ROMAN HEHNÂNG POLMA RAANGWAH SITI 10:16 - NIEMNYAN Naga NT (BSI)

¹⁶ Rohkomin chentôma ere Nginkongsen pa kepmah. Isaia ma ate dedema ngatwah, “Teso, nãng nginko henma pute eka?”

ROMAN HEHNÂNG POLMA RAANGWAH SITI 10:16 Iomraidhean Croise

MATHIU 13:14

Erohwah Isaia mõngma thôtah nginpa thin khohnâng toangtang dangkaera: ‘Are mihnyan hehma chentojô mejetat akomin, lejet tatmin; thinma chentôjô mesû akomin, lejet khemin,

JON MA RAANGWAH NGINKONGSEN 10:26

roh akomin nema putedâlem met, chenrãngma ngako nea ngasaak dangmet.

MOATLEM 28:24

Khaka ma ate nginpa putedâlem wah, rohkomin khaka hehma putedâlem ho.

ROMAN HEHNÂNG POLMA RAANGWAH SITI 1:5

Ate junma Joban ma nga Jisu Krista moattat chhoante dangthuk ehang, erepa chentô diak akan wah mihnyan heh Jisu Krista nâng putedâlemte ngale ate ngin kepte dângthukrãng ren ehang.

ROMAN HEHNÂNG POLMA RAANGWAH SITI 11:17

Humnâng khiet apân eka Oliv bãngkowah bãngphak phakjâchhoan eka, phumma phakjâ chhoan re ekako wunwah Oliv bãngphak kowah choatkhhek hûeka. Ne Jews ledangte heh ere wunwah Oliv bãng rãngrãng, ngale ade phumma nema Jews heh demnâng roamletma Joban wah khope pa choh eken.

ROMAN HEHNÂNG POLMA RAANGWAH SITI 16:26

Athângheh ere toangtang pa mõng hehma raangwah junko loat eka; ngale roantang roanjêng Joban ma chien junko chentô diak akan hehnâng jetthuk eka, erohwah anga ngama putedâlem eka.

ROMAN HEHNÂNG POLMA RAANGWAH SITI 2:8

Khaka mihnyan hehma moatlem chhih dijunrãng chhahnyoak dangeka ngale toangtangpa kepmah; ereheh khohnâng Joban ma ate nyahrãng rinkhah chaanpa elên a.

ROMAN HEHNÂNG POLMA RAANGWAH SITI 3:3

Rohkomin khakama toangtangma leputedâlem rãngma chenni dângmin a? Erejunko Joban ma toamhoan tahpa toangtang ledangmin ne?

ROMAN HEHNÂNG POLMA RAANGWAH SITI 6:17

Rohkomin Joban nâng dangkoh a ngama ngaekang! Chenrãngma ngako rekthe nekhu paphaa dângwahjô medang enkomin, nehung phangtang kohletma nenâng hethô ehèn toangtang nginpa kep eken.

GALATIEN 3:1

Aba Galatien heh! Nea henma moksiet ehèn a? Nedede mitma Jisu Krista bãngphak khoko rittek pa senthemthem khetet!

GALATIEN 5:7

Nema sênmõang moatwah! Henma toangtangko putedâlem ekenpa jeksiet ehèn a? Atema chenroh jiennyoam ehèn a?

2 THISALONIKA 1:8

Joban lekepte, ngale nãng Teso Jisu Krista Nginkongsen ngin lekepte mihnyan hehnâng chêmthukrãng atea wendô demnâng ekara.

HIBRU 11:8

Putedâlem junma Abraham ma Joban ngin keplahma Joban ma atenâng kohrãng toamsem tah Diak ko wângrãng Joban ma rooko Abraham chhoanwah. Atema chennge nâng chhoan ekanga ere pejô lejetthangma ate Diak pa phethien lahma chhoanwah.

HIBRU 4:2

Chenrãngma ngako, thinma chohtattah rãngrãng jôba nãngmemin Nginkongsen pa chohtat eki. Rohkomin thinma nginkongsen pa mechohtat akomin, erepa thinrãng sekhota dângwah, chenrãngma ngako, chenthu thinma erengin pa chohtatko, erepa thinma putedâlem nungma kepmah.

HIBRU 5:9

Chenthu atea chentô noma asenthôan dângthuk phumma, ate ngin kepte chentô mihnyan hehnâng atema roantang roanjêng khope pa koheka,

1 PITER 1:22

Ade phumma nema toangtang nginkepkep dangletma nedede lâsâ sietriitet ngale putedâlemte mihnyan ahan hehnângmin nyahrãng hung arin kohletma lâhuntet, nekhu hung arin phangtang khenwah wathema wathe nâng hun achhâmîn en.

1 PITER 2:8

Ngale Joban nyapraang thehân nângmin aroh ngaeka, “Are long pumma mihnyan heh dakho ethutthuk a, ngale are longjan pumma ekôanriithuk wak a.” Thinma jabkhab ko lepute dâlemdi dakho thutwak eka; erepa Joban ma ate hung junko thin khohnâng eroh chendanga ngama moeka.

1 PITER 3:1

Ererãngrãng tangnyu hehmin ne tangwa nginngin ko dangen, erohkoba henma akomin Joban jabkhab ko leputedâlem medang ako, ne jatsen patsen pa khelahma eputedâlem a. Nema jabkhab mejô chêmngatthin dangmah.