ROMAN HEHNÂNG POLMA RAANGWAH SITI 1:3 - NIEMNYAN Naga NT (BSI)

³ Arepa ate Chha, nãng Teso Jisu Krista junma hôanwah: atea phoangpa mihnyan nyuchha rãngrãng, Devit pôali wah hôngchhatwah;

ROMAN HEHNÂNG POLMA RAANGWAH SITI 1:3 Iomraidhean Croise

MATHIU 1:1

Arepa Abraham Chha, ngale Devit Chha, Jisu Krista te awa heh nginkong.

MATHIU 12:23

Jisu ma ere moatpa khelahma, mihnyan heh bârit rewah. Thinma chhienwah, “Atea Devit chha danga?”

MATHIU 15:22

Ere diaknâng sôngte Kananet dihiaknyu ate tânâng hûlahma raksepwah, “Devit Chha!” “nganâng mammînchen hang! echha dihiaknya sekko juchhih lupeka, phumma nyahrãng cheili chêmeka.”

MATHIU 26:63

Rohkomin Jisu kihchepchep tôngwah. Eredikomin soam aroakte adong pumma atenâng ngatwah, “Ahinte Joban mînko toamsem lekma nangnâng ngaeki: Ninâng thôkohhi, nanga Joban Chha Misaia ne.”

MATHIU 27:43

Atema Joban nâng tok anaa lahma atedede Joban Chha ngarii eka. Thatsu tan e, athângheh Joban ma ate pepâng chenhun ale!”

MATHIU 3:17

Ngale rangkhethung wah jabkhab hongjab katwah, “Arepa ngachha, ngama Atenâng nyahrãng hun ekang, Ate demnâng nga nyahrãng rinme ekang.”

MATHIU 9:27

Jisu erethe kowah khôamchhoan thuko, mitdoak wanii atediko junkhôam wah. Thinma raksep wah, “Devit Chha! ninâng mammîn chenhi”.

LUK MA RAANGWAH NGINKONGSEN 1:35

Rangkhethung wah ngintatte ma dânthâng wah, “Asâthôanju nangkhoh ko ekara, ngale Joban chaanpa nangkhohko etong kara. Erohwah Asâthôan Naachha pa Joban Chha ngama ngatmin.

LUK MA RAANGWAH NGINKONGSEN 1:69

Atema ate haa Devit pôali wah, nãngnâng Pângte chaanthôan kohehi,

JON MA RAANGWAH NGINKONGSEN 1:14

Jabkhab pa mihnyan nyuchharãng litdang kaera, ngale atenâng mînchenchaan, ngale toangtang pa mênchong danglahma nãngdemnâng songkaera. Nãngma ate rânghôngpa kheki, ererânghông pa ate Wa Chha atelolo dângthã rânghông chohlahma khe eki.

JON MA RAANGWAH NGINKONGSEN 1:34

Jon ma ngatwah, “Ngama erepa khetek,” ngale “Ngama nenâng atea Joban Chha ngama thôkoh eka.”

JON MA RAANGWAH NGINKONGSEN 1:49

Nathaniel ma dânthâng wah, “Hethôte, Nanga Joban Chha! Nanga Isrial heh Lowang!”

JON MA RAANGWAH NGINKONGSEN 10:30

Ewa chenii a wanthe.”

JON MA RAANGWAH NGINKONGSEN 10:36

Nga dangeka, Wama renlahma hahtokkhoh ko chienkat ehang. Phumma ngama nga a Joban Chha ngatrãngma nema nganâng chenroh Joban thãse eko ngama jienngaeha?

JON MA RAANGWAH NGINKONGSEN 20:28

Thomas ma Jisu nâng, “Nga Teso ngale nga Joban,” ngama dânthâng wah.

JON MA RAANGWAH NGINKONGSEN 20:31

Rohkomin are raangthien eka heh nema chenmam putedâlem en ngama raangthien eka Jisu pa Joban Chha, Misaia, ngale nema atenâng putedâlem junma ba nema roandông tâchohmin.

JON MA RAANGWAH NGINKONGSEN 5:25

Ngama nenâng toangtang thôkoh eka: Sanpoat pa hûera - ere sanpoat pa lâhûtha - riichoante hehma Joban Chha kahra echohtat a, ngale henhenma erepa chohtat eka ereheh engakhin a.

JON MA RAANGWAH NGINKONGSEN 7:42

Joban nyapraangma ngaeka, Misaia pa Devit Lowang chhuchha wah dângmin ngale atea Devit songtah hah Bathlehem nâng chhatmin.”

MOATLEM 2:30

Atea mõng dângwah, ngale Joban ma atenâng chenni toamsem tah a erepa atema ajet dângwah: Joban ma Devit chhuchha hehwah Devit dangtah rãngrãng wathe Lowang rãng hôanmin ngama toamsêm wah.

MOATLEM 3:13

Abraham Joban, Isak Joban, ngale Jakob Joban, nãngte nãngwa heh Joban ma ate Haa Jisu mîndongthuk eka. Rohkomin nema thôte jabte hehnâng ate ritphe thuktet, ngale Pilat ma ate laangphê hunwah akomin nema Pilat tâko nima ate hunmih ngatet.

MOATLEM 8:36

Atenii lemko katjenjenko, jo roanche tônglâwah, phumma sahhabwa pumma ngatwah, “Are theko jo roanche tonga. Ngama baptijem keppa chennima tâtângmin a?”

MOATLEM 9:20

Atema Sanagog nâng tintin wãng lahma Jisu pa Joban Chha dângwah ngama thôkoh wah.

ROMAN HEHNÂNG POLMA RAANGWAH SITI 1:9

Joban ma ajet, ngama toangtang jabekang - are Joban ko Ngama ate Chha Nginkongsen pa phoangthô lekma ngahung phangtang koh lekma soamtô ekang. Joban ma ajet ngama

ROMAN HEHNÂNG POLMA RAANGWAH SITI 4:1

Eroh medang ako nãngte nãngwa Abraham nâng chenroh ngaea? Atea chenroh dângwah a?

ROMAN HEHNÂNG POLMA RAANGWAH SITI 9:3

ere chêmpa nga mihnyan ngale ngadede hei angem hehrãngma choh ekang! Thinrãng mejô mesen ako nganâng Joban memin chentem athoak hang ngale Krista tâwahmin chenphansiet hang ngama hun ekang.

ROMAN HEHNÂNG POLMA RAANGWAH SITI 9:5

thin a nãngte nãngwa Hibru linlin heh chhuchha; ngale mihnyan nyuchha junko Krista min thin pôali. Chentô khohko adong danglahma pênte Joban mînpa roantang roanjêngma rôlihma thien e! Amen.

1 KORINT 1:9

Joban nâng putedâlem min, ere Joban pumma ate Chha nãng Teso Jisu Krista demnâng aroamma dângrâng rooehèn.

1 KORINT 10:18

Isrial mihnyan hehnâng thatthonghun tan en; henhenma soam aroak reka kowah phhek eka, erehehma soam aroak thekowah Joban nâng soam aroak ekako johroam eka.

GALATIEN 4:4

Rohkomin chenthu sanpoatsen pa hokphumma Joban ma ate Chha chienkat era. Atea dihiaknyu ma chha lahma Jews heh Niemarang khenko sôngtông katwah,

1 THISALONIKA 1:10

ngale nema ate Chha rangkhethung wah ngakkat bemla eken heh thô rewak eka - ate Chhapa Jisu, Joban ma ritwah ngakhînsiet wah, ngale Jisu ma nãngkhu ahokmin Joban rinkhah kowah pesiet ehi.

1 TIMOTHI 2:5

Chenrãngma ngako Joban pa wanthe, ngale Joban le mihnyan nyuchha roamsiette pa wathe ba etonga, ere mihnyan pa Jisu Krista,

1 TIMOTHI 3:16

Nãng rangsoam niem junko nãng roandôngko Joban nâng putedâlem lihma songtong ekipa adongthôan: Atea mihnyan nyuchha rãngrãng danglahma hôngwah, ngale Joban Juma atea toangtang ngama khesokwah, ngale erepa rangkhethung wah Joban ngintatte hehmemin khewah. Ate nginpa chentô diak akan nâng phoangthô kohwah, ngale hahtokkhoh phangtangma ate nginko pute wah, ngale atea rangkhethung nâng tôansiet wênwah.

2 TIMOTHI 2:8

Aritwah ngakhînte Jisu Krista nâng thonghun o, atea Devit chha dângwah, ngale are nginpa Ngama Phoangthôkoh ekang Nginkongsen ko hethô ekang.

1 JON 1:3

Nima chenni khetih a, ngale tattih a ereheh nenâng thôkoh eka, erohkoba nemin nidemnâng Wa Joban ngale ate Chha Jisu Krista demko aroamma ejoh danghi.

1 JON 3:23

Atema chien ehipa, nãngma ate Chha Jisu Krista nâng putedâlem, ngale wathema wathe nâng hun achetmîn rãng chien ehi, ngale Krista memin eroh jôba chien ehi.

1 JON 3:8

Ngale henhenma papkaam molahma tongeka ereheh Juchhih thiakrãng lâdangtah, chenrãngma ngako rangbeng hahbeng thuma Juchhih ma papkaam moeka. Phumma Joban Chhapa Juchhih ma chenni motah a ere moatlem heh chhihsietrãng hongeka.

1 JON 4:15

Nãngma Jisu Krista pa Joban Chha ngama menga eko, nãnga Joban demnâng aroamma tongeki, ngale Joban min nãng demnâng aroamma tongehi.

1 JON 5:1

Henhenma Jisu pa Misaia ngama putedâlem eka ereheh a Joban Chha; ngale henhenma Joban Wa nâng huneka erehehma ate Chha nângmin huneka.

1 JON 5:20

Nãngma ajet Joban Chhapa katha ngale nãngnâng toangtang pa jetthuk ehi, erohwah nãngma linlin toangtang Joban pa jeteki. Ngale nãnga linlin Joban demnâng aroamma tongeki - ngale ate Chha Jisu Krista demnâng aroamma tongeki. Arepa linlin toangtang Joban, ngale are pejôba roantang roanjêng roandông.

1 JON 5:5

Henma are hahtokkhoh pa tâjienmin a? Henhenma Jisu pa Joban Chha ngama putedâlem eka erehehma loloba tâjienmin.

2 JON 1:7

Mih diapphhek chhahte hahtokkhoh ko jahmõang phoangmen chhoantah, ereheh a Jisu Krista pa mihnyan nyuchha phoang rãngrãng danglahma katwah ngama lejette mihnyan heh. Arerãngrãng mihnyan heh mih diapchhahte ngale thin a Krista rãngma Ran.

LOATKHESOK 2:18

“Thitira wah Asâthem heh ngintatte hehnâng raangeka: “Are nginpa Joban Chha ngewah raangeka, ate mitpa wendô rãngrãng, ngale ate dapa janlin chhumhut wah rãngrãng chhum phiakeka.