ROMAN HEHNÂNG POLMA RAANGWAH SITI 10:6 - NIEMNYAN Naga NT (BSI)

⁶ Rohkomin putedâlem junko Joban demnâng toangtang dângjunma Joban nyapraangma aroh ngaeka: “Rangkhethung nâng henwângmin a, ngama nedede nekchhienrii en?” (eroh mechhienrii enko, erepa Krista jâsiet eken).

ROMAN HEHNÂNG POLMA RAANGWAH SITI 10:6 Iomraidhean Croise

JON MA RAANGWAH NGINKONGSEN 6:33

Chenrãngma ngako Joban ma koheka phhekchhah pa rangkhethung wah kalahma hahtokkhoh nâng roandông chohkoh tepa.”

JON MA RAANGWAH NGINKONGSEN 6:38

Chen-rãngma ngako nga rangkhethung wah nga hungsiko moatrãngkat dangmahrâng, ngachien katte hungsiko moatrãng kaerãng.

JON MA RAANGWAH NGINKONGSEN 6:58

Are phhekchhah pa rangkhethung wah kaera; arepa nete newa hehma chhah lahma khediko rit rewaktah rãngrãng dangmah. Henhenma are phhekchhah pa chhah eka ereheh roantang roangjêng rãng hînmin.”

ROMAN HEHNÂNG POLMA RAANGWAH SITI 3:22

Mihnyan hehma Jisu Krista nâng putedâlem junko Joban ma ate demnâng toangtang dangthuk eka. Joban ma arepa henhenma Krista nâng putedâlem eka ereheh toangtang dangthuk eka, chenrãngma ngako chentô mihnyan nyuchha pa khoakthe tuta:

ROMAN HEHNÂNG POLMA RAANGWAH SITI 3:25

Joban ma Jisu Krista ritphe thukwah, erohwah ate hei junko ngale mihnyan hehma atenâng putedâlem junko mihnyan heh pap map choh eka. Joban ma aroh moeka pa atea toangtang ngama khesok rãng moeka. Amako atema hungmông sietrii lahma mihnyan hehnâng thinpap junko lechêmthuk dângwah; phumma athângheh sanpoat komin Joban ma ate toangtangpa jienkhesok rãngma thinpap heh mapkoh eka. Aroh Joban ma ate toangtang pa khesok eka, rohkomin henhenma Jisu nâng putedâlem eka heh loloba toangtang dangthuk eka.

ROMAN HEHNÂNG POLMA RAANGWAH SITI 4:13

Chenthu Joban ma Abraham ngale ate chhuchha hehnâng rangkhen pa nedek khohko ekoh a ngama toamsem tahpa, thinnâng kohtah, phumma erepa Abraham ma Niemarang kep junko kohwah dangmah, Abraham ma putedâlem junko Joban ma atenâng toangtang ngama kepdi kohwah.

FILIPIEN 3:9

ngale ate demnâng senthemthem johroam ekang. Ngale Ngama Niemarang kep junko Nga toangtang dangmek. Ngama athângheh Jisu Krista nâng putedâlem junko toangtang dangekang, erepa Joban ma putedâlem junko koheka.

HIBRU 1:3

Joban mîndong lahma phiak ekapa atenâng chohkhe eki, ngale atea alinlin Joban rãngrãng, ngale ate jabkhab chaan pumma rangkhen pa roieka. Chentô mihnyan nyuchha heh pap rãngma map thâkoh diko, chentô noma achaanthôan Joban dekchah ngeko rangkhethung nâng tongwãng eka.

HIBRU 11:7

Putedâlem junma Noa ma atenâng Joban ma khedi wah dângwâng ngin thôkotah heh ate mitma lekhejô medang akomin Noa ma putedâlem wah. Atema Joban ngin keplahma Noa ma khôankho hôanwah, ere khôankhoko ate ngale ate humte tangkâ heh pewah. Phumma hahtokkhoh pa chhihsiet rewah, rohkomin, putedâlem junma Noa nâng Joban ma toangtang thôan ngatwah.