ROMAN HEHNÂNG POLMA RAANGWAH SITI 12:1 - NIEMNYAN Naga NT (BSI)

¹ Erohwah, ngalemruchha heh, Joban ma nãngkhu nâng mînchendong tôngjunko Ngama nenâng rosep eka: Ne roandôngpa nededema Joban moatlem nâng ahîn jebjebma koh en, ate moatlem moatrãng lolo chendanga ngale ate rinmeli chendanga. Eroh kohletma soam roak eken pejôba toangtangma soam roak eken.

ROMAN HEHNÂNG POLMA RAANGWAH SITI 12:1 Iomraidhean Croise

LUK MA RAANGWAH NGINKONGSEN 7:47

Ngama nangnâng thôkohki, atema nganâng nyahrãng hun khesok ehang junko atewah ajahthem pap heh map lâchohtah ngama khesok eka. Henhenma amãnchha map choh eka erehehma amãnchha hun ekhesok a.”

ROMAN HEHNÂNG POLMA RAANGWAH SITI 12:2

Nededema are hahtokkhoh kowah mihnyan heh rãngrãng nekdangen, rohkomin Joban ma nehung nerin phangtang khenwah chenlitsiet hèn. Erediko ba Joban ma hun ekapa nema eta jetlo en - chenrepa asen a ngale chenre pumma Joban rinme thukeka ngale chenrepa apunlia erepa etajetlo en.

ROMAN HEHNÂNG POLMA RAANGWAH SITI 15:16

erepa Jews ledangte heh demnâng moatrãng nga a Jisu Krista haarãng dangthuk ehang. Ngale ngama soam aroakte rãngrãng danglekma Joban wah Nginkongsen pa phoangthô ekang, erepa Jews ledangte hehmin Joban rinmeli joapsoap wah rãngrãng chendanga, ngale Asâthôanju junma Joban moatlem nâng lolo chenkepwak a ngama moekang.

ROMAN HEHNÂNG POLMA RAANGWAH SITI 15:30

Ngalemruchha heh, nãng Teso Jisu Krista ngale Juma kohehi ahun junko, Ngama nenâng rosep eka: Nãngkhu roamlihma ngarãngma Joban nâng chaanhôan lihma rangroamsoam e.

ROMAN HEHNÂNG POLMA RAANGWAH SITI 2:4

Ba nema atewah adongthôan mînchen, atâdô, ngale hungmông heh lekep dangthem eken. Linlinko nema Joban mînchenchhan pa jetmin, chenrãngma ngako atema nehung litthuk hun ehèn.

ROMAN HEHNÂNG POLMA RAANGWAH SITI 6:13

Ngale ne phoang kowah kaamchhih moatrãngma papnâng chhupthemin nekkoh en. Erenoma, nedede phoangpa ritwah ngakhîn thukte Joban nâng koh en, ngale kaamsen moatrãngma ne phoang phangtang atenâng koh en.

ROMAN HEHNÂNG POLMA RAANGWAH SITI 6:16

Linlinjô nemajet, chenthu nemin mihnyan wathe nginkep letma ate haa rãngrãng medang tetko, linlinjô nema hen nginkep eken a erehaa lâdangtet - pap ngin mekep enko rit rêmin, ngale Joban ngin mekep enko ate demnâng toangtang dângmin.

ROMAN HEHNÂNG POLMA RAANGWAH SITI 6:19

(Ne hei angem hung pumma letajet dâng phumma ngama mihnyan nyuchha ngin rãngrãng jabekang.) Poatthe nema nedede phoangpa phangtang ngek atek, chhih akhahli, erediko kaamchhih heh moatwah. Ererãngrãngjô ade phumma nededema ne phoang phangtang Asâthôan kaam moatrãng toangtang haarãng dangthuk en.

ROMAN HEHNÂNG POLMA RAANGWAH SITI 9:23

Ngale Joban ma ate mîndong pa khesok huneka, ere mîndong pa Joban ma ate ngewah mînchen chohte heh khohnâng koheka. Ngale Joban ma ere mîndong pa chohrãngma nãngkhu khoakhem ehi.

1 KORINT 1:10

Ngalemruchha heh, nãng Teso Jisu Krista chaanjunko ngama nekhu chentô nâng rosep eka, nema chenni jabeken a ereko hungjut letma mamkepen, eroh medang enkoba nekhu tungnâng mâmâ ledang edangen. Senthemthem jut ajaang letma tongen, hungthe rinthe, ngale moatlem katlem nângmin wanthe dangletma tongen.

2 KORINT 10:1

Nga Pol, ngadede ngewah nenâng rosep eka-chenthu nga nedemnâng dângpoatko numnene, rohkomin chenthu nga netawah metaang chhoantekko lângmõang dangeka ngama ngaeha. Krista mînko numnene ngale amînchen demnâng danglekma

2 KORINT 4:1

Joban ma mînchen junko nãngnâng are moatlempa mothuk ehi, ngale erohwah nãngma hungchha arinchha ledang thangma moe.

2 KORINT 4:16

Erohwah nihung chenthumin chhamih. Ni hei angem phoangpa arere mejô methôan sanjâ hikomin, Jupa rangwo roakweih anyan dangeka.

2 KORINT 5:20

Erohwah nima Krista rãngma jabeki, ngale Joban ma ate dedema roatsep wah rãngrãng nikhu junma rosep ehèn. Nima Krista mînko rosep eki: Joban ma ate ran dangtet pa ate lemruchha rãng chenlitsiet hèn!

2 KORINT 6:1

Nima Joban demnâng aroamma molihma nenângmin henhenma Joban mînchenchaan pa chohtet a ereheh nâng Joban mînchenchaan pa mahto nâng nekdangthuk en ngama rosepeka.

IFISIEN 4:1

Erohwah, Ngama nenâng rosep eka - Ngama Teso nâng soam atôdi Nga phâtek nâng khhekthien ehang: Joban ma nea chenroh sôngtôngrãng rooehèn a eroh songtongen.

IFISIEN 5:10

Chenni ma Teso rin jienme thukmin a erepa jet en.

FILIPIEN 1:20

Ngama hungkhen wah thonghun lekma putedâlem ekang, ngama chenthumin Krista nginpa lephoangthô ledangmin, sanpoat roakweih, ngale ajahthem pejô athângheh sanpoatko, Nga chenni ranjô lechei edangang, erohkoba Nga ahînma medang angkomin ba ritjô mere angkomin Nga roandông dôngtangko Krista mîn edongsiet ang.

FILIPIEN 2:17

Ne putedâlem junko ne roandôngpa Joban nâng koh eken demko, Nga roandông hei pemin joapsoap rãng rangtêmmin kohwah rãngrãng nedemnâng ejoh danga. Eroh medang ako, Nga rin eroan ang ngale erepa nekhu anga nga demnâng ejohroan a.

FILIPIEN 4:18

Nema Nganâng rongrup kohtha heh Ngama phangtang lâchohtek - ngale Ngama lemekang nomemin ajah choh ekang! Ne ngewah hînhô heh Ipafoditus ma Nganâng katkohthang, erohwah Ngama chentô lemtek a ere chentôpa lâchohtek. Newah hînhô heh Joban nâng tummêngmêng soam aroakwah rãngrãng. Ererãngrãng soam aroakpa Joban ma kepeka ngale ererãngrãng heh demnâng Joban rinme eka.

1 THISALONIKA 4:1

Lemruchha heh, Chenrohma Joban rinhung sênli roandông jiendôngmin a erepa nema niwah lâhethi. Adângte nea erohjô songtong letma dângwah. Ngale athâng hehmin nima nãng Teso Jisu Krista mînko nenâng erohjô ajahjah Joban rinhun sênli songtongen ngama rosep eka.

1 THISALONIKA 4:10

Ngale linlinjô nekhua Misidonia wah chentô Joban nâng putedâlemte mihnyan heh demnâng erohjô hun achhâmîn letmatong eken. Lemruchha heh erohwah, nima nenâng ere nomemin ajahjah hun achhâmîn en ngama rosep eka.

1 THISALONIKA 5:12

Lemruchha heh, nima nenâng rosep eka, nekhu Kristan roandôngpa asen dângrângma ne lemsênte ngale nenâng rîn akhah lahma nedemnâng moatte mihnyan hehnâng thonghun letma hun achhâ en.

1 TIMOTHI 2:3

Aroh pa asen ngale erohkoba nãng Pângte Joban rinme eka,

1 TIMOTHI 5:4

Rohkomin janthoinyu pa chhu achhawin medang ako, khebengko thin chhuchha hehma thinnâng senthemthem chenbeng khoakhem a, chenrãngma ngako eroh thinma thinnyong pa mekhoakhem akoba thinma thinnyong awa nâng thin khoakhêm thã ngakkohwah rãngrãng edanga, ngale erohkoba Joban rinme eka.

FILIMON 1:10

Erohwah Ngama nangnâng Onisimus rãng rosep eki, atea Ngarãngma Jisu Krista mînko echha linlin rãngrãng lâdangtah; chenrãngma ngako Nga phâtek khennâng tôngpoatko Ju ngenâng ate rãngma nga a wa rãngrãng lâdangtek.

FILIMON 1:9

Rohkomin Ngama nangnâng hun achet junko, roatsep ba reki. Are rosep ekipa Nga Pol Jisu Krista rãng moattat chhoante ma rosep eki, ngale athâng hehmin ate rãngma Nga phâtek nâng khhekrii ekang.

HIBRU 13:22

Ngalemruchha heh, Ngama nehung dôngthukrãng rîn akhah ngin thôkoh ekako nehung môngsiet letma mamjettat en ngama rosep eka; chenrãngma ngako Ngama nenâng are sitiraang ekapa nyahrãng alo nyong dangmah.

1 PITER 2:20

Chenrãngma ngako nema kaamchhih moatthã mewat hènko nema chenni echoh ena? Roh akomin nema kaamsen moattha chêmchei chohletma metadô enko, Joban ma erethã nenâng rang ekohhèn.

1 PITER 2:5

Ahîn long heh rãngrãng dangletma hunren, ngale nea Joban rangsoamhum hôanthin longrãng chenkep hèn, ngale ere humko soam aroakte Asâthôan dangletma nema Jisu Krista junma Joban nâng atema nyoakkepli joapsoap en.