ROMAN HEHNÂNG POLMA RAANGWAH SITI 1:4 - NIEMNYAN Naga NT (BSI)

⁴ roh-komin atea Asâthôanju junma, ritwah ngakhinsiet lahma Joban Chha ngama khesokwah.

ROMAN HEHNÂNG POLMA RAANGWAH SITI 1:4 Iomraidhean Croise

MATHIU 4:3

Ephumma Jisu tânâng juchhih pa hûlahma ngatwah, “Nanga Joban Chha medang oko, are longheh nâng phhekchhah rãng litjârãng chien o.”

MOATLEM 17:31

Ade phumma atema renlahma thieneka mihnyan pumma hahtokkhoh pa toangtangma rênrãngma rangwo kahtok lahma thieneka. Are nginpa linlin ngama chentô nâng jetthuk rãng atema ere mihnyan pa ritwah ngakhinthuk lahma khesok eka!”

MOATLEM 2:24

Rohkomin Joban ma ritwah ngakhinsiettah, ngale ritchaan kowah loatsiettah, chenrãngma ngako ritchaan pumma atea phâtek nâng khhekritte rãngrãng leta khhekthien min.

MOATLEM 2:32

Joban ma are Jisu pa ritwah ngakhinsiettah, ngale are linlin nginpa nikhu phangtang mitma khelihma thôeki.

MOATLEM 3:15

Roandông khope kohtepa nema ritphetet, rohkomin Joban ma ate ritwah ngakhinsiettah - ngale erepa nima mitma khelihma thôeki.

ROMAN HEHNÂNG POLMA RAANGWAH SITI 1:3

Arepa ate Chha, nãng Teso Jisu Krista junma hôanwah: atea phoangpa mihnyan nyuchha rãngrãng, Devit pôali wah hôngchhatwah;

2 KORINT 13:4

Linlinjô atea aboan dângjunko bãngphak khoko rittek rewah, rohkomin, Joban chaanjunko atea athângheh ahin. Erohwah ate demnâng johroam lihma nãngkhumin boan jôba; rohkomin nimin nekhu demnâng johroam lihma nãngkhu memin ate roandông kohwah Joban chaanko ejohroam e.

HIBRU 9:14

Phumma arepa toangtang medang ako, Krista hei pummajã chentôjah bâmsâsiet eka! Roantang roanjêng Ju junma atedede roandôngpa Joban nâng sâpoangpoang kohriieka. Ate hei pumma nãnghung arin heh ledangli niemarang hehwah esâsiet hi, erohkoba nãngma ahîn Joban nâng eta soamtôe.

1 PITER 1:11

Thinma erepa chenre sanpoatko dângmin a ngale erepa chenroh hokmin a ngama thatlemte wah. Ere sanpoatko thin khenwah Krista Ju tongeka pumma thinnâng Krista ma chêmchoh lahma atema ere chêmpa tadô lahma erediko atema mîndông rângthô choh eka heh jetthuk lahma loatthô thukwah.

2 PITER 1:21

Chenrãngma ngako, henmemin profisi pa mihnyan nyuchha hungsima hongjabmah, rohkomin mihnyan pumma Asâthôanju chaan junma Joban ngewah kaera jabkhab pa hongjab eka.

LOATKHESOK 1:18

Nga a ahînte pa! Nga a ritrewah, rohkomin Nga ade phumma roantang roangjêng rãng hinekang. Ngale Nganâng arit ngale hahtokkhoh wah arit amahthin heh khohnâng chaan tonghang.

LOATKHESOK 19:10

Ngama atenâng soamtô rãng ate dathongko khupjup wah, rohkomin atema Nganâng ngatwah, “Aroh nekmo! Ngamin nang rãngrãng erediko putedâlemte mihnyan ahan, ngale Jisu ma loatsiet eka hehnâng toangtangko rongtêngtêng danglahma tôngte heh rãngrãng haa jôba. Joban nângba soamtô o!” Chenrãngma ngako, Jisu ma loatsiet eka toangtang junma Mõng heh Joban ngin phoangthô rãng chaan choh eka.