn.

1 THISALONIKA 4:3

Joban ma nea Sâpoangpoang chendanga, ngale dihiak dela tungko kaamchhih lemo thangma chentonga ngama hun ehèn.

TITAS 3:5

atema nãngkhu pêpângwah. Rohkomin erepa nãngkhu dedema chenni akomin kaamsenmoat junko dangmah, erepa atedede ngewah mînchenchaan junma pepâng ehi, ngale Asâthôanju junma nãngkhu sâsiet lahma anyan rãng ngakchhathuk lahma roandông nyan kohehi.

JEMS 1:27

Joban Wama Asâ ngale Alinlin Joban nâng soam atôte pa are hehnângba ngaeka: janthoichha hehnâng sok arête ngale janthoinyu heh chêmcheiko chohsokte, ngale are hahtokkhoh wah achhih hehnâng lechhihsietrii tôngte hehnângba ngaeka.

JEMS 4:4

Joban nâng lepute dâlemte mihnyan heh! Nema jetmetne, hahtokkhoh demnâng lemruchha dangkenpa Joban demnâng ran dangeki ngama? Nema hahtokkhoh demnâng lemruchha dâng mehun enko, nema nedede a Joban ranrãng hôanrii eken.

1 PITER 1:14

Joban nginkepkep dangen, ngale nea aba dângpoatko ne hungma chenroh huntet a ereko ne roandông pa nekdang thuktu en.

1 PITER 1:18

Chen-rãngma ngako, nete newa hehma nenâng roandông ko chhih akhahli moatlam thienla kohthen kowah nekhu pesietrãng chennithã thumtah a erepa nema jet. Erepa ngun akem rãngrãng chhihjâ lima thumwah dangmah;

1 PITER 2:3

Joban nyapraangma ngaeka, “Nema Teso pa linlinjô chentôsên a erepa lâjettet.”

1 PITER 4:2

Erohwah ade phumma, are hahtokkhoh wah ne roandôngko mihnyan nyuchha hung arin junko ledang Joban hung junko songtongtu en.

2 PITER 1:4

Eroh jôba atema toamsem tah junko nãngnâng nyahrãng adong ngale asen hînhô pa kohehi, erohwah are hînhô heh junma hahtokkhoh hung arinma achhihli thonghun lihma chhihjâ wahmin etape en, ngale Joban rãngrãng etadangen.

2 PITER 2:20

Nãng Teso ngale Pângte Jisu Krista jetlahma henkomin are hahtokkhoh chhih kowah pechhoan lahma, eredikomin achhih hehnâng amãnmãn methe ngekriiako, ererãngrãng mihnyan pa khebengwah nomemin athôanko achhihthôan edanga.

1 JON 3:13

Ngalemruchha heh, are hahtokkhoh wah mihnyan heh mejô mechhihchoh hèn komin nekpatrii en.

1 JON 5:19

Nãngma ajet rangkhen pa phangtang Juchhih ma pênlahma ate khennângjô methien akomin nãnga Joban chha.

LOATKHESOK 12:9

Pûchhih dôngmõang pa petphekat rewah-rangbeng hahbeng wah pû, ate mînpa Juchhih ba joak ngama dângwah, atema hahtokkhoh phangtang diapphhek chhahwah. Ate demko ate ngintatte heh aroamma hahtokkhoh nâng petphekat wah.

LOATKHESOK 13:8

Hahtokkhoh wah sôngte chentô mihnyan hehma atenâng esoam a, rohkomin rang ahah hôan mama henhen mînpa ahîn titab nâng raangthientah a, ngale henhen pa ritphe retah Saakchha rãng dângtea erehehma loloba lesoam edanga.