ROMAN HEHNÂNG POLMA RAANGWAH SITI 12:16 - NIEMNYAN Naga NT (BSI)

¹⁶ Anga nga demnâng asen tuta dangen. Ngam poapoa nekdangen, noapnene dangen. Ngale nedede jet ajien ngama nekthong hunrii en.

ROMAN HEHNÂNG POLMA RAANGWAH SITI 12:16 Iomraidhean Croise

MATHIU 11:5

Mitdoak ma jienkhe eka, dakò heh jienkhoam, angêm khoanchet ma chêmte heh sen rewak eka nâba hehma tat, ritte heh ngakhinsiet, ngale Joban nginkongsen pa tangchhih naadi hehma chohtat reka.

MATHIU 26:11

Nedemnâng tangchhih heh roantangma echoh en, phumma nema nga roantangma chohmahha.

LUK MA RAANGWAH NGINKONGSEN 14:13

Erohwah chenthu nema kuhhôan letma phhekchhah menget enko, tangchhih heh, dekkò dakò, ngale mitdoak heh roo en;

LUK MA RAANGWAH NGINKONGSEN 6:20

Jisu ma ate dijunte hehnâng sûlahma ngatwah, “Rangkepte pa tangchhih heh dângmin; Joban Hahsông pa nethiak!

MOATLEM 4:32

Putedâlemte heh hung arin nâng wanthe danglahma tôngwah. Henmemin ate chhahkhem pa ngathiak ngama ngatte aho dângwah, thinthiak chentô tonga, ereheh anga ngama aroam roamma kepwah.

ROMAN HEHNÂNG POLMA RAANGWAH SITI 11:20

Arepa toangtang. Thinma lepute dâlemdi phakjâeka, ngale nemin putedâlem junkoba ere bãngko choatkhhek ehèn. Rohkomin ererãngma nekngamrii en; erenoma Joban ranchei letma tongen.

ROMAN HEHNÂNG POLMA RAANGWAH SITI 11:25

Ngalemruchha heh, Ngama nenâng Joban ngewah toangtang ngin jetthuk hunka, erepumma nedede jet ajien ngama thonghunrii eken kowah ejeksiet hèn. Arepa Isrial mihnyan heh hung arincheh ekapa roantangrãng chehdangmah, rohkomin Jews ledangte heh Joban tânâng roak lânleroh mahû tungkoba elekcheh a.

ROMAN HEHNÂNG POLMA RAANGWAH SITI 12:3

Ngale Joban ma nganâng mînchenchaan kohjunko ngama nekhu anga nganâng thôkoh eka: Ne chentô thenga erekowah nededema ajah nekbâm dong thonghunrii en. Erenoma, sâpoangpoang thonghun en, ngale Joban ma nenâng putedâlem pa chentô koh ehèn a erejunko nedede thonghunrii en.

ROMAN HEHNÂNG POLMA RAANGWAH SITI 15:5

Ngale nãnghung môngsiette erediko nãnghung dôngsiette Joban pumma nekhu dede tungnângmin Jisu Krista dijun letma hungthe rinthe ngale jutjut jaangjaang chendangthuk hèn,

ROMAN HEHNÂNG POLMA RAANGWAH SITI 6:2

Eroh chenthumin dangmah! Nãnga papnâng lâriitih - phumma pap khenkojû chenroh jienthãm lektongea?

1 KORINT 1:10

Ngalemruchha heh, nãng Teso Jisu Krista chaanjunko ngama nekhu chentô nâng rosep eka, nema chenni jabeken a ereko hungjut letma mamkepen, eroh medang enkoba nekhu tungnâng mâmâ ledang edangen. Senthemthem jut ajaang letma tongen, hungthe rinthe, ngale moatlem katlem nângmin wanthe dangletma tongen.

1 KORINT 3:18

Nema nedede nekbasietrii en. Nekhuwah henma komin atea are hahtokkhoh junko jet ajien ngama methong hunrii ako, atea are hahtokkhoh ko aba rãngrãng dângmêngmin, erohkoba linlin jet ajien eta danga.

1 KORINT 4:10

Chenrãngma ngako Krista rãng sênrãngma nia aba rãngrãng dangeki; rohkomin nekhua Krista demnâng roamletma jet ajien dangeken! Nia loboan dangeki, rohkomin nekhua lochaan! Nia thãjõ lembe hôanehi, rohkomin nea dôngsiet re ehèn!

1 KORINT 6:5

Rêsê metne! Linlin nekhu chhangko Kristan dede tungwah ngin ariet heh tâphensiette jet ajien mihnyan wathe komin etonga.

1 KORINT 8:2

Henma komin ngama jôba jet ekang ngama thonghun eka erepumma chentô jetthin a erepa takhem jetmah.

2 KORINT 13:11

Ngale ngalemruchha heh, ade dangeka, atô kojô jekmêng ekang! senthemthemjô dângrãngma latrii en; Ngama rosep eka komin mamjetat ha; wathema wathe demko jutjut jaangjaang dangletma tongen; mêmoma songtongen. Eroh koba Ahunte ngale mêmo Joban pa nekhu demnâng etonghèn.

FILIPIEN 1:27

Ngale ade dangeka, chentô noma alemli thôan pa, nekhu roandôngpa Krista nginkongsen ma chenroh huneka ererãngrãng dangen, erohkoba Nga nekhu tânâng lehûrâng komin, ba mehûrâng komin, ngama nekhu hung jutletma mãntheko rongtêngtêng putedâlem eken, erediko aroamma nginkongsen rãngma roamlatrii eken ngama etat ang.

FILIPIEN 3:16

Erepa chenrohjô medang akomin, nãngkhu anga nga athuwah rãngrãng mãnthe tuta mamdang lihma amanâng wãnge.

FILIPIEN 4:2

Iuodia ngale Sentiki, Ngama nechhe nâng Teso mînko nya anaa rãngrãng thonghunmîn letma mamsenmîn en ngama rosep eka.

HIBRU 13:5

Ne roandôngko ngun akem nâng hangbalin nek hun en, ngale nenâng chenni tonghèn a ere demko rinme letma tongen. Chenrãngma ngako Joban ma ngaeka, “Ngama chenthumin thinphemah; ngale Ngama chenthumin lekphemah.”

1 PITER 3:8

Athôanko dangeka: Nekhu anga nga hungthe rinthe ngale mãnthe tuta thonghun en; wathema wathe nâng hun achhâmin en, mînchenmîn re en, ngale wathema wathe demnâng numnene dangen.

1 PITER 5:3

Nema sokare rãng kohthen mihnyan heh khoko pênletma nekngam poarii en, rohkomin ere mihnyan hehnâng nema asen khesok en.

3 JON 1:9

Ngama Asâthem hehnâng siti athoanchha raangtek; rohkomin thin lemsênte khhepho phannang dânghunte Diotrephes ma Nga nginko nâletha edanga.