ROMAN HEHNÂNG POLMA RAANGWAH SITI 11:1 - NIEMNYAN Naga NT (BSI)

¹ Erediko ngama thôngphâ wah: Joban ma ate mihnyan heh phere eka? Phemah! Ngadede min Isrial mihnyan, Abraham chhuchha, ngale Benjamin jatwah.

ROMAN HEHNÂNG POLMA RAANGWAH SITI 11:1 Iomraidhean Croise

LUK MA RAANGWAH NGINKONGSEN 20:16

“Ate kalahma ere mihnyan heh phangtang eritpheka a, ngale angurthongpa mihhan demnâng eroam motûa.” Mihnyan hehma erengin pa tatlahma, “Aroh chenthumin dangmah!,” ngama ngatwah.

MOATLEM 22:3

“Nga a Jews, Kilika wah Tarsus hahnâng chhatwah, phumma are Jeroselem hah kowah Gamaliel khenko nyapweihte danglekma dông aloatwah. Ngale ngama nãngte nãngwa heh Niemarang heh nyahrãng chaankoh lekma hewah, erediko thejâ arekowah nekhu rãngrãngjô ngamin Joban nâng nyahrãng hungkoh lekma soam atôte dângwah.

MOATLEM 26:4

“Leta thuma nga chenroh songtongtek a ereheh chentô Jews hehma jethang. Khebengko nidiak nâng, erediko Jeroselem nâng nga roangdong chenroh dongtek a ereheh thinma jet.

ROMAN HEHNÂNG POLMA RAANGWAH SITI 11:11

Erediko ngama thôngphâ ekang: Jews heh chenthu dakho thutriitah a? ngale lejien ngaksen tuli lânchhih jâroh chenthu jâriitah a? Erohmin dangmah! Jews hehma pap moatjunko, thinma chenphetwân a ngama khope pa Jews ledangte hehma choh eka.

ROMAN HEHNÂNG POLMA RAANGWAH SITI 3:4

Eroh chenthumin dangmah! mihnyan heh phangtangjô mothô medang akomin, Joban pa toangtang. Joban nyapraangma aroh ngaeka, “Nangma jab eko jabkhab pumma nanga toangtang ngama chenkhesok a; ngale chenthu nangnâng metlo lahma mesekham hoko, erepa nangma jien o.”

ROMAN HEHNÂNG POLMA RAANGWAH SITI 9:3

ere chêmpa nga mihnyan ngale ngadede hei angem hehrãngma choh ekang! Thinrãng mejô mesen ako nganâng Joban memin chentem athoak hang ngale Krista tâwahmin chenphansiet hang ngama hun ekang.

2 KORINT 11:22

Thin a Hibru jat ne? Ngamin Hibru jat jôba. Thin a Isrial jat ne? Ngamin Isrial jat jôba. Thin a Abraham chhuchha ne? Ngamin Abraham chhuchha jôba.

FILIPIEN 3:5

Nga jâeset jâko khoankhen niem pa hôanwah. Ngale Nga achhat mejû Isrial mihnyan, Benjamin jatwah chhatwah, ngale Hibru hei linlin wah chhatwah. Jews heh Niemarang jun komin Nga Farasi,