ROMAN HEHNÂNG POLMA RAANGWAH SITI 12:10 - NIEMNYAN Naga NT (BSI)

¹⁰ Kristan rãngrãng wathema wathe nâng senthemthem hunmînmin, ngale wathema wathe nâng rancheimîn letma khesokmîn en.

ROMAN HEHNÂNG POLMA RAANGWAH SITI 12:10 Iomraidhean Croise

MATHIU 20:26

Phumma arerãngrãng pa nekhu tungnâng nekdangen. Nekhuwah henkomin adongdâng mehun enko, atea anga ngarãngma haa rãngrãng chendanga;

LUK MA RAANGWAH NGINKONGSEN 14:10

Erohwah, chenthu ne meroo hènko wãngletma tôngthin anumthôanko tonghû en, erohkoba ne roote tângtewa pumma kalahma, ‘Nga lemruchha, wãngro tôngthin senko tongwãngro’ ngama nenâng eroohèn. Eroh koba mihhan heh mako thensânsân edangen.

JON MA RAANGWAH NGINKONGSEN 15:17

Erohwah ngama arepa nenâng chieneka: wathema wathe nâng hunmîn en.

JON MA RAANGWAH NGINKONGSEN 17:21

Thinkhu phangtang wantherãng chendanga ngama soam ekang. Wa! thinmin nãngdemnâng chendanghi, chenroh nga nangnâng ngale nang nganâng dangeki rãngrãng thinmin wanthe chendanga. Eroh koba hahtokkhoh mihnyan nyuchha ma nga a nangma chienkatwah ngama eputedâlem hang.

MOATLEM 4:32

Putedâlemte heh hung arin nâng wanthe danglahma tôngwah. Henmemin ate chhahkhem pa ngathiak ngama ngatte aho dângwah, thinthiak chentô tonga, ereheh anga ngama aroam roamma kepwah.

ROMAN HEHNÂNG POLMA RAANGWAH SITI 13:7

Erohwah, nema thinnâng kohthinpa koh en; nedede thãmin, ngale chhahkhem thãmin koh en, ngale thin chentô ran cheiletma khesok en.

GALATIEN 5:13

Ngalemruchha heh, nekhu rãngma dangeka, nekhua Joban ma hungsiko tongrãng rooehèn. Rohkomin, nehungsiko dangeken junma, ne hei angem phoangma chenni huneka erejunko nekdangen. Erenoma, hun achhâmin letma wathema wathe nâng chohsûmîn en.

GALATIEN 5:22

Rohkomin Joban Juma hun achetmîn, khuhah nâhah, mêmo, hungmôngma tadô, mînchen, asenli, ngale putedâlem,

GALATIEN 5:6

Chenrãngma ngako chenthu nãnga Jisu Krista demnâng meroam tihko, khoankhen niem mehôan ekomin, ba lehôanjô medang ekomin erepa chenjô mâmâ dangmah; hun achet demko putedâlem peba lemeka.

FILIPIEN 2:3

Chenni min mâmâ dede mînsênrãng ngama thonghun letma nekmo en, wathema wathe demnâng numnene dangen, ngale roantangma nedede noma mihhan ba asen ngama thonghun en.

KOLOSIEN 1:4

Chenrãngma ngako, nema Teso Jisu Krista nâng putedâlem eken le, nema chentô Joban nâng putedâlemte mihnyan hehnâng hun achhâ eken heh nima chohtattih.

1 THISALONIKA 4:9

Wathema wathe nâng hun achhâmîn en ngama nenâng chêmraang thin dangmah. Nekhuma wathema wathe nâng chenroh hun achetmîn min a erepa Joban ma hethôthen.

2 THISALONIKA 1:3

Lemruchha heh, nekhurãng nima Joban nâng sanpoat roakweih dangkoh a ngaeki. Nima are dangkoh a ngaeki pa angat khônâng ngaeki, chenrãngma ngako, ne putedâlem pa nyahrãng dongeka, ngale nekhuma wathema wathe nâng hun achetmîn pemin nyahrãng dongeka.

HIBRU 13:1

Kristan pho anaa rãngrãng wathema wathe nâng hun achhâmîn letma tongen.

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 2:17

Anga nga demnâng asen tuta dangen, putedâlemte ahan hehnângmin hun achhâ en, Joban dongthuk en, ngale Chofa rancheichei dangen.

1 PITER 5:5

Ererãngrãng leta lechhih hehmin ne khhepho phannang heh khenko thin nginkepkep dangen. Ngale wathema wathe nâng jienchohsok mînrãng nekhu anga nga numnene tuta dangen; chenrãngma ngako Joban nyapraangma ngaeka, “Joban ma ngam apoate mihnyan hehnâng hunmah, rohkomin numnene dangte mihnyan hehnângba senchoh eka.”

2 PITER 1:7

nema Joban jetleko Kristan rãngrãng mînchenmîn en; ngale Kristan rãngrãng mînchenmîn leko hun achetmîn re en.

1 JON 4:11

Lemruchha heh, Joban ma nãngnâng aroh mehun hiko, nãngmemin wathema wathe nâng hun achetmîn min.

1 JON 4:20

Nãngma Joban nâng huneki ngalihma, nãngpho anaa hehnâng memitchek eko, nãnga mothô. Chenrãngma ngako, nãngma mitma khe mihnyan hehnâng lehun medang eko, mitma lekhe Joban nângjã chenthujô jienhunmih.