ROMAN HEHNÂNG POLMA RAANGWAH SITI 11:6 - NIEMNYAN Naga NT (BSI)

⁶ Joban ma ate mînchenchaan junkoba ren eka, thinma chenni moeka ere moatlem junko rên dangmah. Chenrãngma ngako Mihnyan ma chenni moeka erejunko Joban ma meren ako, ate mînchenchaan pa alinlin mînchenchaan ledangmin wah.

ROMAN HEHNÂNG POLMA RAANGWAH SITI 11:6 Iomraidhean Croise

LUK MA RAANGWAH NGINKONGSEN 6:13

Rangkhahko, atema dijunte heh ate tâko roolahma thinkhuchhang wah echhi wanii rênwah, phumma atema thinnâng moattat chhoante ngama ngatwah:

1 KORINT 15:10

Rohkomin nga a athângheh chenroh dangekanga erepa Joban mînchenchaan junma tadang ekang, ngale atema nganâng mînchenchaan kohthangpa mahto nâng dangmah. Erohwah, ngama moattat chhoante ahanheh noma ajah bâmchaan moekang, rohkomin erepa ngadede chaanma lolomoat dangmek, Joban mînchenchaan pa nganâng tonglahma johmo ehang.

GALATIEN 2:21

Ngama Joban mînchenchaan pa choh lehun dangmek. Rohkomin Niemarang junma mihnyan pa Joban demnâng toangtang meta dangako, Krista ritpa mahto nâng mahriieka!

GALATIEN 5:4

Nekhuwah henhenma Niemarang pa kepletma Joban demnâng toangtang tâdâng hun eken a, ereheh Krista demwah taangmin eka. Ngale nekhua Joban mînchenchaan khennâng dangmet.

2 TIMOTHI 1:9

Atema nãngkhu pepâng lahma atedede mihnyan dângrãng rooehi, erepa nangma moatlemsen moatjunma dangmah, ate dedema hunlahma ate mînchenchaan junko pepâng ehi. Rangle Hahtokkhoh hôan mama are mînchenchaan pa atema Jisu Krista junma nãngnâng kohehi.

TITAS 3:5

atema nãngkhu pêpângwah. Rohkomin erepa nãngkhu dedema chenni akomin kaamsenmoat junko dangmah, erepa atedede ngewah mînchenchaan junma pepâng ehi, ngale Asâthôanju junma nãngkhu sâsiet lahma anyan rãng ngakchhathuk lahma roandông nyan kohehi.