ROMAN HEHNÂNG POLMA RAANGWAH SITI 12:12 - NIEMNYAN Naga NT (BSI)

¹² Nema dâlem eken pumma khuhah nâhah chendangthuk hèn, chêmpoat komin hungmôngsiet letma tongen, ngale sanpoat roakweih rangsoam letma tongen.

ROMAN HEHNÂNG POLMA RAANGWAH SITI 12:12 Iomraidhean Croise

MATHIU 5:12

Khuhah nâhah dangen, chenrãngma ngako rangkhethung nâng nerãngma nyahrãng hînhô dong thienko lahma tonga. Erohjôba nemawah Mõng dangtah hehmin chêmthuk wah.

LUK MA RAANGWAH NGINKONGSEN 10:20

Rohkomin juchhih hehma ne ngin kepdi nekroan en; erenoma ne mînpa rangkhethung nâng raangdiba roanrii en.”

LUK MA RAANGWAH NGINKONGSEN 21:19

Putedâlem nâng rõngtângtâng dangen, erohkoba nedede eta pesietrii en.

LUK MA RAANGWAH NGINKONGSEN 8:15

Hahsenko chatjâte chhah rãngrãng heh dangeka thinma Joban ngin tatlahma thinhung nâng senthemthem thien lahma kepeka, ngale ari mahong hongri thinma jabkhab pa kepwak eka.

MOATLEM 1:14

Thinkhu roantang rangsoam rãng aroamma chîkhôan wah, thindemko dihiaknyu heh, Jisu nyong Mariam ngale atenaa hehmin chîhokwah

MOATLEM 12:5

Erohwah Piter phâtek nâng sekwah, rohkomin Asâthem hehma Joban nâng ate rãngma nyahrãng hungkoh lahma rangsoam wah.

MOATLEM 2:42

Ere mihnyan hehma thin sanpoat pa moattat chhoante hehma hethôeka heh helahma chhoanthuk wah, ngale thin demnâng roamtong, roamphhek chhah, erediko rangroamsoam relahma chhoanthuk wah.

MOATLEM 6:4

Ephumma nãngkhu sanpoat phangtang rangsoam ngale Joban ngin phoangthônâng koh e.”

ROMAN HEHNÂNG POLMA RAANGWAH SITI 15:13

Dâlem kohte Joban pumma khuhah nâhah chendangthuk hen ngale nema atenâng putedâlem junko mêmo chendangthuk hèn, erohkoba nema thonghun letma dâlem ekenpa Asâthôanju chaanma jêngdong dongwãng erea.

ROMAN HEHNÂNG POLMA RAANGWAH SITI 15:4

Joban nyapraang nâng chentô raangthien ekapa nãngnâng hethhô rãng raangthien eka, erohwah Joban nyapraang pumma nãnghung môngsiet junko ngale nãnghung dôngsiet junko nãngma thonghun ekipa etachoh e.

ROMAN HEHNÂNG POLMA RAANGWAH SITI 2:7

Wawathe hehma asenli heh molahma, mîndông, choangpe, ngale leriili roandông pa lemeka; erehehnâng Joban ma roantang roanjêng lethôan roandông ekoh a.

ROMAN HEHNÂNG POLMA RAANGWAH SITI 8:25

Rohkomin nãngma lekhe thangma medâlem eko, erepa nãngma hungmông sietlihma ebem e.

1 KORINT 13:13

Rohkomin are wanrem kowah: Putedâlem, akhâ, ngale hun achet; phumma are wanrem kowah adongthôanpa hun achetmîn pa.

2 KORINT 12:8

Ere chet akhup hehrãngma ngama Teso nâng ngaphoang kowah rephe kohhang ditrem soamtek.

FILIPIEN 3:1

Ngalemruchha heh, athôanko, Teso demnâng roamletma khuhah nâhah dangen. Ngama khemako nenâng raangtah ngin heh ademin nekhu nâng wîenthe depraangrãng nga jõriimek, chenrãngma ngako Ngama eroh methe depraang ako erepa nekhu rãngma asen edanga.

FILIPIEN 4:4

Teso demnâng aroamma dangletma roantangma khuhah nâhahjû dangen. Ngama erepa ademin thethôkoh eka: khuhah nâhah dangen!

KOLOSIEN 1:11

Ate ngewah chaan pumma nemin chenchaan thukhèn, erohkoba nema rongruppa hungmông rinmông dangletma etadô en. Ngale khuhah nâhah dangletma dangkoh a ngama Wa Joban nâng ngatmin, Joban ma atenâng putedâlemte mihnyan hehrãngma ate wenphiak Hahsông theko thienkoh eka heh nenângmin tachohthuk ehèn.

KOLOSIEN 1:27

Joban ma thonghun ekapa atenâng putedâlemte chentô mihnyan hehrãng atema thien kotah are nyahrãng patritli nginsen pa ate mihnyan hehnâng jetthukrãng huneka. Ngale ere nyahrãng patritli nginsen pa dangeka, ne sekkhen nâng Krista tongka ehèn, erohwah nekhumin Joban mîndôngko ejohroam en.

KOLOSIEN 4:12

Jisu Krista haa ngale nekhu lemrujô Ipafras memin nenâng salem matkat ehèn. Atema roantangma nekhurãng nyahrãng rangsoam kohjû, ngale Joban ma nekhu rongtengtengjû, erediko hungchit phannang Kristansen, ngale Joban hungsi junkojû chendangen ngama soamkoh ehèn.

KOLOSIEN 4:2

Roantang rangsoam letma tongen, ngale rangsoam poatko jetletma soam en, ngale Joban nâng dangkoh a nga en.

1 THISALONIKA 1:3

Chenrãngma ngako nima nãng Wa Joban nâng rangsoamko, nekhuma putedâlem junko moeken heh, ngale nema hun achetmîn junko chaanrii letma moeken heh, ngale nema nãng Teso Jisu Krista nâng putedâlem letma tok anaa eken heh rângchhemhun e.

1 THISALONIKA 5:8

Rohkomin nãnga rangwonãng tôngte mihnyan, ngale nãnga met hin dângmin. Nãngma putedâlem le hun achetmîn pa lakkha rãngrãng keplihma tôngmin, ngale khope pa nãng khoko jankhophok rãngrãng phokmin.

2 THISALONIKA 1:4

Erohwah nededema Joban nâng putedâlemte Asâthem hehnâng nekhu rângthôeka. Nekhuma ato chêmchoh komin lejek thangma tadô letma putedâlem eken heh rângthôeka.

2 THISALONIKA 3:5

Joban ma hun achet nginpa Teso ma nenâng senthemthem chenmam jetthuk hèn, ngale Krista ma tadôeka rãngrãng nenângmin chenmam tadô thukhèn.

1 TIMOTHI 6:11

Rohkomin nanga Joban mihnyan, arerãngrãng chentô hehwah ataangnâng tongo. Toangtang, Joban rinmeli, putedâlem sen, hun achet, chentôpa mamtadô, ngale numnene dângrãngba latriio.

2 TIMOTHI 3:10

Rohkomin Ngama hethôeki nginpa, ngajat apat, ngale nga roandôngko mongthem heh nangma kepeko; nangma nga putedâlem, nga hungmông rinmông, hun achet, erediko ngama tadô ekang hehmin lâkhe thang,

TITAS 2:13

eroh danglihma nãngma dâlemki rangwosen pa bemlae, ere jâko nãng Joban dongthôan ngale nãng Pângte Jisu Krista rânghong mîndông demnâng ehongkara.

TITAS 3:7

erohwah ate mînchenchaan junma nãngkhu Joban demnâng toangtang dangeki, ngale nãngma dâlemtih roantang roanjêng roandôngpa choheki.

HIBRU 10:32

Thonghuntan en, amako nedemnâng chenroh dangtah a. Ere sanpoatko, Joban wenpa nekhoh nâng phiakkat diko, nema ajahthem chêmchei chohtet, rohkomin, nea ere chêmchei pumma tajienho.

HIBRU 10:36

Joban hung junko jienmoatrãng ngale Joban ma toamsem tahpa tâchohrãng nea hungmôngmông dangletma tôngmin.

HIBRU 12:1

Nãngkhu rãngma putedâlem ngenâng nãng tumlitko hâkhi hôante mihnyan jahmõang tonga. Erohwah, nãnglem kowah tengbeng thukthin chentôpa rephe e, ngale nãng lephongthuk thangma tângsiette pap hehmin rephe e, ngale nãngma wah nãngrãng thienkoh ehi toatchhoan mîn pa nyahrãng hung arin kohlihma toatchhoan mîn e.

HIBRU 3:6

Rohkomin Joban humko Krista ma Chha danglahma senthemthem putedâlem lahma moeka. Erohwah, nãngma chenni nâng khalihma putedâlem ekia ererãngma nãnghung dongdong, ngale senthemthem putedâlem lihma metong eko nãnga ate hum.

HIBRU 5:7

Jisu ma ate roandôngpa are hahtokkhoh ko dângpoatko ate ritwah tâpesiette Joban nâng mitphi demnâng nyahrãng raksep lahma rangsoam nungma roatsep wah. Chenrãngma ngako atea numnene ngale nyahrãng hung kohlahma soamdi Joban ma ate rangsoam pa tatwah.

HIBRU 6:12

Nima nekhua ajõ dâng hunmah, rohkomin putedâlem lahma hung tâmôngloatte dangen ngama huneka, ngale eroh moletma Joban ma toamsem tahpa choh en.

HIBRU 6:15

Abraham ma hungmongsiet lahma bemwah, erohwah Joban ma chenni toamsem tah a epa atema chohwah.

JEMS 5:7

Ngalemruchha heh, Teso mangak ngaka hung arin môngmông tongen. Thatsû tan en, pitmoatte hehma thinpit wah chhah heh mamun munwãng chenroh rângbem a. Thinma rangcho chobengwah rangpat ngale chojekwah rangpat heh thin pitwah chhah hehrãngma hung arin môngmông danglahma rângbemla a.

1 PITER 4:13

Erenoma nema Krista demnâng atema chêmchoh tahko johchêm ekang ngama thonghun letma rinroan en, erohkoba chenthu Krista mîndong lahma hôngkat jâko nemin nyahrãng khuhah nâhah edangen.

1 PITER 4:7

Chentô pejô athôan sanpoat pa lâhûtha. Erohwah nedede min hungmông rinmông, ngale jetletma dangen, eroh metong enkoba nema rang ejiensoam en.

2 PITER 1:6

ngale nema Joban ma hun ekepa jet eken leko nehung nerin môngmông tongen; ngale nehung nerin môngmông tôngleko atadô min rii en; ngale atadô riikenpa Joban jetletma tadô en;

LOATKHESOK 13:10

Henhen loatritmin a, ereheh metkep eloriia; Ngale henhen dengnâng ritdoak ritmin a, ereheh metkep dengnâng erit doakriia. Arepa Joban mihnyan hehma tadô letma Joban nâng senthemthem putedâlem rãng thôkoh eka.”